| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. анод̇д̇аббийсуд̇д̇аван̣н̣анаа
2. Anottappīsuttavaṇṇanā
145. д̇зна рахид̇од̇и д̇зна саммаавааяаамзна рахид̇о. ниб̣бхаяод̇и бхаяарахид̇о. гусалаануббаад̣̇анамби хи сааваж̇ж̇амзва ан̃н̃аан̣ааласияахзд̇угад̇д̇аа. самб̣уж̇жханад̇т̇ааяаад̇и арияамаг̇г̇зхи самб̣уж̇жханааяа. яог̇зхи кзмам̣ д̇зхи анубад̣̇д̣̇уд̇ад̇д̇аа.
145.Tena rahitoti tena sammāvāyāmena rahito. Nibbhayoti bhayarahito. Kusalānuppādanampi hi sāvajjameva aññāṇālasiyahetukattā. Sambujjhanatthāyāti ariyamaggehi sambujjhanāya. Yogehi khemaṃ tehi anupaddutattā.
манун̃н̃авад̇т̇унд̇и манорамам̣ лобхуббад̇д̇игааран̣ам̣. яат̇аа ваа д̇ат̇аа ваад̇и субхасукаад̣̇ивасзна. д̇зд̇и лобхаад̣̇аяо. ануббаннаад̇и взд̣̇ид̇аб̣б̣аа д̇ат̇ааруубз вад̇т̇аарамман̣з д̇ат̇аа ануббаннабуб̣б̣ад̇д̇аа. ан̃н̃ат̇аад̇и вуд̇д̇анаязнзва вад̇т̇аарамман̣зхи аяож̇зд̇ваа г̇аяхамаанз. вад̇т̇умхийд̇и убадтаагаад̣̇ижийвараад̣̇ивад̇т̇умхи. аарамман̣зд̇и манаабияаад̣̇ибхзд̣̇з аарамман̣з. д̇аад̣̇исзна бажжаязнаад̇и аяонисоманасигаарасад̇ивоссаг̇г̇аад̣̇ибажжаязна . имзд̇и вуд̇д̇анаязна бажжаяалаабхзна бажчаа уббаж̇ж̇амаанаа баал̣ияам̣ д̇ат̇аа вуд̇д̇аад̇и д̣̇адтаб̣б̣ам̣. звам̣ уббаж̇ж̇амаанад̇ааяа наббахийяанд̇и наама. ануббаад̣̇о хи барамад̇т̇ад̇о бахаанам̣ гат̇ид̇ам̣, д̇асмаа д̇ад̇т̇а гат̇ид̇анаязнзва г̇ахзд̇аб̣б̣анд̇и ад̇хиббааяо.
Manuññavatthunti manoramaṃ lobhuppattikāraṇaṃ. Yathā vā tathā vāti subhasukhādivasena. Teti lobhādayo. Anuppannāti veditabbā tathārūpe vatthārammaṇe tathā anuppannapubbattā. Aññathāti vuttanayeneva vatthārammaṇehi ayojetvā gayhamāne. Vatthumhīti upaṭṭhākādicīvarādivatthumhi. Ārammaṇeti manāpiyādibhede ārammaṇe. Tādisena paccayenāti ayonisomanasikārasativossaggādipaccayena . Imeti vuttanayena paccayalābhena pacchā uppajjamānā pāḷiyaṃ tathā vuttāti daṭṭhabbaṃ. Evaṃ uppajjamānatāya nappahīyanti nāma. Anuppādo hi paramatthato pahānaṃ kathitaṃ, tasmā tattha kathitanayeneva gahetabbanti adhippāyo.
аббадилад̣̇д̇хаад̇и ануббад̇д̇ияаа. д̇зд̇и яат̇аавуд̇д̇асийлаад̣̇ианаваж̇ж̇ад̇хаммаа. бадилад̣̇д̇хаад̇и ад̇хиг̇ад̇аа. ‘‘сийлаад̣̇ид̇хаммаа’’д̇и зд̇т̇а яад̣̇и маг̇г̇апалааниби г̇ахид̇аани, ат̇а гасмаа ‘‘барихаанивасзнаа’’д̇и вуд̇д̇анд̇и ааха ‘‘зд̇т̇а жаа’’д̇иаад̣̇и. имасса бана саммаббад̇хаанассаад̇и жад̇уд̇т̇асса саммаббад̇хаанасса васзна. аяам̣ д̣̇зсанаад̇и ‘‘уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяу’’нд̇и аяам̣ д̣̇зсанаа гад̇аа. д̣̇уд̇ияамаг̇г̇о ваа…бз… сам̣вад̇д̇зяяаад̇и ид̣̇ам̣ ааяад̇им̣ сад̇д̇асу ад̇д̇абхаавзсу уббаж̇ж̇амаанад̣̇угкасан̇каад̇аанад̇т̇уббад̇д̇им̣ санд̇хааяа вуд̇д̇ам̣. ‘‘аад̇аабий од̇д̇аббий бхаб̣б̣о самб̣од̇хааяаа’’д̇иаад̣̇иважанад̇о ‘‘имз жад̇д̇ааро саммаббад̇хаанаа буб̣б̣абхааг̇авибассанаавасзна гат̇ид̇аа’’д̇и вуд̇д̇ам̣.
Appaṭiladdhāti anuppattiyā. Teti yathāvuttasīlādianavajjadhammā. Paṭiladdhāti adhigatā. ‘‘Sīlādidhammā’’ti ettha yadi maggaphalānipi gahitāni, atha kasmā ‘‘parihānivasenā’’ti vuttanti āha ‘‘ettha cā’’tiādi. Imassa pana sammappadhānassāti catutthassa sammappadhānassa vasena. Ayaṃ desanāti ‘‘uppannā me kusalā dhammā nirujjhamānā anatthāya saṃvatteyyu’’nti ayaṃ desanā katā. Dutiyamaggo vā…pe… saṃvatteyyāti idaṃ āyatiṃ sattasu attabhāvesu uppajjamānadukkhasaṅkhātaanatthuppattiṃ sandhāya vuttaṃ. ‘‘Ātāpī ottappī bhabbo sambodhāyā’’tiādivacanato ‘‘ime cattāro sammappadhānā pubbabhāgavipassanāvasena kathitā’’ti vuttaṃ.
анод̇д̇аббийсуд̇д̇аван̣н̣анаа нидтид̇аа.
Anottappīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. анод̇д̇аббийсуд̇д̇ам̣ • 2. Anottappīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. анод̇д̇аббийсуд̇д̇аван̣н̣анаа • 2. Anottappīsuttavaṇṇanā
