| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
2. அந்தராப⁴வகதா²வண்ணனா
2. Antarābhavakathāvaṇṇanā
505. அதிதூ³ரஸ்ஸ அந்தரிதஸ்ஸ பத்தப்³ப³ஸ்ஸ தே³ஸஸ்ஸ த³ஸ்ஸனதோ தி³ப்³ப³சக்கு²கோ விய. ஆகாஸேன பத²வந்தரட்டா²னானி பி⁴ந்தி³த்வா க³மனதோ இத்³தி⁴மா விய. ந ஸஹத⁴ம்மேனாதி யதி³ ஸோ ப⁴வானங் அந்தரா ந ஸியா, ந நாம அந்தராப⁴வோதி படிக்கே²பே கரணங் நத்தீ²தி அதி⁴ப்பாயோ.
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
506. தத்த² ஜாதிஜராமரணானி சேவ சுதிபடிஸந்தி⁴பரம்பரஞ்ச அனிச்ச²ந்தோதி ஏதேன சுதிஅனந்தரங் அந்தராப⁴வங் க²ந்தா⁴தி, வத்தமானா ஜாதீதி, மாதுகுச்சி²மேவ பவிட்டா² அந்தரதா⁴யமானா மரணந்தி ந இச்ச²தி.
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
507. யதா² காமப⁴வாதீ³ஸு தத்த² தத்தே²வ புனப்புனங் சவித்வா உபபத்திவஸேன சுதிபடிஸந்தி⁴பரம்பரா ஹோதி, ஏவங் தங் தத்த² ந இச்ச²தீதி த³ஸ்ஸேதி.
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
அந்தராப⁴வகதா²வண்ணனா நிட்டி²தா.
Antarābhavakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (74) 2. அந்தராப⁴வகதா² • (74) 2. Antarābhavakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 2. அந்தராப⁴வகதா²வண்ணனா • 2. Antarābhavakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. அந்தராப⁴வகதா²வண்ணனா • 2. Antarābhavakathāvaṇṇanā
