| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༧. ཨནྟགྒཱཧིཀཱདིཊྛིནིདྡེསོ
7. Antaggāhikādiṭṭhiniddeso
༡༤༠. ཨནྟགྒཱཧིཀཱཡ དིཊྛིཡཱ ཀཏམེཧི པཉྙཱསཱཡ ཨཱཀཱརེཧི ཨབྷིནིཝེསོ ཧོཏི? ‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི? ‘‘ཨནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ… ‘‘ཨནནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ… ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ… ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ… ‘‘ཧོཏི ཏཐཱགཏོ པརཾ མརཎཱ’’ཏི…པེ॰… ན ཧོཏི ཏཐཱགཏོ པརཾ མརཎཱ’’ཏི… ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏིཧཱཀཱརེཧི ཨབྷིནིཝེསོ ཧོཏི?
140. Antaggāhikāya diṭṭhiyā katamehi paññāsāya ākārehi abhiniveso hoti? ‘‘Sassato loko’’ti – antaggāhikāya diṭṭhiyā katihākārehi abhiniveso hoti? ‘‘Asassato loko’’ti – antaggāhikāya diṭṭhiyā katihākārehi abhiniveso hoti? ‘‘Antavā loko’’ti – antaggāhikāya diṭṭhiyā… ‘‘anantavā loko’’ti – antaggāhikāya diṭṭhiyā… ‘‘taṃ jīvaṃ taṃ sarīra’’nti – antaggāhikāya diṭṭhiyā… ‘‘aññaṃ jīvaṃ aññaṃ sarīra’’nti – antaggāhikāya diṭṭhiyā… ‘‘hoti tathāgato paraṃ maraṇā’’ti…pe… na hoti tathāgato paraṃ maraṇā’’ti… ‘‘hoti ca na ca hoti tathāgato paraṃ maraṇā’’ti… ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā katihākārehi abhiniveso hoti?
‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ ཧོཏི…པེ॰… ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ པཉྩཧཱཀཱརེཧི ཨབྷིནིཝེསོ ཧོཏི།
‘‘Sassato loko’’ti – antaggāhikāya diṭṭhiyā pañcahākārehi abhiniveso hoti…pe… ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā pañcahākārehi abhiniveso hoti.
[ཀ] ‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ལོཀོ ཙེཝ སསྶཏཾ ཙཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘སསྶཏོ ལོཀོ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི …པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Ka] ‘‘sassato loko’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ loko ceva sassataṃ cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘sassato loko’’ti – antaggāhikā diṭṭhi. Antaggāhikā diṭṭhi micchādiṭṭhi …pe… imāni saññojanāni, na ca diṭṭhiyo.
ཝེདནཱ ལོཀོ ཙེཝ སསྶཏཱ ཙཱཏི…པེ॰… སཉྙཱ ལོཀོ ཙེཝ སསྶཏཱ ཙཱཏི…པེ॰… སངྑཱརཱ ལོཀོ ཙེཝ སསྶཏཱ ཙཱཏི…པེ॰… ཝིཉྙཱཎཾ ལོཀོ ཙེཝ སསྶཏཉྩཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཉྩམཱི སསྶཏོ ལོཀོཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ། ‘‘སསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā loko ceva sassatā cāti…pe… saññā loko ceva sassatā cāti…pe… saṅkhārā loko ceva sassatā cāti…pe… viññāṇaṃ loko ceva sassatañcāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ pañcamī sassato lokoti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Sassato loko’’ti – antaggāhikāya diṭṭhiyā imehi pañcahākārehi abhiniveso hoti.
[ཁ] ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ལོཀོ ཙེཝ ཨསསྶཏཉྩཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ཨཡཾ པཋམཱ ‘‘ཨསསྶཏོ ལོཀོ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི དིཊྛིཝིཔཏྟི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Kha] ‘‘asassato loko’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ loko ceva asassatañcāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ayaṃ paṭhamā ‘‘asassato loko’’ti – antaggāhikā diṭṭhi. Antaggāhikā diṭṭhi micchādiṭṭhi diṭṭhivipatti…pe… imāni saññojanāni, na ca diṭṭhiyo.
ཝེདནཱ ལོཀོ ཙེཝ ཨསསྶཏཱ ཙཱཏི…པེ॰… སཉྙཱ ལོཀོ ཙེཝ ཨསསྶཏཱ ཙཱཏི…པེ॰… སངྑཱརཱ ལོཀོ ཙེཝ ཨསསྶཏཱ ཙཱཏི…པེ॰… ཝིཉྙཱཎཾ ལོཀོ ཙེཝ ཨསསྶཏཉྩཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ ། ‘‘ཨསསྶཏོ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā loko ceva asassatā cāti…pe… saññā loko ceva asassatā cāti…pe… saṅkhārā loko ceva asassatā cāti…pe… viññāṇaṃ loko ceva asassatañcāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo . ‘‘Asassato loko’’ti – antaggāhikāya diṭṭhiyā imehi pañcahākārehi abhiniveso hoti.
[ག] ‘‘ཨནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? ཨིདྷེཀཙྩོ པརིཏྟཾ ཨོཀཱསཾ ནཱིལཀཏོ ཕརཏི། ཏསྶ ཨེཝཾ ཧོཏི – ‘‘ཨནྟཝཱ ཨཡཾ ལོཀོ པརིཝཊུམོ’’ཏི། ཨནྟསཉྙཱི ཧོཏི། ཡཾ ཕརཏི, ཏཾ ཝཏྠུ ཙེཝ ལོཀོ ཙ། ཡེན ཕརཏི, སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨནྟཝཱ ལོཀོ’’ཏི ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Ga] ‘‘antavā loko’’ti – antaggāhikāya diṭṭhiyā katamehi pañcahākārehi abhiniveso hoti? Idhekacco parittaṃ okāsaṃ nīlakato pharati. Tassa evaṃ hoti – ‘‘antavā ayaṃ loko parivaṭumo’’ti. Antasaññī hoti. Yaṃ pharati, taṃ vatthu ceva loko ca. Yena pharati, so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘antavā loko’’ti antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཨིདྷེཀཙྩོ པརིཏྟཾ ཨོཀཱསཾ པཱིཏཀཏོ ཕརཏི… ལོཧིཏཀཏོ ཕརཏི… ཨོདཱཏཀཏོ ཕརཏི… ཨོབྷཱསཀཏོ ཕརཏི། ཏསྶ ཨེཝཾ ཧོཏི – ‘‘ཨནྟཝཱ ཨཡཾ ལོཀོ པརིཝཊུམོ’’ཏི། ཨནྟསཉྙཱི ཧོཏི། ཡཾ ཕརཏི ཏཾ ཝཏྠུ ཙེཝ ལོཀོ ཙ། ཡེན ཕརཏི སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ཨནྟཝཱ ལོཀོཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Idhekacco parittaṃ okāsaṃ pītakato pharati… lohitakato pharati… odātakato pharati… obhāsakato pharati. Tassa evaṃ hoti – ‘‘antavā ayaṃ loko parivaṭumo’’ti. Antasaññī hoti. Yaṃ pharati taṃ vatthu ceva loko ca. Yena pharati so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… antavā lokoti – antaggāhikāya diṭṭhiyā imehi pañcahākārehi abhiniveso hoti.
[གྷ] ‘‘ཨནནྟཝཱ ལོཀོ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? ཨིདྷེཀཙྩོ ཝིཔུལཾ ཨོཀཱསཾ ནཱིལཀཏོ ཕརཏི། ཏསྶ ཨེཝཾ ཧོཏི – ‘‘ཨནནྟཝཱ ཨཡཾ ལོཀོ ཨཔརིཡནྟོ’’ཏི། ཨནནྟསཉྙཱི ཧོཏི། ཡཾ ཕརཏི ཏཾ ཝཏྠུ ཙེཝ ལོཀོ ཙ; ཡེན ཕརཏི སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨནནྟཝཱ ལོཀོ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Gha] ‘‘anantavā loko’’ti – antaggāhikāya diṭṭhiyā katamehi pañcahākārehi abhiniveso hoti? Idhekacco vipulaṃ okāsaṃ nīlakato pharati. Tassa evaṃ hoti – ‘‘anantavā ayaṃ loko apariyanto’’ti. Anantasaññī hoti. Yaṃ pharati taṃ vatthu ceva loko ca; yena pharati so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘anantavā loko’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཨིདྷེཀཙྩོ ཝིཔུལཾ ཨོཀཱསཾ པཱིཏཀཏོ ཕརཏི… ལོཧིཏཀཏོ ཕརཏི… ཨོདཱཏཀཏོ ཕརཏི… ཨོབྷཱསཀཏོ ཕརཏི། ཏསྶ ཨེཝཾ ཧོཏི – ‘‘ཨནནྟཝཱ ཨཡཾ ལོཀོ ཨཔརིཡནྟོ’’ཏི། ཨནནྟསཉྙཱི ཧོཏི། ཡཾ ཕརཏི ཏཾ ཝཏྠུ ཙེཝ ལོཀོ ཙ; ཡེན ཕརཏི སོ ཨཏྟཱ ཙེཝ ལོཀོ ཙཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ཨནནྟཝཱ ལོཀོཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Idhekacco vipulaṃ okāsaṃ pītakato pharati… lohitakato pharati… odātakato pharati… obhāsakato pharati. Tassa evaṃ hoti – ‘‘anantavā ayaṃ loko apariyanto’’ti. Anantasaññī hoti. Yaṃ pharati taṃ vatthu ceva loko ca; yena pharati so attā ceva loko cāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… anantavā lokoti – antaggāhikāya diṭṭhiyā imehi pañcahākārehi abhiniveso hoti.
[ང] ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཛཱིཝཉྩེཝ སརཱིརཉྩ; ཡཾ ཛཱིཝཾ ཏཾ སརཱིརཾ, ཡཾ སརཱིརཾ ཏཾ ཛཱིཝནྟི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Ṅa] ‘‘taṃ jīvaṃ taṃ sarīra’’nti – antaggāhikāya diṭṭhiyā katamehi pañcahākārehi abhiniveso hoti? Rūpaṃ jīvañceva sarīrañca; yaṃ jīvaṃ taṃ sarīraṃ, yaṃ sarīraṃ taṃ jīvanti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘taṃ jīvaṃ taṃ sarīra’’nti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཝེདནཱ ཛཱིཝཱ ཙེཝ སརཱིརཾ ཙ… སཉྙཱ ཛཱིཝཱ ཙེཝ སརཱིརཾ ཙ… སངྑཱརཱ ཛཱིཝཱ ཙེཝ སརཱིརཾ ཙ… ཝིཉྙཱཎཾ ཛཱིཝཉྩེཝ སརཱིརཉྩ; ཡཾ ཛཱིཝཾ ཏཾ སརཱིརཾ, ཡཾ སརཱིརཾ ཏཾ ཛཱིཝནྟི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ‘‘ཏཾ ཛཱིཝཾ ཏཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā jīvā ceva sarīraṃ ca… saññā jīvā ceva sarīraṃ ca… saṅkhārā jīvā ceva sarīraṃ ca… viññāṇaṃ jīvañceva sarīrañca; yaṃ jīvaṃ taṃ sarīraṃ, yaṃ sarīraṃ taṃ jīvanti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘taṃ jīvaṃ taṃ sarīra’’nti – antaggāhikāya diṭṭhiyā imehi pañcahākārehi abhiniveso hoti.
[ཙ] ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ སརཱིརཾ, ན ཛཱིཝཾ; ཛཱིཝཾ ན སརཱིརཾ། ཨཉྙཾ ཛཱིཝཾ ཨཉྙཾ སརཱིརནྟི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨཉྙཾ ཛཱིཝཾ ཨཉྙཾ སརཱིར’’ནྟི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Ca] ‘‘aññaṃ jīvaṃ aññaṃ sarīra’’nti – antaggāhikāya diṭṭhiyā katamehi pañcahākārehi abhiniveso hoti? Rūpaṃ sarīraṃ, na jīvaṃ; jīvaṃ na sarīraṃ. Aññaṃ jīvaṃ aññaṃ sarīranti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘aññaṃ jīvaṃ aññaṃ sarīra’’nti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཝེདནཱ སརཱིརཾ, ན ཛཱིཝཾ… སཉྙཱ སརཱིརཾ, ན ཛཱིཝཾ… སངྑཱརཱ སརཱིརཾ, ན ཛཱིཝཾ… ཝིཉྙཱཎཾ སརཱིརཾ, ན ཛཱིཝཾ; ཛཱིཝཾ ན སརཱིརཾ། ཨཉྙཾ ཛཱིཝཾ, ཨཉྙཾ སརཱིརནྟི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ཨཉྙཾ ཛཱིཝཾ, ཨཉྙཾ སརཱིརནྟི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā sarīraṃ, na jīvaṃ… saññā sarīraṃ, na jīvaṃ… saṅkhārā sarīraṃ, na jīvaṃ… viññāṇaṃ sarīraṃ, na jīvaṃ; jīvaṃ na sarīraṃ. Aññaṃ jīvaṃ, aññaṃ sarīranti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… aññaṃ jīvaṃ, aññaṃ sarīranti – antaggāhikāya diṭṭhiyā imehi pañcahākārehi abhiniveso hoti.
[ཚ] ‘‘ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ། ཏཐཱགཏོ ཀཱཡསྶ བྷེདཱ ཧོཏིཔི ཏིཊྛཏིཔི ཨུཔྤཛྫཏིཔི ནིབྦཏྟཏིཔཱིཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Cha] ‘‘hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgato kāyassa bhedā hotipi tiṭṭhatipi uppajjatipi nibbattatipīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཝེདནཱ ཨིདྷེཝ མརཎདྷམྨཱ…པེ॰… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ། ཏཐཱགཏོ ཀཱཡསྶ བྷེདཱ ཧོཏིཔི ཏིཊྛཏིཔི ཨུཔྤཛྫཏིཔི ནིབྦཏྟཏིཔཱིཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ‘‘ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgato kāyassa bhedā hotipi tiṭṭhatipi uppajjatipi nibbattatipīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti.
[ཛ] ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ། ཏཐཱགཏོཔི ཀཱཡསྶ བྷེདཱ ཨུཙྪིཛྫཏི ཝིནསྶཏི; ན ཧོཏི ཏཐཱགཏོ པརཾ མརཎཱཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Ja] ‘‘na hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgatopi kāyassa bhedā ucchijjati vinassati; na hoti tathāgato paraṃ maraṇāti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘na hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཝེདནཱ ཨིདྷེཝ མརཎདྷམྨཱ…པེ॰… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ། ཏཐཱགཏོཔི ཀཱཡསྶ བྷེདཱ ཨུཙྪིཛྫཏི ཝིནསྶཏི། ‘‘ན ཧོཏི ཏཐཱགཏོ པརཾ མརཎཱ’’ཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ‘‘ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgatopi kāyassa bhedā ucchijjati vinassati. ‘‘Na hoti tathāgato paraṃ maraṇā’’ti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘na hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti.
[ཛྷ] ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ། ཏཐཱགཏོ ཀཱཡསྶ བྷེདཱ ཧོཏི ཙ ན ཙ ཧོཏཱིཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི ན ཙ དིཊྛིཡོ།
[Jha] ‘‘hoti ca na ca hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgato kāyassa bhedā hoti ca na ca hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘hoti ca na ca hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni na ca diṭṭhiyo.
ཝེདནཱ ཨིདྷེཝ མརཎདྷམྨཱ…པེ॰… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ། ཏཐཱགཏོ ཀཱཡསྶ བྷེདཱ ཧོཏི ཙ ན ཙ ཧོཏཱིཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི…པེ॰… ‘‘ཧོཏི ཙ ན ཙ ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི།
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgato kāyassa bhedā hoti ca na ca hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi…pe… ‘‘hoti ca na ca hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti.
[ཉ] ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཀཏམེཧི པཉྩཧཱཀཱརེཧི ཨབྷིནིཝེསོ ཧོཏི? རཱུཔཾ ཨིདྷེཝ མརཎདྷམྨཾ། ཏཐཱགཏོ ཀཱཡསྶ བྷེདཱ པརཾ མརཎཱ ནེཝ ཧོཏི ན ན ཧོཏཱིཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི, ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
[Ña] ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā katamehi pañcahākārehi abhiniveso hoti? Rūpaṃ idheva maraṇadhammaṃ. Tathāgato kāyassa bhedā paraṃ maraṇā neva hoti na na hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi, aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘neva hoti na na hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo.
ཝེདནཱ ཨིདྷེཝ མརཎདྷམྨཱ…པེ॰… སཉྙཱ ཨིདྷེཝ མརཎདྷམྨཱ… སངྑཱརཱ ཨིདྷེཝ མརཎདྷམྨཱ… ཝིཉྙཱཎཾ ཨིདྷེཝ མརཎདྷམྨཾ། ཏཐཱགཏོ ཀཱཡསྶ བྷེདཱ པརཾ མརཎཱ ནེཝ ཧོཏི ན ན ཧོཏཱིཏི – ཨབྷིནིཝེསཔརཱམཱསོ དིཊྛི། ཏཱཡ དིཊྛིཡཱ སོ ཨནྟོ གཧིཏོཏི – ཨནྟགྒཱཧིཀཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཉྩམཱི ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱ དིཊྛི། ཨནྟགྒཱཧིཀཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ། ‘‘ནེཝ ཧོཏི ན ན ཧོཏི ཏཐཱགཏོ པརཾ མརཎཱ’’ཏི – ཨནྟགྒཱཧིཀཱཡ དིཊྛིཡཱ ཨིམེཧི པཉྩཧཱཀཱརེཧི ཨབྷིནིཝེསོ ཧོཏི། ཨནྟགྒཱཧིཀཱཡ དིཊྛིཡཱ ཨིམེཧི པཉྙཱསཱཡ ཨཱཀཱརེཧི ཨབྷིནིཝེསོ ཧོཏི།
Vedanā idheva maraṇadhammā…pe… saññā idheva maraṇadhammā… saṅkhārā idheva maraṇadhammā… viññāṇaṃ idheva maraṇadhammaṃ. Tathāgato kāyassa bhedā paraṃ maraṇā neva hoti na na hotīti – abhinivesaparāmāso diṭṭhi. Tāya diṭṭhiyā so anto gahitoti – antaggāhikā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ pañcamī ‘‘neva hoti na na hoti tathāgato paraṃ maraṇā’’ti – antaggāhikā diṭṭhi. Antaggāhikā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Neva hoti na na hoti tathāgato paraṃ maraṇā’’ti – antaggāhikāya diṭṭhiyā imehi pañcahākārehi abhiniveso hoti. Antaggāhikāya diṭṭhiyā imehi paññāsāya ākārehi abhiniveso hoti.
ཨནྟགྒཱཧིཀཱདིཊྛིནིདྡེསོ སཏྟམོ།
Antaggāhikādiṭṭhiniddeso sattamo.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༧. ཨནྟགྒཱཧིཀཱདིཊྛིནིདྡེསཝཎྞནཱ • 7. Antaggāhikādiṭṭhiniddesavaṇṇanā
