| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੨. ਅਨ੍ਤਰਾਭવਕਥਾવਣ੍ਣਨਾ
2. Antarābhavakathāvaṇṇanā
੫੦੫. ਅਤਿਦੂਰਸ੍ਸ ਅਨ੍ਤਰਿਤਸ੍ਸ ਪਤ੍ਤਬ੍ਬਸ੍ਸ ਦੇਸਸ੍ਸ ਦਸ੍ਸਨਤੋ ਦਿਬ੍ਬਚਕ੍ਖੁਕੋ વਿਯ। ਆਕਾਸੇਨ ਪਥવਨ੍ਤਰਟ੍ਠਾਨਾਨਿ ਭਿਨ੍ਦਿਤ੍વਾ ਗਮਨਤੋ ਇਦ੍ਧਿਮਾ વਿਯ। ਨ ਸਹਧਮ੍ਮੇਨਾਤਿ ਯਦਿ ਸੋ ਭવਾਨਂ ਅਨ੍ਤਰਾ ਨ ਸਿਯਾ, ਨ ਨਾਮ ਅਨ੍ਤਰਾਭવੋਤਿ ਪਟਿਕ੍ਖੇਪੇ ਕਰਣਂ ਨਤ੍ਥੀਤਿ ਅਧਿਪ੍ਪਾਯੋ।
505. Atidūrassa antaritassa pattabbassa desassa dassanato dibbacakkhuko viya. Ākāsena pathavantaraṭṭhānāni bhinditvā gamanato iddhimā viya. Na sahadhammenāti yadi so bhavānaṃ antarā na siyā, na nāma antarābhavoti paṭikkhepe karaṇaṃ natthīti adhippāyo.
੫੦੬. ਤਤ੍ਥ ਜਾਤਿਜਰਾਮਰਣਾਨਿ ਚੇવ ਚੁਤਿਪਟਿਸਨ੍ਧਿਪਰਮ੍ਪਰਞ੍ਚ ਅਨਿਚ੍ਛਨ੍ਤੋਤਿ ਏਤੇਨ ਚੁਤਿਅਨਨ੍ਤਰਂ ਅਨ੍ਤਰਾਭવਂ ਖਨ੍ਧਾਤਿ, વਤ੍ਤਮਾਨਾ ਜਾਤੀਤਿ, ਮਾਤੁਕੁਚ੍ਛਿਮੇવ ਪવਿਟ੍ਠਾ ਅਨ੍ਤਰਧਾਯਮਾਨਾ ਮਰਣਨ੍ਤਿ ਨ ਇਚ੍ਛਤਿ।
506. Tatthajātijarāmaraṇāni ceva cutipaṭisandhiparamparañca anicchantoti etena cutianantaraṃ antarābhavaṃ khandhāti, vattamānā jātīti, mātukucchimeva paviṭṭhā antaradhāyamānā maraṇanti na icchati.
੫੦੭. ਯਥਾ ਕਾਮਭવਾਦੀਸੁ ਤਤ੍ਥ ਤਤ੍ਥੇવ ਪੁਨਪ੍ਪੁਨਂ ਚવਿਤ੍વਾ ਉਪਪਤ੍ਤਿવਸੇਨ ਚੁਤਿਪਟਿਸਨ੍ਧਿਪਰਮ੍ਪਰਾ ਹੋਤਿ, ਏવਂ ਤਂ ਤਤ੍ਥ ਨ ਇਚ੍ਛਤੀਤਿ ਦਸ੍ਸੇਤਿ।
507. Yathā kāmabhavādīsu tattha tattheva punappunaṃ cavitvā upapattivasena cutipaṭisandhiparamparā hoti, evaṃ taṃ tattha na icchatīti dasseti.
ਅਨ੍ਤਰਾਭવਕਥਾવਣ੍ਣਨਾ ਨਿਟ੍ਠਿਤਾ।
Antarābhavakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੭੪) ੨. ਅਨ੍ਤਰਾਭવਕਥਾ • (74) 2. Antarābhavakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੨. ਅਨ੍ਤਰਾਭવਕਥਾવਣ੍ਣਨਾ • 2. Antarābhavakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਅਨ੍ਤਰਾਭવਕਥਾવਣ੍ਣਨਾ • 2. Antarābhavakathāvaṇṇanā
