| Library / Tipiṭaka / තිපිටක • Tipiṭaka / පඤ්‌චපකරණ-මූලටීකා • Pañcapakaraṇa-mūlaṭīkā |
2. අන්‌තරාභවකථාවණ්‌ණනා
2. Antarābhavakathāvaṇṇanā
505. අතිදූරස්‌ස අන්‌තරිතස්‌ස පත්‌තබ්‌බස්‌ස දෙසස්‌ස දස්‌සනතො දිබ්‌බචක්‌ඛුකො විය. ආකාසෙන පථවන්‌තරට්‌ඨානානි භින්‌දිත්‌වා ගමනතො ඉද්‌ධිමා විය. න සහධම්‌මෙනාති යදි සො භවානං අන්‌තරා න සියා, න නාම අන්‌තරාභවොති පටික්‌ඛෙපෙ කරණං නත්‌ථීති අධිප්‌පායො.
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
506. තත්‌ථ ජාතිජරාමරණානි චෙව චුතිපටිසන්‌ධිපරම්‌පරඤ්‌ච අනිච්‌ඡන්‌තොති එතෙන චුතිඅනන්‌තරං අන්‌තරාභවං ඛන්‌ධාති, වත්‌තමානා ජාතීති, මාතුකුච්‌ඡිමෙව පවිට්‌ඨා අන්‌තරධායමානා මරණන්‌ති න ඉච්‌ඡති.
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
507. යථා කාමභවාදීසු තත්‌ථ තත්‌ථෙව පුනප්‌පුනං චවිත්‌වා උපපත්‌තිවසෙන චුතිපටිසන්‌ධිපරම්‌පරා හොති, එවං තං තත්‌ථ න ඉච්‌ඡතීති දස්‌සෙති.
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
අන්‌තරාභවකථාවණ්‌ණනා නිට්‌ඨිතා.
Antarābhavakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (74) 2. අන්‌තරාභවකථා • (74) 2. Antarābhavakathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 2. අන්‌තරාභවකථාවණ්‌ණනා • 2. Antarābhavakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 2. අන්‌තරාභවකථාවණ්‌ණනා • 2. Antarābhavakathāvaṇṇanā
