| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೨. ಅನ್ತರಾಭವಕಥಾವಣ್ಣನಾ
2. Antarābhavakathāvaṇṇanā
೫೦೫. ಅತಿದೂರಸ್ಸ ಅನ್ತರಿತಸ್ಸ ಪತ್ತಬ್ಬಸ್ಸ ದೇಸಸ್ಸ ದಸ್ಸನತೋ ದಿಬ್ಬಚಕ್ಖುಕೋ ವಿಯ। ಆಕಾಸೇನ ಪಥವನ್ತರಟ್ಠಾನಾನಿ ಭಿನ್ದಿತ್ವಾ ಗಮನತೋ ಇದ್ಧಿಮಾ ವಿಯ। ನ ಸಹಧಮ್ಮೇನಾತಿ ಯದಿ ಸೋ ಭವಾನಂ ಅನ್ತರಾ ನ ಸಿಯಾ, ನ ನಾಮ ಅನ್ತರಾಭವೋತಿ ಪಟಿಕ್ಖೇಪೇ ಕರಣಂ ನತ್ಥೀತಿ ಅಧಿಪ್ಪಾಯೋ।
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
೫೦೬. ತತ್ಥ ಜಾತಿಜರಾಮರಣಾನಿ ಚೇವ ಚುತಿಪಟಿಸನ್ಧಿಪರಮ್ಪರಞ್ಚ ಅನಿಚ್ಛನ್ತೋತಿ ಏತೇನ ಚುತಿಅನನ್ತರಂ ಅನ್ತರಾಭವಂ ಖನ್ಧಾತಿ, ವತ್ತಮಾನಾ ಜಾತೀತಿ, ಮಾತುಕುಚ್ಛಿಮೇವ ಪವಿಟ್ಠಾ ಅನ್ತರಧಾಯಮಾನಾ ಮರಣನ್ತಿ ನ ಇಚ್ಛತಿ।
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
೫೦೭. ಯಥಾ ಕಾಮಭವಾದೀಸು ತತ್ಥ ತತ್ಥೇವ ಪುನಪ್ಪುನಂ ಚವಿತ್ವಾ ಉಪಪತ್ತಿವಸೇನ ಚುತಿಪಟಿಸನ್ಧಿಪರಮ್ಪರಾ ಹೋತಿ, ಏವಂ ತಂ ತತ್ಥ ನ ಇಚ್ಛತೀತಿ ದಸ್ಸೇತಿ।
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
ಅನ್ತರಾಭವಕಥಾವಣ್ಣನಾ ನಿಟ್ಠಿತಾ।
Antarābhavakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೭೪) ೨. ಅನ್ತರಾಭವಕಥಾ • (74) 2. Antarābhavakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೨. ಅನ್ತರಾಭವಕಥಾವಣ್ಣನಾ • 2. Antarābhavakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೨. ಅನ್ತರಾಭವಕಥಾವಣ್ಣನಾ • 2. Antarābhavakathāvaṇṇanā
