| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਅਨੋਤ੍ਤਪ੍ਪੀਸੁਤ੍ਤવਣ੍ਣਨਾ
2. Anottappīsuttavaṇṇanā
੧੪੫. ਤੇਨ ਰਹਿਤੋਤਿ ਤੇਨ ਸਮ੍ਮਾવਾਯਾਮੇਨ ਰਹਿਤੋ। ਨਿਬ੍ਭਯੋਤਿ ਭਯਰਹਿਤੋ। ਕੁਸਲਾਨੁਪ੍ਪਾਦਨਮ੍ਪਿ ਹਿ ਸਾવਜ੍ਜਮੇવ ਅਞ੍ਞਾਣਾਲਸਿਯਹੇਤੁਕਤ੍ਤਾ। ਸਮ੍ਬੁਜ੍ਝਨਤ੍ਥਾਯਾਤਿ ਅਰਿਯਮਗ੍ਗੇਹਿ ਸਮ੍ਬੁਜ੍ਝਨਾਯ। ਯੋਗੇਹਿ ਖੇਮਂ ਤੇਹਿ ਅਨੁਪਦ੍ਦੁਤਤ੍ਤਾ।
145.Tena rahitoti tena sammāvāyāmena rahito. Nibbhayoti bhayarahito. Kusalānuppādanampi hi sāvajjameva aññāṇālasiyahetukattā. Sambujjhanatthāyāti ariyamaggehi sambujjhanāya. Yogehi khemaṃ tehi anupaddutattā.
ਮਨੁਞ੍ਞવਤ੍ਥੁਨ੍ਤਿ ਮਨੋਰਮਂ ਲੋਭੁਪ੍ਪਤ੍ਤਿਕਾਰਣਂ। ਯਥਾ વਾ ਤਥਾ વਾਤਿ ਸੁਭਸੁਖਾਦਿવਸੇਨ। ਤੇਤਿ ਲੋਭਾਦਯੋ। ਅਨੁਪ੍ਪਨ੍ਨਾਤਿ વੇਦਿਤਬ੍ਬਾ ਤਥਾਰੂਪੇ વਤ੍ਥਾਰਮ੍ਮਣੇ ਤਥਾ ਅਨੁਪ੍ਪਨ੍ਨਪੁਬ੍ਬਤ੍ਤਾ। ਅਞ੍ਞਥਾਤਿ વੁਤ੍ਤਨਯੇਨੇવ વਤ੍ਥਾਰਮ੍ਮਣੇਹਿ ਅਯੋਜੇਤ੍વਾ ਗਯ੍ਹਮਾਨੇ। વਤ੍ਥੁਮ੍ਹੀਤਿ ਉਪਟ੍ਠਾਕਾਦਿਚੀવਰਾਦਿવਤ੍ਥੁਮ੍ਹਿ। ਆਰਮ੍ਮਣੇਤਿ ਮਨਾਪਿਯਾਦਿਭੇਦੇ ਆਰਮ੍ਮਣੇ। ਤਾਦਿਸੇਨ ਪਚ੍ਚਯੇਨਾਤਿ ਅਯੋਨਿਸੋਮਨਸਿਕਾਰਸਤਿવੋਸ੍ਸਗ੍ਗਾਦਿਪਚ੍ਚਯੇਨ । ਇਮੇਤਿ વੁਤ੍ਤਨਯੇਨ ਪਚ੍ਚਯਲਾਭੇਨ ਪਚ੍ਛਾ ਉਪ੍ਪਜ੍ਜਮਾਨਾ ਪਾਲ਼ਿਯਂ ਤਥਾ વੁਤ੍ਤਾਤਿ ਦਟ੍ਠਬ੍ਬਂ। ਏવਂ ਉਪ੍ਪਜ੍ਜਮਾਨਤਾਯ ਨਪ੍ਪਹੀਯਨ੍ਤਿ ਨਾਮ। ਅਨੁਪ੍ਪਾਦੋ ਹਿ ਪਰਮਤ੍ਥਤੋ ਪਹਾਨਂ ਕਥਿਤਂ, ਤਸ੍ਮਾ ਤਤ੍ਥ ਕਥਿਤਨਯੇਨੇવ ਗਹੇਤਬ੍ਬਨ੍ਤਿ ਅਧਿਪ੍ਪਾਯੋ।
Manuññavatthunti manoramaṃ lobhuppattikāraṇaṃ. Yathā vā tathā vāti subhasukhādivasena. Teti lobhādayo. Anuppannāti veditabbā tathārūpe vatthārammaṇe tathā anuppannapubbattā. Aññathāti vuttanayeneva vatthārammaṇehi ayojetvā gayhamāne. Vatthumhīti upaṭṭhākādicīvarādivatthumhi. Ārammaṇeti manāpiyādibhede ārammaṇe. Tādisena paccayenāti ayonisomanasikārasativossaggādipaccayena . Imeti vuttanayena paccayalābhena pacchā uppajjamānā pāḷiyaṃ tathā vuttāti daṭṭhabbaṃ. Evaṃ uppajjamānatāya nappahīyanti nāma. Anuppādo hi paramatthato pahānaṃ kathitaṃ, tasmā tattha kathitanayeneva gahetabbanti adhippāyo.
ਅਪ੍ਪਟਿਲਦ੍ਧਾਤਿ ਅਨੁਪ੍ਪਤ੍ਤਿਯਾ। ਤੇਤਿ ਯਥਾવੁਤ੍ਤਸੀਲਾਦਿਅਨવਜ੍ਜਧਮ੍ਮਾ। ਪਟਿਲਦ੍ਧਾਤਿ ਅਧਿਗਤਾ। ‘‘ਸੀਲਾਦਿਧਮ੍ਮਾ’’ਤਿ ਏਤ੍ਥ ਯਦਿ ਮਗ੍ਗਫਲਾਨਿਪਿ ਗਹਿਤਾਨਿ, ਅਥ ਕਸ੍ਮਾ ‘‘ਪਰਿਹਾਨਿવਸੇਨਾ’’ਤਿ વੁਤ੍ਤਨ੍ਤਿ ਆਹ ‘‘ਏਤ੍ਥ ਚਾ’’ਤਿਆਦਿ। ਇਮਸ੍ਸ ਪਨ ਸਮ੍ਮਪ੍ਪਧਾਨਸ੍ਸਾਤਿ ਚਤੁਤ੍ਥਸ੍ਸ ਸਮ੍ਮਪ੍ਪਧਾਨਸ੍ਸ વਸੇਨ। ਅਯਂ ਦੇਸਨਾਤਿ ‘‘ਉਪ੍ਪਨ੍ਨਾ ਮੇ ਕੁਸਲਾ ਧਮ੍ਮਾ ਨਿਰੁਜ੍ਝਮਾਨਾ ਅਨਤ੍ਥਾਯ ਸਂવਤ੍ਤੇਯ੍ਯੁ’’ਨ੍ਤਿ ਅਯਂ ਦੇਸਨਾ ਕਤਾ। ਦੁਤਿਯਮਗ੍ਗੋ વਾ…ਪੇ॰… ਸਂવਤ੍ਤੇਯ੍ਯਾਤਿ ਇਦਂ ਆਯਤਿਂ ਸਤ੍ਤਸੁ ਅਤ੍ਤਭਾવੇਸੁ ਉਪ੍ਪਜ੍ਜਮਾਨਦੁਕ੍ਖਸਙ੍ਖਾਤਅਨਤ੍ਥੁਪ੍ਪਤ੍ਤਿਂ ਸਨ੍ਧਾਯ વੁਤ੍ਤਂ। ‘‘ਆਤਾਪੀ ਓਤ੍ਤਪ੍ਪੀ ਭਬ੍ਬੋ ਸਮ੍ਬੋਧਾਯਾ’’ਤਿਆਦਿવਚਨਤੋ ‘‘ਇਮੇ ਚਤ੍ਤਾਰੋ ਸਮ੍ਮਪ੍ਪਧਾਨਾ ਪੁਬ੍ਬਭਾਗવਿਪਸ੍ਸਨਾવਸੇਨ ਕਥਿਤਾ’’ਤਿ વੁਤ੍ਤਂ।
Appaṭiladdhāti anuppattiyā. Teti yathāvuttasīlādianavajjadhammā. Paṭiladdhāti adhigatā. ‘‘Sīlādidhammā’’ti ettha yadi maggaphalānipi gahitāni, atha kasmā ‘‘parihānivasenā’’ti vuttanti āha ‘‘ettha cā’’tiādi. Imassa pana sammappadhānassāti catutthassa sammappadhānassa vasena. Ayaṃ desanāti ‘‘uppannā me kusalā dhammā nirujjhamānā anatthāya saṃvatteyyu’’nti ayaṃ desanā katā. Dutiyamaggo vā…pe… saṃvatteyyāti idaṃ āyatiṃ sattasu attabhāvesu uppajjamānadukkhasaṅkhātaanatthuppattiṃ sandhāya vuttaṃ. ‘‘Ātāpī ottappī bhabbo sambodhāyā’’tiādivacanato ‘‘ime cattāro sammappadhānā pubbabhāgavipassanāvasena kathitā’’ti vuttaṃ.
ਅਨੋਤ੍ਤਪ੍ਪੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Anottappīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਅਨੋਤ੍ਤਪ੍ਪੀਸੁਤ੍ਤਂ • 2. Anottappīsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਅਨੋਤ੍ਤਪ੍ਪੀਸੁਤ੍ਤવਣ੍ਣਨਾ • 2. Anottappīsuttavaṇṇanā
