| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. анод̇д̇аббийсуд̇д̇аван̣н̣анаа
2. Anottappīsuttavaṇṇanā
145. д̣̇уд̇ияз анаад̇аабийд̇и яам̣ вийрияам̣ гилзсз аад̇абад̇и, д̇зна рахид̇о. анод̇д̇аббийд̇и ниб̣бхаяо гилзсуббад̇д̇ид̇о гусалаануббад̇д̇ид̇о жа бхаяарахид̇о. самб̣од̇хааяаад̇и самб̣уж̇жханад̇т̇ааяа. ниб̣б̣аанааяаад̇и ниб̣б̣аанасажчигирияааяа. ануд̇д̇арасса яог̇агкзмассаад̇и арахад̇д̇асса д̇ан̃хи ануд̇д̇аран̃жзва жад̇уухи жа яог̇зхи кзмам̣.
145. Dutiye anātāpīti yaṃ vīriyaṃ kilese ātapati, tena rahito. Anottappīti nibbhayo kilesuppattito kusalānuppattito ca bhayarahito. Sambodhāyāti sambujjhanatthāya. Nibbānāyāti nibbānasacchikiriyāya. Anuttarassa yogakkhemassāti arahattassa tañhi anuttarañceva catūhi ca yogehi khemaṃ.
ануббаннаад̇иаад̣̇ийсу яз буб̣б̣з аббадилад̣̇д̇хабуб̣б̣ам̣ жийвараад̣̇им̣ ваа бажжаяам̣ убадтаагасад̣̇д̇хивихаарига-анд̇зваасийнам̣ ваа ан̃н̃ад̇арад̇о манун̃н̃авад̇т̇ум̣ бадилабхид̇ваа д̇ам̣ субхам̣ суканд̇и аяонисо г̇ан̣ханд̇асса ан̃н̃ад̇арам̣ ваа бана ананубхууд̇абуб̣б̣ам̣ аарамман̣ам̣ яат̇аа д̇ат̇аа ваа аяонисо ааваж̇ж̇знд̇асса лобхаад̣̇аяо баабагаа агусалаа д̇хаммаа уббаж̇ж̇анд̇и, д̇з ануббаннаад̇и взд̣̇ид̇аб̣б̣аа. ан̃н̃ат̇аа хи анамад̇аг̇г̇з сам̣саарз ануббаннаа наама баабагаа д̇хаммаа над̇т̇и. анубхууд̇абуб̣б̣зби жа вад̇т̇умхи аарамман̣з ваа яасса багад̇иб̣уд̣̇д̇хияаа ваа уд̣̇д̣̇зсабарибужчааяа ваа барияад̇д̇инавагаммаяонисоманасигаараанам̣ ваа ан̃н̃ад̇аравасзна буб̣б̣з ануббаж̇ж̇ид̇ваа бажчаа д̇аад̣̇исзна бажжаязна сахасаа уббаж̇ж̇анд̇и, имзби ‘‘ануббаннаа уббаж̇ж̇амаанаа анад̇т̇ааяа сам̣вад̇д̇зяяу’’нд̇и взд̣̇ид̇аб̣б̣аа. д̇зсуязва бана вад̇т̇аарамман̣зсу бунаббунам̣ уббаж̇ж̇амаанаа наббахийяанд̇и наама, д̇з ‘‘уббаннаа аббахийяамаанаа анад̇т̇ааяа сам̣вад̇д̇зяяу’’нд̇и взд̣̇ид̇аб̣б̣аа. аяамзд̇т̇а сан̇кзбо, вид̇т̇аарад̇о бана уббаннаануббаннабхзд̣̇о жа бахаанаббахаанавид̇хаанан̃жа саб̣б̣ам̣ висуд̣̇д̇химаг̇г̇з н̃аан̣ад̣̇ассанависуд̣̇д̇хинид̣̇д̣̇зсз гат̇ид̇ам̣.
Anuppannātiādīsu ye pubbe appaṭiladdhapubbaṃ cīvarādiṃ vā paccayaṃ upaṭṭhākasaddhivihārika-antevāsīnaṃ vā aññatarato manuññavatthuṃ paṭilabhitvā taṃ subhaṃ sukhanti ayoniso gaṇhantassa aññataraṃ vā pana ananubhūtapubbaṃ ārammaṇaṃ yathā tathā vā ayoniso āvajjentassa lobhādayo pāpakā akusalā dhammā uppajjanti, te anuppannāti veditabbā. Aññathā hi anamatagge saṃsāre anuppannā nāma pāpakā dhammā natthi. Anubhūtapubbepi ca vatthumhi ārammaṇe vā yassa pakatibuddhiyā vā uddesaparipucchāya vā pariyattinavakammayonisomanasikārānaṃ vā aññataravasena pubbe anuppajjitvā pacchā tādisena paccayena sahasā uppajjanti, imepi ‘‘anuppannā uppajjamānā anatthāya saṃvatteyyu’’nti veditabbā. Tesuyeva pana vatthārammaṇesu punappunaṃ uppajjamānā nappahīyanti nāma, te ‘‘uppannā appahīyamānā anatthāya saṃvatteyyu’’nti veditabbā. Ayamettha saṅkhepo, vitthārato pana uppannānuppannabhedo ca pahānappahānavidhānañca sabbaṃ visuddhimagge ñāṇadassanavisuddhiniddese kathitaṃ.
ануббаннаа мз гусалаа д̇хаммаад̇и аббадилад̣̇д̇хааби сийласамаад̇химаг̇г̇апаласан̇каад̇аа анаваж̇ж̇ад̇хаммаа. уббаннаад̇и д̇зязва бадилад̣̇д̇хаа. нируж̇жхамаанаа анад̇т̇ааяа сам̣вад̇д̇зяяунд̇и д̇з сийлаад̣̇ид̇хаммаа барихаанивасзна буна ануббад̇д̇ияаа нируж̇жхамаанаа анад̇т̇ааяа сам̣вад̇д̇зяяунд̇и взд̣̇ид̇аб̣б̣аа. зд̇т̇а жа логияаа барихааяанд̇и, логуд̇д̇араанам̣ барихаани над̇т̇ийд̇и. ‘‘уббаннаанам̣ гусалаанам̣ д̇хаммаанам̣ тид̇ияаа’’д̇и имасса бана саммаббад̇хаанасса васзнааяам̣ д̣̇зсанаа гад̇аа. д̣̇уд̇ияамаг̇г̇о ваа сийгхам̣ ануббаж̇ж̇амаано, батамамаг̇г̇о нируж̇жхамаано анад̇т̇ааяа сам̣вад̇д̇зяяаад̇и звамбзд̇т̇а ад̇т̇о д̣̇адтаб̣б̣о. ид̇и имасмим̣ суд̇д̇з имз жад̇д̇ааро саммаббад̇хаанаа буб̣б̣абхааг̇авибассанаавасзна гат̇ид̇аад̇и. д̣̇уд̇ияам̣.
Anuppannāme kusalā dhammāti appaṭiladdhāpi sīlasamādhimaggaphalasaṅkhātā anavajjadhammā. Uppannāti teyeva paṭiladdhā. Nirujjhamānā anatthāya saṃvatteyyunti te sīlādidhammā parihānivasena puna anuppattiyā nirujjhamānā anatthāya saṃvatteyyunti veditabbā. Ettha ca lokiyā parihāyanti, lokuttarānaṃ parihāni natthīti. ‘‘Uppannānaṃ kusalānaṃ dhammānaṃ ṭhitiyā’’ti imassa pana sammappadhānassa vasenāyaṃ desanā katā. Dutiyamaggo vā sīghaṃ anuppajjamāno, paṭhamamaggo nirujjhamāno anatthāya saṃvatteyyāti evampettha attho daṭṭhabbo. Iti imasmiṃ sutte ime cattāro sammappadhānā pubbabhāgavipassanāvasena kathitāti. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. анод̇д̇аббийсуд̇д̇ам̣ • 2. Anottappīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. анод̇д̇аббийсуд̇д̇аван̣н̣анаа • 2. Anottappīsuttavaṇṇanā
