| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. анд̇араабхавагат̇ааван̣н̣анаа
2. Antarābhavakathāvaṇṇanā
505. ид̣̇аани анд̇араабхавагат̇аа наама ход̇и. д̇ад̇т̇а язсам̣ ‘‘анд̇араа бариниб̣б̣ааяий’’д̇и суд̇д̇абад̣̇ам̣ аяонисо г̇ахзд̇ваа ‘‘анд̇араабхаво наама ад̇т̇и, яад̇т̇а сад̇д̇о д̣̇иб̣б̣ажагкуго вияа ад̣̇иб̣б̣ажагкуго, ид̣̇д̇химаа вияа анид̣̇д̇химаа маад̇аабид̇исамааг̇аман̃жзва уд̇усамаяан̃жа ологаяамаано сад̇д̇аахам̣ ваа ад̇ирзгасад̇д̇аахам̣ ваа д̇идтад̇ий’’д̇и лад̣̇д̇хи, сзяяат̇ааби буб̣б̣асзлияаанан̃жзва саммид̇ияаанан̃жа; д̇з санд̇хааяа ад̇т̇ийд̇и бужчаа сагаваад̣̇исса, лад̣̇д̇хияам̣ тад̇ваа бадин̃н̃аа ид̇арасса. ат̇а нам̣ яз жа бхаг̇авад̇аа д̇аяо бхаваа вуд̇д̇аа, д̇зсам̣ васзна жод̣̇зд̇ум̣ гаамабхавод̇иаад̣̇имааха. д̇ад̇рааяам̣ ад̇хиббааяо – яад̣̇и д̇з анд̇араабхаво наама гожи бхаво ад̇т̇и, д̇зна гаамабхаваад̣̇ийнам̣язва ан̃н̃ад̇арзна бхавид̇аб̣б̣ам̣ бан̃жавогаарабхаваад̣̇инаа вияа, д̇зна д̇ам̣ бужчаами – ‘‘гим̣ д̇з аяам̣ анд̇араабхаво наама гаамабхаво, уд̣̇ааху руубабхаво аруубабхаво ваа’’д̇и? ид̇аро д̇ат̇аа анижчанд̇о саб̣б̣ам̣ бадигкибад̇и. гаамабхавасса жаад̇иаад̣̇и яад̣̇и анд̇араабхаво наама ад̇т̇и, имзсам̣ бхаваанам̣ анд̇араа д̣̇виннам̣ сиймаанам̣ сийманд̇аригаа вияа бхавзяяаад̇и жод̣̇зд̇ум̣ аарад̣̇д̇хам̣. бараваад̣̇ий бана д̇ат̇аа анижчанд̇о саб̣б̣абан̃хз бадигкибад̇и гзвалам̣ лад̣̇д̇хияаа, на сахад̇хаммзна. д̇знзва нам̣ сагаваад̣̇ий ‘но вад̇а рз’д̇и бадисзд̇хзд̇и.
505. Idāni antarābhavakathā nāma hoti. Tattha yesaṃ ‘‘antarā parinibbāyī’’ti suttapadaṃ ayoniso gahetvā ‘‘antarābhavo nāma atthi, yattha satto dibbacakkhuko viya adibbacakkhuko, iddhimā viya aniddhimā mātāpitisamāgamañceva utusamayañca olokayamāno sattāhaṃ vā atirekasattāhaṃ vā tiṭṭhatī’’ti laddhi, seyyathāpi pubbaseliyānañceva sammitiyānañca; te sandhāya atthīti pucchā sakavādissa, laddhiyaṃ ṭhatvā paṭiññā itarassa. Atha naṃ ye ca bhagavatā tayo bhavā vuttā, tesaṃ vasena codetuṃ kāmabhavotiādimāha. Tatrāyaṃ adhippāyo – yadi te antarābhavo nāma koci bhavo atthi, tena kāmabhavādīnaṃyeva aññatarena bhavitabbaṃ pañcavokārabhavādinā viya, tena taṃ pucchāmi – ‘‘kiṃ te ayaṃ antarābhavo nāma kāmabhavo, udāhu rūpabhavo arūpabhavo vā’’ti? Itaro tathā anicchanto sabbaṃ paṭikkhipati. Kāmabhavassa cātiādi yadi antarābhavo nāma atthi, imesaṃ bhavānaṃ antarā dvinnaṃ sīmānaṃ sīmantarikā viya bhaveyyāti codetuṃ āraddhaṃ. Paravādī pana tathā anicchanto sabbapañhe paṭikkhipati kevalaṃ laddhiyā, na sahadhammena. Teneva naṃ sakavādī ‘no vata re’ti paṭisedheti.
506. бан̃жамий саа яонийд̇иаад̣̇ийниби яат̇аабарижчиннаяониаад̣̇ийсу со самод̇хаанам̣ на г̇ажчад̇и, ат̇а д̇зна д̇ад̇о д̇ад̇о ад̇ирзгзна бхавид̇аб̣б̣анд̇и жод̣̇зд̇ум̣ вуд̇д̇аани. анд̇араабхавуубаг̇ам̣ гамманд̇и яад̣̇и соби зго бхаво, яат̇аа гаамабхавуубаг̇аад̣̇ийни гаммаани ад̇т̇ийд̇и сад̇т̇аараа вибхаж̇ид̇ваа д̣̇ассид̇аани, звам̣ д̇ад̣̇убаг̇знааби гаммзна бхавид̇аб̣б̣анд̇и жод̣̇анад̇т̇ам̣ вуд̇д̇ам̣. яасмаа бана барасамаяз анд̇араабхавуубаг̇ам̣ наама баадиязггам̣ гаммам̣ над̇т̇и, яам̣ яам̣ бхавам̣ убабаж̇ж̇иссад̇и, д̇ад̣̇убаг̇знзва гаммзна анд̇араабхавз ниб̣б̣ад̇д̇ад̇ийд̇и д̇зсам̣ лад̣̇д̇хи, д̇асмаа ‘нахзва’нд̇и бадигкид̇д̇ам̣. ад̇т̇и анд̇араабхавуубаг̇аа сад̇д̇аад̇и будтоби гаамабхавуубаг̇ааязва наама д̇зд̇и лад̣̇д̇хияаа бадигкибад̇и. ж̇ааяанд̇ийд̇иаад̣̇ийни будтоби д̇ад̇т̇а ж̇аад̇иж̇араамаран̣аани жзва жуд̇ибадисанд̇хибарамбаран̃жа анижчанд̇о бадигкибад̇и. руубаад̣̇ивасзна будтоби яасмаа анд̇араабхавасад̇д̇асса анид̣̇ассанам̣ руубам̣, взд̣̇анаад̣̇аяоби ан̃н̃зсам̣ вияа на ол̣ааригаад̇и д̇асса лад̣̇д̇хи, д̇асмаа бадигкибад̇и. иминаава гааран̣зна бан̃жавогаарабхавабхаавзби бадигкзбо взд̣̇ид̇аб̣б̣о.
506. Pañcamī sā yonītiādīnipi yathāparicchinnayoniādīsu so samodhānaṃ na gacchati, atha tena tato tato atirekena bhavitabbanti codetuṃ vuttāni. Antarābhavūpagaṃ kammanti yadi sopi eko bhavo, yathā kāmabhavūpagādīni kammāni atthīti satthārā vibhajitvā dassitāni, evaṃ tadupagenāpi kammena bhavitabbanti codanatthaṃ vuttaṃ. Yasmā pana parasamaye antarābhavūpagaṃ nāma pāṭiyekkaṃ kammaṃ natthi, yaṃ yaṃ bhavaṃ upapajjissati, tadupageneva kammena antarābhave nibbattatīti tesaṃ laddhi, tasmā ‘naheva’nti paṭikkhittaṃ. Atthi antarābhavūpagā sattāti puṭṭhopi kāmabhavūpagāyeva nāma teti laddhiyā paṭikkhipati. Jāyantītiādīni puṭṭhopi tattha jātijarāmaraṇāni ceva cutipaṭisandhiparamparañca anicchanto paṭikkhipati. Rūpādivasena puṭṭhopi yasmā antarābhavasattassa anidassanaṃ rūpaṃ, vedanādayopi aññesaṃ viya na oḷārikāti tassa laddhi, tasmā paṭikkhipati. Imināva kāraṇena pañcavokārabhavabhāvepi paṭikkhepo veditabbo.
507. ид̣̇аани гаамабхаво бхаво г̇ад̇ийд̇иаад̣̇и бхавасам̣санд̣̇анам̣ наама ход̇и. д̇ад̇рааяам̣ ад̇хиббааяо – яад̣̇и д̇з анд̇араабхаво наама гожи бхаво бхавзяяа, яат̇аа гаамабхаваад̣̇ийсу бхаваг̇ад̇иаад̣̇ибхзд̣̇о лаб̣бхад̇и, д̇ат̇аа д̇ад̇рааби лаб̣бхзт̇а. яат̇аа ваа д̇ад̇т̇а на лаб̣бхад̇и, д̇ат̇аа имзсуби на лаб̣бхзт̇а. самаанасмин̃хи бхавабхаавз зд̇зсвзвзса вибхааг̇о ад̇т̇и, на ид̇арасминд̇и го зд̇т̇а висзсахзд̇ууд̇и. ид̇аро буна лад̣̇д̇химад̇д̇авасзна д̇ам̣ д̇ам̣ бадиж̇аанаад̇и жзва бадигкибад̇и жа.
507. Idāni kāmabhavo bhavo gatītiādi bhavasaṃsandanaṃ nāma hoti. Tatrāyaṃ adhippāyo – yadi te antarābhavo nāma koci bhavo bhaveyya, yathā kāmabhavādīsu bhavagatiādibhedo labbhati, tathā tatrāpi labbhetha. Yathā vā tattha na labbhati, tathā imesupi na labbhetha. Samānasmiñhi bhavabhāve etesvevesa vibhāgo atthi, na itarasminti ko ettha visesahetūti. Itaro puna laddhimattavasena taṃ taṃ paṭijānāti ceva paṭikkhipati ca.
508. саб̣б̣зсан̃н̃зва сад̇д̇аанам̣ ад̇т̇и анд̇араабхавод̇и будто яасмаа нираяуубаг̇аасан̃н̃асад̇д̇уубаг̇ааруубуубаг̇аанам̣ анд̇араабхавам̣ на ижчад̇и, д̇асмаа бадигкибад̇и. д̇знзва гааран̣зна бадиломз бадиж̇аанаад̇и. аананд̇арияассаад̇иаад̣̇и язсам̣ со анд̇араабхавам̣ на ижчад̇и, д̇з д̇аава вибхаж̇ид̇ваа д̣̇ассзд̇ум̣ вуд̇д̇ам̣. д̇ам̣ саб̣б̣ам̣ баал̣ианусаарзнзва взд̣̇ид̇аб̣б̣ам̣ сад̣̇д̇хим̣ суд̇д̇асаад̇ханзнаад̇и.
508. Sabbesaññeva sattānaṃ atthi antarābhavoti puṭṭho yasmā nirayūpagaasaññasattūpagaarūpūpagānaṃ antarābhavaṃ na icchati, tasmā paṭikkhipati. Teneva kāraṇena paṭilome paṭijānāti. Ānantariyassātiādi yesaṃ so antarābhavaṃ na icchati, te tāva vibhajitvā dassetuṃ vuttaṃ. Taṃ sabbaṃ pāḷianusāreneva veditabbaṃ saddhiṃ suttasādhanenāti.
анд̇араабхавагат̇ааван̣н̣анаа.
Antarābhavakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (74) 2. анд̇араабхавагат̇аа • (74) 2. Antarābhavakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. анд̇араабхавагат̇ааван̣н̣анаа • 2. Antarābhavakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. анд̇араабхавагат̇ааван̣н̣анаа • 2. Antarābhavakathāvaṇṇanā
