| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
7. анд̇аг̇г̇аахигаад̣̇идтинид̣̇д̣̇зсаван̣н̣анаа
7. Antaggāhikādiṭṭhiniddesavaṇṇanā
140. анд̇аг̇г̇аахигааяа д̣̇идтияаа батамаваарз аагаарабужчаа. д̣̇уд̇ияз аагаараг̇ахан̣ам̣. д̇ад̇ияз аагаарависсаж̇ж̇анам̣. д̇ад̇т̇а логод̇и ад̇д̇аа. со анд̇од̇и ан̃н̃аман̃н̃абадибагкзсу сассад̇ужчзд̣̇анд̇зсу сассад̇аг̇г̇аахз сассад̇анд̇о, асассад̇аг̇г̇аахз ужчзд̣̇анд̇о. барид̇д̇ам̣ огаасанд̇и суббамад̇д̇ам̣ ваа сараавамад̇д̇ам̣ ваа куд̣̇д̣̇агам̣ таанам̣. нийлагад̇о парад̇ийд̇и нийланд̇и аарамман̣ам̣ гарод̇и. аяам̣ логод̇и ад̇д̇аанам̣ санд̇хааяа вуд̇д̇ам̣. баривадумод̇и саманд̇ад̇о барижчзд̣̇аваа. анд̇асан̃н̃ийд̇и анд̇аваад̇исан̃н̃ий. анд̇о асса ад̇т̇ийд̇и анд̇од̇и г̇ахзд̇аб̣б̣ам̣. яам̣ парад̇ийд̇и яам̣ гасин̣аруубам̣ парад̇и. д̇ам̣ вад̇т̇у жзва лого жаад̇и д̇ам̣ гасин̣аруубам̣ аарамман̣ан̃жзва аалогияадтзна лого жа. язна парад̇ийд̇и язна жид̇д̇зна парад̇и. со ад̇д̇аа жзва лого жаад̇и ад̇д̇аанамабзгкид̇ваа буллин̇г̇ам̣ гад̇ам̣, д̇ам̣ жид̇д̇ам̣ ад̇д̇аа жзва аалоганадтзна лого жаад̇и вуд̇д̇ам̣ ход̇и. анд̇аваад̇и анд̇о. огаасагад̇о парад̇ийд̇и аалогагасин̣авасзна д̇зж̇огасин̣авасзна од̣̇аад̇агасин̣авасзна ваа обхаасод̇и парад̇и. нийлаад̣̇ийнам̣ бан̃жаннам̣ бабхассарагасин̣аанам̣язва г̇ахид̇ад̇д̇аа бат̇авийаабовааяогасин̣авасзна ад̇д̇аабхинивзсо на ход̇ийд̇и г̇ахзд̇аб̣б̣ам̣.
140.Antaggāhikāya diṭṭhiyā paṭhamavāre ākārapucchā. Dutiye ākāragahaṇaṃ. Tatiye ākāravissajjanaṃ. Tattha lokoti attā. So antoti aññamaññapaṭipakkhesu sassatucchedantesu sassataggāhe sassatanto, asassataggāhe ucchedanto. Parittaṃ okāsanti suppamattaṃ vā sarāvamattaṃ vā khuddakaṃ ṭhānaṃ. Nīlakato pharatīti nīlanti ārammaṇaṃ karoti. Ayaṃ lokoti attānaṃ sandhāya vuttaṃ. Parivaṭumoti samantato paricchedavā. Antasaññīti antavātisaññī. Anto assa atthīti antoti gahetabbaṃ. Yaṃ pharatīti yaṃ kasiṇarūpaṃ pharati. Taṃ vatthu ceva loko cāti taṃ kasiṇarūpaṃ ārammaṇañceva ālokiyaṭṭhena loko ca. Yena pharatīti yena cittena pharati. So attā ceva loko cāti attānamapekkhitvā pulliṅgaṃ kataṃ, taṃ cittaṃ attā ceva ālokanaṭṭhena loko cāti vuttaṃ hoti. Antavāti anto. Okāsakato pharatīti ālokakasiṇavasena tejokasiṇavasena odātakasiṇavasena vā obhāsoti pharati. Nīlādīnaṃ pañcannaṃ pabhassarakasiṇānaṃyeva gahitattā pathavīāpovāyokasiṇavasena attābhiniveso na hotīti gahetabbaṃ.
вибулам̣ огаасанд̇и каламан̣д̣аламад̇д̇аад̣̇ивасзна маханд̇ам̣ таанам̣. ананд̇аваад̇и вуд̣̇д̇хаананд̇аваа. абарияанд̇од̇и вуд̣̇д̇хаабарияанд̇о. ананд̇асан̃н̃ийд̇и ананд̇од̇исан̃н̃ий. д̇ам̣ ж̇ийванд̇и со ж̇ийво. лин̇г̇авибаллаасо гад̇о. ж̇ийвод̇и жа ад̇д̇аа зва. руубаад̣̇ийни бан̃жаби баривадумадтзна сарийрам̣. ж̇ийвам̣ на сарийранд̇и ад̇д̇асан̇каад̇о ж̇ийво руубасан̇каад̇ам̣ сарийрам̣ на ход̇и. зса наяо взд̣̇анаад̣̇ийсу. д̇ат̇ааг̇ад̇од̇и сад̇д̇о. араханд̇и згз. барам̣ маран̣аад̇и маран̣ад̇о уд̣̇д̇хам̣, баралогзд̇и ад̇т̇о. руубам̣ ид̇хзва маран̣ад̇хамманд̇и ад̇д̇ано баагадагканд̇хасийсзна бан̃жагканд̇хаг̇г̇ахан̣ам̣, д̇ам̣ имасмим̣язва логз нассанабагад̇иганд̇и ад̇т̇о. сзсагканд̇хзсуби зсзва наяо. гааяасса бхзд̣̇аад̇и канд̇хабан̃жагасан̇каад̇асса гааяасса бхзд̣̇ад̇о барам̣. иминаа важанзна ‘‘барам̣ маран̣аа’’д̇и зд̇асса уд̣̇д̣̇зсасса ад̇т̇о вуд̇д̇о. ход̇ибийд̇иаад̣̇ийсу ход̇ийд̇и муулабад̣̇ам̣. жад̇уусуби аби-сад̣̇д̣̇о самужжаяад̇т̇о. д̇идтад̇ийд̇и сассад̇ад̇д̇аа д̇идтад̇и, на жавад̇ийд̇и ад̇т̇о. ‘‘ход̇ий’’д̇и бад̣̇асса ваа ад̇т̇ависзсанад̇т̇ам̣ ‘‘д̇идтад̇ий’’д̇и бад̣̇ам̣ вуд̇д̇анд̇и взд̣̇ид̇аб̣б̣ам̣. уббаж̇ж̇ад̇ийд̇и ан̣д̣аж̇аж̇алааб̣уж̇аяонибавзсавасзна уббаж̇ж̇ад̇и наама, ниб̣б̣ад̇д̇ад̇ийд̇и сам̣сзд̣̇аж̇аобабаад̇игаяонибавзсавасзна ниб̣б̣ад̇д̇ад̇и наамаад̇и ад̇т̇аяож̇анаа взд̣̇ид̇аб̣б̣аа. ужчиж̇ж̇ад̇ийд̇и баб̣анд̇хаабхаававасзна. винассад̇ийд̇и бхан̇г̇авасзна. на ход̇и барам̣ маран̣аад̇и буримабад̣̇аанам̣ ад̇т̇авиваран̣ам̣, жуд̇ид̇о уд̣̇д̇хам̣ на виж̇ж̇ад̇ийд̇и ад̇т̇о. ход̇и жа на жа ход̇ийд̇и згажжасассад̇игаанам̣ д̣̇идти, згзна барияааязна ход̇и, згзна барияааязна на ход̇ийд̇и ад̇т̇о. ж̇ийвабхаавзна ход̇и, буб̣б̣аж̇ийвасса абхаавзна на ход̇ийд̇и вуд̇д̇ам̣ ход̇и. нзва ход̇и на на ход̇ийд̇и амараавигкзбигаанам̣ д̣̇идти, ход̇ийд̇и жа нзва ход̇и, на ход̇ийд̇и жа на ход̇ийд̇и ад̇т̇о. ануваад̣̇абхаяаа мусааваад̣̇абхаяаа жа манд̣̇ад̇д̇аа момуухад̇д̇аа жа буб̣б̣авуд̇д̇анаяасса бадигкзбамад̇д̇ам̣ гарод̇и. имзхи бан̃н̃аасааяа аагаарзхийд̇и яат̇аавуд̇д̇аанам̣ д̣̇асаннам̣ бан̃жагаанам̣ васзна бан̃н̃аасааяа аагаарзхийд̇и.
Vipulaṃ okāsanti khalamaṇḍalamattādivasena mahantaṃ ṭhānaṃ. Anantavāti vuddhaanantavā. Apariyantoti vuddhaapariyanto. Anantasaññīti anantotisaññī. Taṃ jīvanti so jīvo. Liṅgavipallāso kato. Jīvoti ca attā eva. Rūpādīni pañcapi parivaṭumaṭṭhena sarīraṃ. Jīvaṃ na sarīranti attasaṅkhāto jīvo rūpasaṅkhātaṃ sarīraṃ na hoti. Esa nayo vedanādīsu. Tathāgatoti satto. Arahanti eke. Paraṃ maraṇāti maraṇato uddhaṃ, paraloketi attho. Rūpaṃ idheva maraṇadhammanti attano pākaṭakkhandhasīsena pañcakkhandhaggahaṇaṃ, taṃ imasmiṃyeva loke nassanapakatikanti attho. Sesakkhandhesupi eseva nayo. Kāyassa bhedāti khandhapañcakasaṅkhātassa kāyassa bhedato paraṃ. Iminā vacanena ‘‘paraṃ maraṇā’’ti etassa uddesassa attho vutto. Hotipītiādīsu hotīti mūlapadaṃ. Catūsupi api-saddo samuccayattho. Tiṭṭhatīti sassatattā tiṭṭhati, na cavatīti attho. ‘‘Hotī’’ti padassa vā atthavisesanatthaṃ ‘‘tiṭṭhatī’’ti padaṃ vuttanti veditabbaṃ. Uppajjatīti aṇḍajajalābujayonipavesavasena uppajjati nāma, nibbattatīti saṃsedajaopapātikayonipavesavasena nibbattati nāmāti atthayojanā veditabbā. Ucchijjatīti pabandhābhāvavasena. Vinassatīti bhaṅgavasena. Na hoti paraṃ maraṇāti purimapadānaṃ atthavivaraṇaṃ, cutito uddhaṃ na vijjatīti attho. Hoti ca na ca hotīti ekaccasassatikānaṃ diṭṭhi, ekena pariyāyena hoti, ekena pariyāyena na hotīti attho. Jīvabhāvena hoti, pubbajīvassa abhāvena na hotīti vuttaṃ hoti. Neva hoti na na hotīti amarāvikkhepikānaṃ diṭṭhi, hotīti ca neva hoti, na hotīti ca na hotīti attho. Anuvādabhayā musāvādabhayā ca mandattā momūhattā ca pubbavuttanayassa paṭikkhepamattaṃ karoti. Imehi paññāsāya ākārehīti yathāvuttānaṃ dasannaṃ pañcakānaṃ vasena paññāsāya ākārehīti.
анд̇аг̇г̇аахигаад̣̇идтинид̣̇д̣̇зсаван̣н̣анаа нидтид̇аа.
Antaggāhikādiṭṭhiniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 7. анд̇аг̇г̇аахигаад̣̇идтинид̣̇д̣̇зсо • 7. Antaggāhikādiṭṭhiniddeso
