| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਅਨੋਤ੍ਤਪ੍ਪੀਸੁਤ੍ਤવਣ੍ਣਨਾ
2. Anottappīsuttavaṇṇanā
੧੪੫. ਦੁਤਿਯੇ ਅਨਾਤਾਪੀਤਿ ਯਂ વੀਰਿਯਂ ਕਿਲੇਸੇ ਆਤਪਤਿ, ਤੇਨ ਰਹਿਤੋ। ਅਨੋਤ੍ਤਪ੍ਪੀਤਿ ਨਿਬ੍ਭਯੋ ਕਿਲੇਸੁਪ੍ਪਤ੍ਤਿਤੋ ਕੁਸਲਾਨੁਪ੍ਪਤ੍ਤਿਤੋ ਚ ਭਯਰਹਿਤੋ। ਸਮ੍ਬੋਧਾਯਾਤਿ ਸਮ੍ਬੁਜ੍ਝਨਤ੍ਥਾਯ। ਨਿਬ੍ਬਾਨਾਯਾਤਿ ਨਿਬ੍ਬਾਨਸਚ੍ਛਿਕਿਰਿਯਾਯ। ਅਨੁਤ੍ਤਰਸ੍ਸ ਯੋਗਕ੍ਖੇਮਸ੍ਸਾਤਿ ਅਰਹਤ੍ਤਸ੍ਸ ਤਞ੍ਹਿ ਅਨੁਤ੍ਤਰਞ੍ਚੇવ ਚਤੂਹਿ ਚ ਯੋਗੇਹਿ ਖੇਮਂ।
145. Dutiye anātāpīti yaṃ vīriyaṃ kilese ātapati, tena rahito. Anottappīti nibbhayo kilesuppattito kusalānuppattito ca bhayarahito. Sambodhāyāti sambujjhanatthāya. Nibbānāyāti nibbānasacchikiriyāya. Anuttarassa yogakkhemassāti arahattassa tañhi anuttarañceva catūhi ca yogehi khemaṃ.
ਅਨੁਪ੍ਪਨ੍ਨਾਤਿਆਦੀਸੁ ਯੇ ਪੁਬ੍ਬੇ ਅਪ੍ਪਟਿਲਦ੍ਧਪੁਬ੍ਬਂ ਚੀવਰਾਦਿਂ વਾ ਪਚ੍ਚਯਂ ਉਪਟ੍ਠਾਕਸਦ੍ਧਿવਿਹਾਰਿਕ-ਅਨ੍ਤੇવਾਸੀਨਂ વਾ ਅਞ੍ਞਤਰਤੋ ਮਨੁਞ੍ਞવਤ੍ਥੁਂ ਪਟਿਲਭਿਤ੍વਾ ਤਂ ਸੁਭਂ ਸੁਖਨ੍ਤਿ ਅਯੋਨਿਸੋ ਗਣ੍ਹਨ੍ਤਸ੍ਸ ਅਞ੍ਞਤਰਂ વਾ ਪਨ ਅਨਨੁਭੂਤਪੁਬ੍ਬਂ ਆਰਮ੍ਮਣਂ ਯਥਾ ਤਥਾ વਾ ਅਯੋਨਿਸੋ ਆવਜ੍ਜੇਨ੍ਤਸ੍ਸ ਲੋਭਾਦਯੋ ਪਾਪਕਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਤੇ ਅਨੁਪ੍ਪਨ੍ਨਾਤਿ વੇਦਿਤਬ੍ਬਾ। ਅਞ੍ਞਥਾ ਹਿ ਅਨਮਤਗ੍ਗੇ ਸਂਸਾਰੇ ਅਨੁਪ੍ਪਨ੍ਨਾ ਨਾਮ ਪਾਪਕਾ ਧਮ੍ਮਾ ਨਤ੍ਥਿ। ਅਨੁਭੂਤਪੁਬ੍ਬੇਪਿ ਚ વਤ੍ਥੁਮ੍ਹਿ ਆਰਮ੍ਮਣੇ વਾ ਯਸ੍ਸ ਪਕਤਿਬੁਦ੍ਧਿਯਾ વਾ ਉਦ੍ਦੇਸਪਰਿਪੁਚ੍ਛਾਯ વਾ ਪਰਿਯਤ੍ਤਿਨવਕਮ੍ਮਯੋਨਿਸੋਮਨਸਿਕਾਰਾਨਂ વਾ ਅਞ੍ਞਤਰવਸੇਨ ਪੁਬ੍ਬੇ ਅਨੁਪ੍ਪਜ੍ਜਿਤ੍વਾ ਪਚ੍ਛਾ ਤਾਦਿਸੇਨ ਪਚ੍ਚਯੇਨ ਸਹਸਾ ਉਪ੍ਪਜ੍ਜਨ੍ਤਿ, ਇਮੇਪਿ ‘‘ਅਨੁਪ੍ਪਨ੍ਨਾ ਉਪ੍ਪਜ੍ਜਮਾਨਾ ਅਨਤ੍ਥਾਯ ਸਂવਤ੍ਤੇਯ੍ਯੁ’’ਨ੍ਤਿ વੇਦਿਤਬ੍ਬਾ। ਤੇਸੁਯੇવ ਪਨ વਤ੍ਥਾਰਮ੍ਮਣੇਸੁ ਪੁਨਪ੍ਪੁਨਂ ਉਪ੍ਪਜ੍ਜਮਾਨਾ ਨਪ੍ਪਹੀਯਨ੍ਤਿ ਨਾਮ, ਤੇ ‘‘ਉਪ੍ਪਨ੍ਨਾ ਅਪ੍ਪਹੀਯਮਾਨਾ ਅਨਤ੍ਥਾਯ ਸਂવਤ੍ਤੇਯ੍ਯੁ’’ਨ੍ਤਿ વੇਦਿਤਬ੍ਬਾ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰਤੋ ਪਨ ਉਪ੍ਪਨ੍ਨਾਨੁਪ੍ਪਨ੍ਨਭੇਦੋ ਚ ਪਹਾਨਪ੍ਪਹਾਨવਿਧਾਨਞ੍ਚ ਸਬ੍ਬਂ વਿਸੁਦ੍ਧਿਮਗ੍ਗੇ ਞਾਣਦਸ੍ਸਨવਿਸੁਦ੍ਧਿਨਿਦ੍ਦੇਸੇ ਕਥਿਤਂ।
Anuppannātiādīsu ye pubbe appaṭiladdhapubbaṃ cīvarādiṃ vā paccayaṃ upaṭṭhākasaddhivihārika-antevāsīnaṃ vā aññatarato manuññavatthuṃ paṭilabhitvā taṃ subhaṃ sukhanti ayoniso gaṇhantassa aññataraṃ vā pana ananubhūtapubbaṃ ārammaṇaṃ yathā tathā vā ayoniso āvajjentassa lobhādayo pāpakā akusalā dhammā uppajjanti, te anuppannāti veditabbā. Aññathā hi anamatagge saṃsāre anuppannā nāma pāpakā dhammā natthi. Anubhūtapubbepi ca vatthumhi ārammaṇe vā yassa pakatibuddhiyā vā uddesaparipucchāya vā pariyattinavakammayonisomanasikārānaṃ vā aññataravasena pubbe anuppajjitvā pacchā tādisena paccayena sahasā uppajjanti, imepi ‘‘anuppannā uppajjamānā anatthāya saṃvatteyyu’’nti veditabbā. Tesuyeva pana vatthārammaṇesu punappunaṃ uppajjamānā nappahīyanti nāma, te ‘‘uppannā appahīyamānā anatthāya saṃvatteyyu’’nti veditabbā. Ayamettha saṅkhepo, vitthārato pana uppannānuppannabhedo ca pahānappahānavidhānañca sabbaṃ visuddhimagge ñāṇadassanavisuddhiniddese kathitaṃ.
ਅਨੁਪ੍ਪਨ੍ਨਾ ਮੇ ਕੁਸਲਾ ਧਮ੍ਮਾਤਿ ਅਪ੍ਪਟਿਲਦ੍ਧਾਪਿ ਸੀਲਸਮਾਧਿਮਗ੍ਗਫਲਸਙ੍ਖਾਤਾ ਅਨવਜ੍ਜਧਮ੍ਮਾ। ਉਪ੍ਪਨ੍ਨਾਤਿ ਤੇਯੇવ ਪਟਿਲਦ੍ਧਾ। ਨਿਰੁਜ੍ਝਮਾਨਾ ਅਨਤ੍ਥਾਯ ਸਂવਤ੍ਤੇਯ੍ਯੁਨ੍ਤਿ ਤੇ ਸੀਲਾਦਿਧਮ੍ਮਾ ਪਰਿਹਾਨਿવਸੇਨ ਪੁਨ ਅਨੁਪ੍ਪਤ੍ਤਿਯਾ ਨਿਰੁਜ੍ਝਮਾਨਾ ਅਨਤ੍ਥਾਯ ਸਂવਤ੍ਤੇਯ੍ਯੁਨ੍ਤਿ વੇਦਿਤਬ੍ਬਾ। ਏਤ੍ਥ ਚ ਲੋਕਿਯਾ ਪਰਿਹਾਯਨ੍ਤਿ, ਲੋਕੁਤ੍ਤਰਾਨਂ ਪਰਿਹਾਨਿ ਨਤ੍ਥੀਤਿ। ‘‘ਉਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਠਿਤਿਯਾ’’ਤਿ ਇਮਸ੍ਸ ਪਨ ਸਮ੍ਮਪ੍ਪਧਾਨਸ੍ਸ વਸੇਨਾਯਂ ਦੇਸਨਾ ਕਤਾ। ਦੁਤਿਯਮਗ੍ਗੋ વਾ ਸੀਘਂ ਅਨੁਪ੍ਪਜ੍ਜਮਾਨੋ, ਪਠਮਮਗ੍ਗੋ ਨਿਰੁਜ੍ਝਮਾਨੋ ਅਨਤ੍ਥਾਯ ਸਂવਤ੍ਤੇਯ੍ਯਾਤਿ ਏવਮ੍ਪੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਇਤਿ ਇਮਸ੍ਮਿਂ ਸੁਤ੍ਤੇ ਇਮੇ ਚਤ੍ਤਾਰੋ ਸਮ੍ਮਪ੍ਪਧਾਨਾ ਪੁਬ੍ਬਭਾਗવਿਪਸ੍ਸਨਾવਸੇਨ ਕਥਿਤਾਤਿ। ਦੁਤਿਯਂ।
Anuppannāme kusalā dhammāti appaṭiladdhāpi sīlasamādhimaggaphalasaṅkhātā anavajjadhammā. Uppannāti teyeva paṭiladdhā. Nirujjhamānā anatthāya saṃvatteyyunti te sīlādidhammā parihānivasena puna anuppattiyā nirujjhamānā anatthāya saṃvatteyyunti veditabbā. Ettha ca lokiyā parihāyanti, lokuttarānaṃ parihāni natthīti. ‘‘Uppannānaṃ kusalānaṃ dhammānaṃ ṭhitiyā’’ti imassa pana sammappadhānassa vasenāyaṃ desanā katā. Dutiyamaggo vā sīghaṃ anuppajjamāno, paṭhamamaggo nirujjhamāno anatthāya saṃvatteyyāti evampettha attho daṭṭhabbo. Iti imasmiṃ sutte ime cattāro sammappadhānā pubbabhāgavipassanāvasena kathitāti. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਅਨੋਤ੍ਤਪ੍ਪੀਸੁਤ੍ਤਂ • 2. Anottappīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਅਨੋਤ੍ਤਪ੍ਪੀਸੁਤ੍ਤવਣ੍ਣਨਾ • 2. Anottappīsuttavaṇṇanā
