| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༢. ཨནྟརཱབྷཝཀཐཱཝཎྞནཱ
2. Antarābhavakathāvaṇṇanā
༥༠༥. ཨཏིདཱུརསྶ ཨནྟརིཏསྶ པཏྟབྦསྶ དེསསྶ དསྶནཏོ དིབྦཙཀྑུཀོ ཝིཡ། ཨཱཀཱསེན པཐཝནྟརཊྛཱནཱནི བྷིནྡིཏྭཱ གམནཏོ ཨིདྡྷིམཱ ཝིཡ། ན སཧདྷམྨེནཱཏི ཡདི སོ བྷཝཱནཾ ཨནྟརཱ ན སིཡཱ, ན ནཱམ ཨནྟརཱབྷཝོཏི པཊིཀྑེཔེ ཀརཎཾ ནཏྠཱིཏི ཨདྷིཔྤཱཡོ།
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
༥༠༦. ཏཏྠ ཛཱཏིཛརཱམརཎཱནི ཙེཝ ཙུཏིཔཊིསནྡྷིཔརམྤརཉྩ ཨནིཙྪནྟོཏི ཨེཏེན ཙུཏིཨནནྟརཾ ཨནྟརཱབྷཝཾ ཁནྡྷཱཏི, ཝཏྟམཱནཱ ཛཱཏཱིཏི, མཱཏུཀུཙྪིམེཝ པཝིཊྛཱ ཨནྟརདྷཱཡམཱནཱ མརཎནྟི ན ཨིཙྪཏི།
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
༥༠༧. ཡཐཱ ཀཱམབྷཝཱདཱིསུ ཏཏྠ ཏཏྠེཝ པུནཔྤུནཾ ཙཝིཏྭཱ ཨུཔཔཏྟིཝསེན ཙུཏིཔཊིསནྡྷིཔརམྤརཱ ཧོཏི, ཨེཝཾ ཏཾ ཏཏྠ ན ཨིཙྪཏཱིཏི དསྶེཏི།
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
ཨནྟརཱབྷཝཀཐཱཝཎྞནཱ ནིཊྛིཏཱ།
Antarābhavakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༧༤) ༢. ཨནྟརཱབྷཝཀཐཱ • (74) 2. Antarābhavakathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༢. ཨནྟརཱབྷཝཀཐཱཝཎྞནཱ • 2. Antarābhavakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༢. ཨནྟརཱབྷཝཀཐཱཝཎྞནཱ • 2. Antarābhavakathāvaṇṇanā
