| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৭. অন্তগ্গাহিকাদিট্ঠিনিদ্দেসো
7. Antaggāhikādiṭṭhiniddeso
১৪০. অন্তগ্গাহিকায দিট্ঠিযা কতমেহি পঞ্ঞাসায আকারেহি অভিনিৰেসো হোতি? ‘‘সস্সতো লোকো’’তি – অন্তগ্গাহিকায দিট্ঠিযা কতিহাকারেহি অভিনিৰেসো হোতি? ‘‘অসস্সতো লোকো’’তি – অন্তগ্গাহিকায দিট্ঠিযা কতিহাকারেহি অভিনিৰেসো হোতি? ‘‘অন্তৰা লোকো’’তি – অন্তগ্গাহিকায দিট্ঠিযা… ‘‘অনন্তৰা লোকো’’তি – অন্তগ্গাহিকায দিট্ঠিযা… ‘‘তং জীৰং তং সরীর’’ন্তি – অন্তগ্গাহিকায দিট্ঠিযা… ‘‘অঞ্ঞং জীৰং অঞ্ঞং সরীর’’ন্তি – অন্তগ্গাহিকায দিট্ঠিযা… ‘‘হোতি তথাগতো পরং মরণা’’তি…পে॰… ন হোতি তথাগতো পরং মরণা’’তি… ‘‘হোতি চ ন চ হোতি তথাগতো পরং মরণা’’তি… ‘‘নেৰ হোতি ন ন হোতি তথাগতো পরং মরণা’’তি – অন্তগ্গাহিকায দিট্ঠিযা কতিহাকারেহি অভিনিৰেসো হোতি?
140. Antaggāhikāya diṭṭhiyā katamehi paññāsāya ākārehi abhiniveso hoti? ‘‘Sassato loko’’ti – antaggāhikāya diṭṭhiyā katihākārehi abhiniveso hoti? ‘‘Asassato loko’’ti – antaggāhikāya diṭṭhiyā katihākārehi abhiniveso hoti? ‘‘Antavā loko’’ti – antaggāhikāya diṭṭhiyā… ‘‘anantavā loko’’ti – antaggāhikāya diṭṭhiyā… ‘‘taṃ jīvaṃ taṃ sarīra’’nti – antaggāhikāya diṭṭhiyā… ‘‘aññaṃ jīvaṃ aññaṃ sarīra’’nti – antaggāhikāya diṭṭhiyā… ‘‘hoti tathāgato paraṃ maraṇā’’ti…pe… na hoti tathāgato paraṃ maraṇā’’ti… ‘‘hoti ca na ca hoti tathāgato paraṃ maraṇā’’ti… ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā katihākārehi abhiniveso hoti?
‘‘সস্সতো লোকো’’তি – অন্তগ্গাহিকায দিট্ঠিযা পঞ্চহাকারেহি অভিনিৰেসো হোতি…পে॰… ‘‘নেৰ হোতি ন ন হোতি তথাগতো পরং মরণা’’তি – অন্তগ্গাহিকায দিট্ঠিযা পঞ্চহাকারেহি অভিনিৰেসো হোতি।
‘‘Sassato loko’’ti – antaggāhikāya diṭṭhiyā pañcahākārehi abhiniveso hoti…pe… ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā pañcahākārehi abhiniveso hoti.
[ক] ‘‘সস্সতো লোকো’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং লোকো চেৰ সস্সতং চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘সস্সতো লোকো’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি …পে॰… ইমানি সঞ্ঞোজনানি, ন চ দিট্ঠিযো।
[Ka] ‘‘sassato loko’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ loko ceva sassataṃ cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘sassato loko’’ti – antaggāhikā diṭṭhi. Antaggāhikā diṭṭhi micchādiṭṭhi …pe… imāni saññojanāni, na ca diṭṭhiyo.
ৰেদনা লোকো চেৰ সস্সতা চাতি…পে॰… সঞ্ঞা লোকো চেৰ সস্সতা চাতি…পে॰… সঙ্খারা লোকো চেৰ সস্সতা চাতি…পে॰… ৰিঞ্ঞাণং লোকো চেৰ সস্সতঞ্চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঞ্চমী সস্সতো লোকোতি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো। ‘‘সস্সতো লোকো’’তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā loko ceva sassatā cāti…pe… saññā loko ceva sassatā cāti…pe… saṅkhārā loko ceva sassatā cāti…pe… viññāṇaṃ loko ceva sassatañcāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ pañcamī sassato lokoti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Sassato loko’’ti – antaggāhikāya diṭṭhiyā imehi pañcahākārehi abhiniveso hoti.
[খ] ‘‘অসস্সতো লোকো’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং লোকো চেৰ অসস্সতঞ্চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… অযং পঠমা ‘‘অসস্সতো লোকো’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি দিট্ঠিৰিপত্তি…পে॰… ইমানি সঞ্ঞোজনানি, ন চ দিট্ঠিযো।
[Kha] ‘‘asassato loko’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ loko ceva asassatañcāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ayaṃ paṭhamā ‘‘asassato loko’’ti – antaggāhikā diṭṭhi. Antaggāhikā diṭṭhi micchādiṭṭhi diṭṭhivipatti…pe… imāni saññojanāni, na ca diṭṭhiyo.
ৰেদনা লোকো চেৰ অসস্সতা চাতি…পে॰… সঞ্ঞা লোকো চেৰ অসস্সতা চাতি…পে॰… সঙ্খারা লোকো চেৰ অসস্সতা চাতি…পে॰… ৰিঞ্ঞাণং লোকো চেৰ অসস্সতঞ্চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো । ‘‘অসস্সতো লোকো’’তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā loko ceva asassatā cāti…pe… saññā loko ceva asassatā cāti…pe… saṅkhārā loko ceva asassatā cāti…pe… viññāṇaṃ loko ceva asassatañcāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo . ‘‘Asassato loko’’ti – antaggāhikāya diṭṭhiyā imehi pañcahākārehi abhiniveso hoti.
[গ] ‘‘অন্তৰা লোকো’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? ইধেকচ্চো পরিত্তং ওকাসং নীলকতো ফরতি। তস্স এৰং হোতি – ‘‘অন্তৰা অযং লোকো পরিৰটুমো’’তি। অন্তসঞ্ঞী হোতি। যং ফরতি, তং ৰত্থু চেৰ লোকো চ। যেন ফরতি, সো অত্তা চেৰ লোকো চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘অন্তৰা লোকো’’তি অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Ga] ‘‘antavā loko’’ti – antaggāhikāya diṭṭhiyā katamehi pañcahākārehi abhiniveso hoti? Idhekacco parittaṃ okāsaṃ nīlakato pharati. Tassa evaṃ hoti – ‘‘antavā ayaṃ loko parivaṭumo’’ti. Antasaññī hoti. Yaṃ pharati, taṃ vatthu ceva loko ca. Yena pharati, so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘antavā loko’’ti antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ইধেকচ্চো পরিত্তং ওকাসং পীতকতো ফরতি… লোহিতকতো ফরতি… ওদাতকতো ফরতি… ওভাসকতো ফরতি। তস্স এৰং হোতি – ‘‘অন্তৰা অযং লোকো পরিৰটুমো’’তি। অন্তসঞ্ঞী হোতি। যং ফরতি তং ৰত্থু চেৰ লোকো চ। যেন ফরতি সো অত্তা চেৰ লোকো চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… অন্তৰা লোকোতি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Idhekacco parittaṃ okāsaṃ pītakato pharati… lohitakato pharati… odātakato pharati… obhāsakato pharati. Tassa evaṃ hoti – ‘‘antavā ayaṃ loko parivaṭumo’’ti. Antasaññī hoti. Yaṃ pharati taṃ vatthu ceva loko ca. Yena pharati so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… antavā lokoti – antaggāhikāya diṭṭhiyā imehi pañcahākārehi abhiniveso hoti.
[ঘ] ‘‘অনন্তৰা লোকো’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? ইধেকচ্চো ৰিপুলং ওকাসং নীলকতো ফরতি। তস্স এৰং হোতি – ‘‘অনন্তৰা অযং লোকো অপরিযন্তো’’তি। অনন্তসঞ্ঞী হোতি। যং ফরতি তং ৰত্থু চেৰ লোকো চ; যেন ফরতি সো অত্তা চেৰ লোকো চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘অনন্তৰা লোকো’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Gha] ‘‘anantavā loko’’ti – antaggāhikāya diṭṭhiyā katamehi pañcahākārehi abhiniveso hoti? Idhekacco vipulaṃ okāsaṃ nīlakato pharati. Tassa evaṃ hoti – ‘‘anantavā ayaṃ loko apariyanto’’ti. Anantasaññī hoti. Yaṃ pharati taṃ vatthu ceva loko ca; yena pharati so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘anantavā loko’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ইধেকচ্চো ৰিপুলং ওকাসং পীতকতো ফরতি… লোহিতকতো ফরতি… ওদাতকতো ফরতি… ওভাসকতো ফরতি। তস্স এৰং হোতি – ‘‘অনন্তৰা অযং লোকো অপরিযন্তো’’তি। অনন্তসঞ্ঞী হোতি। যং ফরতি তং ৰত্থু চেৰ লোকো চ; যেন ফরতি সো অত্তা চেৰ লোকো চাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… অনন্তৰা লোকোতি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Idhekacco vipulaṃ okāsaṃ pītakato pharati… lohitakato pharati… odātakato pharati… obhāsakato pharati. Tassa evaṃ hoti – ‘‘anantavā ayaṃ loko apariyanto’’ti. Anantasaññī hoti. Yaṃ pharati taṃ vatthu ceva loko ca; yena pharati so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… anantavā lokoti – antaggāhikāya diṭṭhiyā imehi pañcahākārehi abhiniveso hoti.
[ঙ] ‘‘তং জীৰং তং সরীর’’ন্তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং জীৰঞ্চেৰ সরীরঞ্চ; যং জীৰং তং সরীরং, যং সরীরং তং জীৰন্তি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘তং জীৰং তং সরীর’’ন্তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Ṅa] ‘‘taṃ jīvaṃ taṃ sarīra’’nti – antaggāhikāya diṭṭhiyā katamehi pañcahākārehi abhiniveso hoti? Rūpaṃ jīvañceva sarīrañca; yaṃ jīvaṃ taṃ sarīraṃ, yaṃ sarīraṃ taṃ jīvanti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘taṃ jīvaṃ taṃ sarīra’’nti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ৰেদনা জীৰা চেৰ সরীরং চ… সঞ্ঞা জীৰা চেৰ সরীরং চ… সঙ্খারা জীৰা চেৰ সরীরং চ… ৰিঞ্ঞাণং জীৰঞ্চেৰ সরীরঞ্চ; যং জীৰং তং সরীরং, যং সরীরং তং জীৰন্তি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… ‘‘তং জীৰং তং সরীর’’ন্তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā jīvā ceva sarīraṃ ca… saññā jīvā ceva sarīraṃ ca… saṅkhārā jīvā ceva sarīraṃ ca… viññāṇaṃ jīvañceva sarīrañca; yaṃ jīvaṃ taṃ sarīraṃ, yaṃ sarīraṃ taṃ jīvanti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘taṃ jīvaṃ taṃ sarīra’’nti – antaggāhikāya diṭṭhiyā imehi pañcahākārehi abhiniveso hoti.
[চ] ‘‘অঞ্ঞং জীৰং অঞ্ঞং সরীর’’ন্তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং সরীরং, ন জীৰং; জীৰং ন সরীরং। অঞ্ঞং জীৰং অঞ্ঞং সরীরন্তি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘অঞ্ঞং জীৰং অঞ্ঞং সরীর’’ন্তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Ca] ‘‘aññaṃ jīvaṃ aññaṃ sarīra’’nti – antaggāhikāya diṭṭhiyā katamehi pañcahākārehi abhiniveso hoti? Rūpaṃ sarīraṃ, na jīvaṃ; jīvaṃ na sarīraṃ. Aññaṃ jīvaṃ aññaṃ sarīranti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘aññaṃ jīvaṃ aññaṃ sarīra’’nti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ৰেদনা সরীরং, ন জীৰং… সঞ্ঞা সরীরং, ন জীৰং… সঙ্খারা সরীরং, ন জীৰং… ৰিঞ্ঞাণং সরীরং, ন জীৰং; জীৰং ন সরীরং। অঞ্ঞং জীৰং, অঞ্ঞং সরীরন্তি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… অঞ্ঞং জীৰং, অঞ্ঞং সরীরন্তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā sarīraṃ, na jīvaṃ… saññā sarīraṃ, na jīvaṃ… saṅkhārā sarīraṃ, na jīvaṃ… viññāṇaṃ sarīraṃ, na jīvaṃ; jīvaṃ na sarīraṃ. Aññaṃ jīvaṃ, aññaṃ sarīranti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… aññaṃ jīvaṃ, aññaṃ sarīranti – antaggāhikāya diṭṭhiyā imehi pañcahākārehi abhiniveso hoti.
[ছ] ‘‘হোতি তথাগতো পরং মরণা’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং ইধেৰ মরণধম্মং। তথাগতো কাযস্স ভেদা হোতিপি তিট্ঠতিপি উপ্পজ্জতিপি নিব্বত্ততিপীতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘হোতি তথাগতো পরং মরণা’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Cha] ‘‘hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgato kāyassa bhedā hotipi tiṭṭhatipi uppajjatipi nibbattatipīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ৰেদনা ইধেৰ মরণধম্মা…পে॰… সঞ্ঞা ইধেৰ মরণধম্মা… সঙ্খারা ইধেৰ মরণধম্মা… ৰিঞ্ঞাণং ইধেৰ মরণধম্মং। তথাগতো কাযস্স ভেদা হোতিপি তিট্ঠতিপি উপ্পজ্জতিপি নিব্বত্ততিপীতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… ‘‘হোতি তথাগতো পরং মরণা’’তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgato kāyassa bhedā hotipi tiṭṭhatipi uppajjatipi nibbattatipīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti.
[জ] ‘‘ন হোতি তথাগতো পরং মরণা’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং ইধেৰ মরণধম্মং। তথাগতোপি কাযস্স ভেদা উচ্ছিজ্জতি ৰিনস্সতি; ন হোতি তথাগতো পরং মরণাতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘ন হোতি তথাগতো পরং মরণা’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Ja] ‘‘na hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgatopi kāyassa bhedā ucchijjati vinassati; na hoti tathāgato paraṃ maraṇāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘na hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ৰেদনা ইধেৰ মরণধম্মা…পে॰… সঞ্ঞা ইধেৰ মরণধম্মা… সঙ্খারা ইধেৰ মরণধম্মা… ৰিঞ্ঞাণং ইধেৰ মরণধম্মং। তথাগতোপি কাযস্স ভেদা উচ্ছিজ্জতি ৰিনস্সতি। ‘‘ন হোতি তথাগতো পরং মরণা’’তি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… ‘‘ন হোতি তথাগতো পরং মরণা’’তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgatopi kāyassa bhedā ucchijjati vinassati. ‘‘Na hoti tathāgato paraṃ maraṇā’’ti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘na hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti.
[ঝ] ‘‘হোতি চ ন চ হোতি তথাগতো পরং মরণা’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং ইধেৰ মরণধম্মং। তথাগতো কাযস্স ভেদা হোতি চ ন চ হোতীতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘হোতি চ ন চ হোতি তথাগতো পরং মরণা’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি ন চ দিট্ঠিযো।
[Jha] ‘‘hoti ca na ca hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgato kāyassa bhedā hoti ca na ca hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘hoti ca na ca hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni na ca diṭṭhiyo.
ৰেদনা ইধেৰ মরণধম্মা…পে॰… সঞ্ঞা ইধেৰ মরণধম্মা… সঙ্খারা ইধেৰ মরণধম্মা… ৰিঞ্ঞাণং ইধেৰ মরণধম্মং। তথাগতো কাযস্স ভেদা হোতি চ ন চ হোতীতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি…পে॰… ‘‘হোতি চ ন চ হোতি তথাগতো পরং মরণা’’তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি।
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgato kāyassa bhedā hoti ca na ca hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘hoti ca na ca hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti.
[ঞ] ‘‘নেৰ হোতি ন ন হোতি তথাগতো পরং মরণা’’তি – অন্তগ্গাহিকায দিট্ঠিযা কতমেহি পঞ্চহাকারেহি অভিনিৰেসো হোতি? রূপং ইধেৰ মরণধম্মং। তথাগতো কাযস্স ভেদা পরং মরণা নেৰ হোতি ন ন হোতীতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি, অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা ‘‘নেৰ হোতি ন ন হোতি তথাগতো পরং মরণা’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
[Ña] ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgato kāyassa bhedā paraṃ maraṇā neva hoti na na hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi, aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘neva hoti na na hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ৰেদনা ইধেৰ মরণধম্মা…পে॰… সঞ্ঞা ইধেৰ মরণধম্মা… সঙ্খারা ইধেৰ মরণধম্মা… ৰিঞ্ঞাণং ইধেৰ মরণধম্মং। তথাগতো কাযস্স ভেদা পরং মরণা নেৰ হোতি ন ন হোতীতি – অভিনিৰেসপরামাসো দিট্ঠি। তায দিট্ঠিযা সো অন্তো গহিতোতি – অন্তগ্গাহিকা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঞ্চমী ‘‘নেৰ হোতি ন ন হোতি তথাগতো পরং মরণা’’তি – অন্তগ্গাহিকা দিট্ঠি। অন্তগ্গাহিকা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো। ‘‘নেৰ হোতি ন ন হোতি তথাগতো পরং মরণা’’তি – অন্তগ্গাহিকায দিট্ঠিযা ইমেহি পঞ্চহাকারেহি অভিনিৰেসো হোতি। অন্তগ্গাহিকায দিট্ঠিযা ইমেহি পঞ্ঞাসায আকারেহি অভিনিৰেসো হোতি।
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgato kāyassa bhedā paraṃ maraṇā neva hoti na na hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ pañcamī ‘‘neva hoti na na hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Neva hoti na na hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti. Antaggāhikāya diṭṭhiyā imehi paññāsāya ākārehi abhiniveso hoti.
অন্তগ্গাহিকাদিট্ঠিনিদ্দেসো সত্তমো।
Antaggāhikādiṭṭhiniddeso sattamo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৭. অন্তগ্গাহিকাদিট্ঠিনিদ্দেসৰণ্ণনা • 7. Antaggāhikādiṭṭhiniddesavaṇṇanā
