| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
9. анд̇араамаласуд̇д̇аван̣н̣анаа
9. Antarāmalasuttavaṇṇanā
88. навамз анд̇араамалаад̇и зд̇т̇а анд̇араасад̣̇д̣̇о –
88. Navame antarāmalāti ettha antarāsaddo –
‘‘над̣̇ийд̇ийрзсу сан̣таанз, сабхаасу рат̇ияаасу жа;
‘‘Nadītīresu saṇṭhāne, sabhāsu rathiyāsu ca;
ж̇анаа сан̇г̇амма манд̇знд̇и, ман̃жа д̇ан̃жа гиманд̇ара’’нд̇и. –
Janā saṅgamma mantenti, mañca tañca kimantara’’nti. –
аад̣̇ийсу (сам̣. ни. 1.228) гааран̣з ааг̇ад̇о. ‘‘ад̣̇д̣̇асаа мам̣, бханд̇з, ан̃н̃ад̇араа ид̇т̇ий виж̇ж̇анд̇аригааяа бхааж̇анам̣ д̇хованд̇ий’’д̇иаад̣̇ийсу (ма. ни. 2.149) кан̣з. ‘‘абижааяам̣ д̇абод̣̇аа д̣̇виннам̣ махаанираяаанам̣ анд̇аригааяа ааг̇ажчад̇ий’’д̇иаад̣̇ийсу (баараа. 231) виварз.
Ādīsu (saṃ. ni. 1.228) kāraṇe āgato. ‘‘Addasā maṃ, bhante, aññatarā itthī vijjantarikāya bhājanaṃ dhovantī’’tiādīsu (ma. ni. 2.149) khaṇe. ‘‘Apicāyaṃ tapodā dvinnaṃ mahānirayānaṃ antarikāya āgacchatī’’tiādīsu (pārā. 231) vivare.
‘‘бийд̇авад̇т̇з бийд̇ад̇хаж̇з, бийд̇аалан̇гаарабхуусид̇з;
‘‘Pītavatthe pītadhaje, pītālaṅkārabhūsite;
бийд̇анд̇араахи ваг̇г̇уухи, абил̣анд̇хаава собхасий’’д̇и. –
Pītantarāhi vaggūhi, apiḷandhāva sobhasī’’ti. –
аад̣̇ийсу (ви. ва. 658) уд̇д̇арисаадагз. ‘‘яассанд̇арад̇о на санд̇и гобаа’’д̇иаад̣̇ийсу (уд̣̇аа. 20) жид̇д̇з. ид̇хааби жид̇д̇з зва д̣̇адтаб̣б̣о. д̇асмаа анд̇арз жид̇д̇з бхаваа анд̇араа. яасмим̣ санд̇аанз уббаннаа, д̇асса малинабхаавагаран̣ад̇о малаа. д̇ад̇т̇а малам̣ наама д̣̇увид̇хам̣ – сарийрамалам̣, жид̇д̇амаланд̇и. д̇зсу сарийрамалам̣ сзд̣̇аж̇аллигаад̣̇и сарийрз ниб̣б̣ад̇д̇ам̣, д̇ад̇т̇а лаг̇г̇ам̣ ааг̇анд̇угараж̇ан̃жа, д̇ам̣ уд̣̇агзнаби нийхаран̣ийяам̣, на д̇ат̇аа сам̣гилзсигам̣. жид̇д̇амалам̣ бана рааг̇аад̣̇исам̣гилзсигам̣, д̇ам̣ арияамаг̇г̇зхзва нийхаран̣ийяам̣. вуд̇д̇ан̃хзд̇ам̣ бораан̣зхи –
Ādīsu (vi. va. 658) uttarisāṭake. ‘‘Yassantarato na santi kopā’’tiādīsu (udā. 20) citte. Idhāpi citte eva daṭṭhabbo. Tasmā antare citte bhavā antarā. Yasmiṃ santāne uppannā, tassa malinabhāvakaraṇato malā. Tattha malaṃ nāma duvidhaṃ – sarīramalaṃ, cittamalanti. Tesu sarīramalaṃ sedajallikādi sarīre nibbattaṃ, tattha laggaṃ āgantukarajañca, taṃ udakenapi nīharaṇīyaṃ, na tathā saṃkilesikaṃ. Cittamalaṃ pana rāgādisaṃkilesikaṃ, taṃ ariyamaggeheva nīharaṇīyaṃ. Vuttañhetaṃ porāṇehi –
‘‘руубзна сам̣гилидтзна, сам̣гилиссанд̇и маан̣аваа;
‘‘Rūpena saṃkiliṭṭhena, saṃkilissanti māṇavā;
руубз суд̣̇д̇хз висуж̇жханд̇и, анагкаад̇ам̣ махзсинаа.
Rūpe suddhe visujjhanti, anakkhātaṃ mahesinā.
‘‘жид̇д̇зна сам̣гилидтзна, сам̣гилиссанд̇и маан̣аваа;
‘‘Cittena saṃkiliṭṭhena, saṃkilissanti māṇavā;
жид̇д̇з суд̣̇д̇хз висуж̇жханд̇и, ид̇и вуд̇д̇ам̣ махзсинаа’’д̇и. (д̣̇ий. ни. адта. 2.373; ма. ни. адта. 1.106);
Citte suddhe visujjhanti, iti vuttaṃ mahesinā’’ti. (dī. ni. aṭṭha. 2.373; ma. ni. aṭṭha. 1.106);
д̇знааха бхаг̇аваа ‘‘жид̇д̇асам̣гилзсаа, бхигкавз, сад̇д̇аа сам̣гилиссанд̇и, жид̇д̇авод̣̇аанаа висуж̇жханд̇ий’’д̇и (сам̣. ни. 3.100). д̇асмаа бхаг̇аваа ид̇хааби жид̇д̇амалависод̇ханааяа бадибаж̇ж̇ид̇аб̣б̣анд̇и д̣̇ассзнд̇о ‘‘д̇аяомз, бхигкавз, анд̇араамалаа’’д̇и ааха.
Tenāha bhagavā ‘‘cittasaṃkilesā, bhikkhave, sattā saṃkilissanti, cittavodānā visujjhantī’’ti (saṃ. ni. 3.100). Tasmā bhagavā idhāpi cittamalavisodhanāya paṭipajjitabbanti dassento ‘‘tayome, bhikkhave, antarāmalā’’ti āha.
яат̇аа жзд̇з лобхаад̣̇аяо сад̇д̇аанам̣ жид̇д̇з уббаж̇ж̇ид̇ваа малинабхаавагараа наанаббагаарасам̣гилзсавид̇хааяагаад̇и анд̇араамалаа, звам̣ згад̇о бхун̃ж̇ид̇ваа, згад̇о саяид̇ваа, од̇аараг̇авзсий амид̇д̇асад̇д̇у вияа жид̇д̇з зва уббаж̇ж̇ид̇ваа сад̇д̇аанам̣ наанаавид̇хаанад̇т̇аавахаа, наанаббагаарад̣̇угканиб̣б̣ад̇д̇агаад̇и д̣̇ассзнд̇о ‘‘анд̇арааамид̇д̇аа’’д̇иаад̣̇имааха. д̇ад̇т̇а мид̇д̇абадибагкад̇о амид̇д̇аа, сабад̇д̇агижжагаран̣ад̇о сабад̇д̇аа, хим̣санад̇о вад̇хагаа, уж̇увибажжанийгад̇о бажжад̇т̇игаа.
Yathā cete lobhādayo sattānaṃ citte uppajjitvā malinabhāvakarā nānappakārasaṃkilesavidhāyakāti antarāmalā, evaṃ ekato bhuñjitvā, ekato sayitvā, otāragavesī amittasattu viya citte eva uppajjitvā sattānaṃ nānāvidhaanatthāvahā, nānappakāradukkhanibbattakāti dassento ‘‘antarāamittā’’tiādimāha. Tattha mittapaṭipakkhato amittā, sapattakiccakaraṇato sapattā, hiṃsanato vadhakā, ujuvipaccanīkato paccatthikā.
д̇ад̇т̇а д̣̇вийхи аагаарзхи лобхаад̣̇ийнам̣ амид̇д̇аад̣̇ибхааво взд̣̇ид̇аб̣б̣о. взрийбуг̇г̇ало хи анд̇арам̣ лабхамаано ад̇д̇ано взрисса сад̇т̇зна ваа сийсам̣ баад̇зд̇и, убааязна ваа маханд̇ам̣ анад̇т̇ам̣ уббаад̣̇зд̇и. имз жа лобхаад̣̇аяо бан̃н̃аасирабаад̇анзна яонисамбадибаад̣̇анзна жа д̇аад̣̇исам̣ д̇ад̇о б̣алавад̇арам̣ анад̇т̇ам̣ ниб̣б̣ад̇д̇знд̇и. гат̇ам̣? жагкуд̣̇ваарасмин̃хи идтаад̣̇ийсу аарамман̣зсу аабаат̇аг̇ад̇зсу яат̇аарахам̣ д̇аани аараб̣бха лобхаад̣̇аяо уббаж̇ж̇анд̇и, зд̇д̇аавад̇аасса бан̃н̃аасирам̣ баад̇ид̇ам̣ наама ход̇и. сод̇ад̣̇ваараад̣̇ийсуби зсзва наяо. звам̣ д̇аава бан̃н̃аасирабаад̇анад̇о амид̇д̇аад̣̇исад̣̇исад̇аа взд̣̇ид̇аб̣б̣аа. лобхаад̣̇аяо бана гамманид̣̇аанаа худ̇ваа ан̣д̣аж̇аад̣̇ибхзд̣̇аа жад̇ассо яонияо убанзнд̇и. д̇асса яониубаг̇аманамуулагаани бан̃жавийсад̇и махаабхаяаани д̣̇вад̇д̇им̣са гаммагаран̣аани жа ааг̇ад̇аанзва хонд̇и. звам̣ яонисамбадибаад̣̇анад̇оби нзсам̣ амид̇д̇аад̣̇исад̣̇исад̇аа взд̣̇ид̇аб̣б̣аа. ид̇и лобхаад̣̇аяо амид̇д̇аад̣̇исад̣̇исад̇ааяа жид̇д̇асамбхууд̇ад̇ааяа жа ‘‘анд̇арааамид̇д̇аа’’д̇иаад̣̇инаа вуд̇д̇аа. абижа амид̇д̇зхи гаад̇ум̣ асаггун̣зяяам̣ лобхаад̣̇аяо гаронд̇и, амид̇д̇аад̣̇ибхааво жа лобхаад̣̇ийхи ж̇ааяад̇ийд̇и д̇зсам̣ амид̇д̇аад̣̇ибхааво взд̣̇ид̇аб̣б̣о. вуд̇д̇ан̃хзд̇ам̣ –
Tattha dvīhi ākārehi lobhādīnaṃ amittādibhāvo veditabbo. Verīpuggalo hi antaraṃ labhamāno attano verissa satthena vā sīsaṃ pāteti, upāyena vā mahantaṃ anatthaṃ uppādeti. Ime ca lobhādayo paññāsirapātanena yonisampaṭipādanena ca tādisaṃ tato balavataraṃ anatthaṃ nibbattenti. Kathaṃ? Cakkhudvārasmiñhi iṭṭhādīsu ārammaṇesu āpāthagatesu yathārahaṃ tāni ārabbha lobhādayo uppajjanti, ettāvatāssa paññāsiraṃ pātitaṃ nāma hoti. Sotadvārādīsupi eseva nayo. Evaṃ tāva paññāsirapātanato amittādisadisatā veditabbā. Lobhādayo pana kammanidānā hutvā aṇḍajādibhedā catasso yoniyo upanenti. Tassa yoniupagamanamūlakāni pañcavīsati mahābhayāni dvattiṃsa kammakaraṇāni ca āgatāneva honti. Evaṃ yonisampaṭipādanatopi nesaṃ amittādisadisatā veditabbā. Iti lobhādayo amittādisadisatāya cittasambhūtatāya ca ‘‘antarāamittā’’tiādinā vuttā. Apica amittehi kātuṃ asakkuṇeyyaṃ lobhādayo karonti, amittādibhāvo ca lobhādīhi jāyatīti tesaṃ amittādibhāvo veditabbo. Vuttañhetaṃ –
‘‘д̣̇исо д̣̇исам̣ яанд̇ам̣ гаяираа, взрий ваа бана взринам̣;
‘‘Diso disaṃ yantaṃ kayirā, verī vā pana verinaṃ;
мижчаабан̣ихид̇ам̣ жид̇д̇ам̣, баабияо нам̣ д̇ад̇о гарз’’д̇и. (д̇ха. ба. 42; уд̣̇аа. 33);
Micchāpaṇihitaṃ cittaṃ, pāpiyo naṃ tato kare’’ti. (dha. pa. 42; udā. 33);
г̇аат̇аасу ад̇д̇ано барзсан̃жа анад̇т̇ам̣ ж̇анзд̇ийд̇и анад̇т̇аж̇анано. вуд̇д̇ан̃хзд̇ам̣ –
Gāthāsu attano paresañca anatthaṃ janetīti anatthajanano. Vuttañhetaṃ –
‘‘яад̣̇аби луд̣̇д̇хо абхисан̇карод̇и гааязна ваажааяа манасаа д̇ад̣̇аби агусалам̣; яад̣̇аби луд̣̇д̇хо лобхзна абхибхууд̇о барияаад̣̇иннажид̇д̇о барасса асад̇аа д̣̇угкам̣ уббаад̣̇зд̇и вад̇хзна ваа б̣анд̇хзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇и, д̇ад̣̇аби агусалам̣, ид̇иссамз лобхаж̇аа лобханид̣̇аанаа лобхасамуд̣̇аяаа лобхабажжаяаа анзгз баабагаа агусалаа д̇хаммаа самбхаванд̇ий’’д̇и (а. ни. 3.70).
‘‘Yadapi luddho abhisaṅkharoti kāyena vācāya manasā tadapi akusalaṃ; yadapi luddho lobhena abhibhūto pariyādinnacitto parassa asatā dukkhaṃ uppādeti vadhena vā bandhena vā jāniyā vā garahāya vā pabbājanāya vā balavamhi balattho iti, tadapi akusalaṃ, itissame lobhajā lobhanidānā lobhasamudayā lobhapaccayā aneke pāpakā akusalā dhammā sambhavantī’’ti (a. ni. 3.70).
абарамби вуд̇д̇ам̣ –
Aparampi vuttaṃ –
‘‘рад̇д̇о ко, б̣раахман̣а, рааг̇зна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇ий’’д̇иаад̣̇и (а. ни. 3.54).
‘‘Ratto kho, brāhmaṇa, rāgena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedetī’’tiādi (a. ni. 3.54).
жид̇д̇аббагобанод̇и жид̇д̇асан̇кобхано. лобхо хи лобханийяз вад̇т̇усмим̣ уббаж̇ж̇амаано жид̇д̇ам̣ кобхзнд̇о багобзнд̇о вибарин̣аамзнд̇о вигаарам̣ аабаад̣̇знд̇о уббаж̇ж̇ад̇и, басаад̣̇аад̣̇ивасзна бавад̇д̇ид̇ум̣ на д̣̇зд̇и. бхаяаманд̇арад̇о ж̇аад̇ам̣, д̇ам̣ ж̇ано нааваб̣уж̇жхад̇ийд̇и д̇ам̣ лобхасан̇каад̇ам̣ анд̇арад̇о аб̣бханд̇арз ад̇д̇ано жид̇д̇зязва ж̇аад̇ам̣ анад̇т̇аж̇ананажид̇д̇аббагобанаад̣̇им̣ бхаяам̣ бхаяахзд̇ум̣ аяам̣ б̣ааламахааж̇ано нааваб̣уж̇жхад̇и на ж̇аанаад̇ийд̇и.
Cittappakopanoti cittasaṅkhobhano. Lobho hi lobhanīye vatthusmiṃ uppajjamāno cittaṃ khobhento pakopento vipariṇāmento vikāraṃ āpādento uppajjati, pasādādivasena pavattituṃ na deti. Bhayamantarato jātaṃ, taṃ jano nāvabujjhatīti taṃ lobhasaṅkhātaṃ antarato abbhantare attano citteyeva jātaṃ anatthajananacittappakopanādiṃ bhayaṃ bhayahetuṃ ayaṃ bālamahājano nāvabujjhati na jānātīti.
луд̣̇д̇хо ад̇т̇ам̣ на ж̇аанаад̇ийд̇и ад̇д̇ад̇т̇абарад̇т̇аад̣̇ибхзд̣̇ам̣ ад̇т̇ам̣ хид̇ам̣ луд̣̇д̇хабуг̇г̇ало яат̇аабхууд̇ам̣ на ж̇аанаад̇и. д̇хаммам̣ на бассад̇ийд̇и д̣̇асагусалагаммабат̇ад̇хаммамби луд̣̇д̇хо лобхзна абхибхууд̇о барияаад̣̇иннажид̇д̇о на бассад̇и бажжагкад̇о на ж̇аанаад̇и, баг̇зва уд̇д̇аримануссад̇хаммам̣. вуд̇д̇амби жзд̇ам̣ –
Luddho atthaṃ na jānātīti attatthaparatthādibhedaṃ atthaṃ hitaṃ luddhapuggalo yathābhūtaṃ na jānāti. Dhammaṃ na passatīti dasakusalakammapathadhammampi luddho lobhena abhibhūto pariyādinnacitto na passati paccakkhato na jānāti, pageva uttarimanussadhammaṃ. Vuttampi cetaṃ –
‘‘рад̇д̇о ко, б̣раахман̣а, рааг̇зна абхибхууд̇о барияаад̣̇иннажид̇д̇о ад̇д̇ад̇т̇амби яат̇аабхууд̇ам̣ на баж̇аанаад̇и, барад̇т̇амби яат̇аабхууд̇ам̣ на баж̇аанаад̇и, убхаяад̇т̇амби яат̇аабхууд̇ам̣ на баж̇аанаад̇ий’’д̇иаад̣̇и (а. ни. 3.55).
‘‘Ratto kho, brāhmaṇa, rāgena abhibhūto pariyādinnacitto attatthampi yathābhūtaṃ na pajānāti, paratthampi yathābhūtaṃ na pajānāti, ubhayatthampi yathābhūtaṃ na pajānātī’’tiādi (a. ni. 3.55).
анд̇хад̇аманд̇и анд̇хабхаавагарам̣ д̇амам̣. яанд̇и яад̇т̇а. бхуммад̇т̇з хи зд̇ам̣ бажжад̇д̇аважанам̣. яасмим̣ гаалз лобхо сахад̇з абхибхавад̇и нарам̣, анд̇хад̇амам̣ д̇ад̣̇аа ход̇ийд̇и. яанд̇и ваа гааран̣аважанам̣. яасмаа лобхо уббаж̇ж̇амаано нарам̣ сахад̇з абхибхавад̇и, д̇асмаа анд̇хад̇амам̣ д̇ад̣̇аа ход̇ийд̇и яож̇анаа, яа-д̇а-сад̣̇д̣̇аанам̣ зганд̇асамб̣анд̇хабхаавад̇о. ат̇а ваа яанд̇и гирияаабараамасанам̣, ‘‘лобхо сахад̇з’’д̇и зд̇т̇а яад̣̇зд̇ам̣ лобхасса саханам̣ абхибхаванам̣ вуд̇д̇ам̣. зд̇ам̣ анд̇хабхаавагарасса д̇амасса г̇аманам̣ уббаад̣̇од̇и ад̇т̇о. ат̇а ваа яам̣ нарам̣ лобхо сахад̇з абхибхавад̇и, д̇асса анд̇хад̇амам̣ д̇ад̣̇аа ход̇и, д̇ад̇о жа луд̣̇д̇хо ад̇т̇ам̣ на ж̇аанаад̇и, луд̣̇д̇хо д̇хаммам̣ на бассад̇ийд̇и звамзд̇т̇а ад̇т̇о д̣̇адтаб̣б̣о.
Andhatamanti andhabhāvakaraṃ tamaṃ. Yanti yattha. Bhummatthe hi etaṃ paccattavacanaṃ. Yasmiṃ kāle lobho sahate abhibhavati naraṃ, andhatamaṃ tadā hotīti. Yanti vā kāraṇavacanaṃ. Yasmā lobho uppajjamāno naraṃ sahate abhibhavati, tasmā andhatamaṃ tadā hotīti yojanā, ya-ta-saddānaṃ ekantasambandhabhāvato. Atha vā yanti kiriyāparāmasanaṃ, ‘‘lobho sahate’’ti ettha yadetaṃ lobhassa sahanaṃ abhibhavanaṃ vuttaṃ. Etaṃ andhabhāvakarassa tamassa gamanaṃ uppādoti attho. Atha vā yaṃ naraṃ lobho sahate abhibhavati, tassa andhatamaṃ tadā hoti, tato ca luddho atthaṃ na jānāti, luddho dhammaṃ na passatīti evamettha attho daṭṭhabbo.
яо жа лобхам̣ баханд̇ваанаад̇и яо буб̣б̣абхааг̇з д̇ад̣̇ан̇г̇авасзна вигкамбханавасзна жа яат̇аарахам̣ самат̇авибассанаахи лобхам̣ баж̇ахид̇ваа д̇ат̇аа баж̇аханахзд̇у лобханзяяз д̣̇иб̣б̣зби руубаад̣̇игз убадтид̇з на луб̣бхад̇и, б̣алававибассанаанубхаавзна лобхо бахийяад̇з д̇амхаад̇и д̇асмаа арияабуг̇г̇алаа арияамаг̇г̇зна лобхо бахийяад̇и баж̇ахийяад̇и, ажжанд̇амзва барижжаж̇ийяад̇и. яат̇аа гим̣? уд̣̇аб̣инд̣̇уува богкараад̇и бад̣̇уминибан̣н̣ад̇о уд̣̇агаб̣инд̣̇у вияа. сзсаг̇аат̇аанамби иминаа наязна ад̇т̇о взд̣̇ид̇аб̣б̣о.
Yo ca lobhaṃ pahantvānāti yo pubbabhāge tadaṅgavasena vikkhambhanavasena ca yathārahaṃ samathavipassanāhi lobhaṃ pajahitvā tathā pajahanahetu lobhaneyye dibbepi rūpādike upaṭṭhite na lubbhati, balavavipassanānubhāvena lobho pahīyate tamhāti tasmā ariyapuggalā ariyamaggena lobho pahīyati pajahīyati, accantameva pariccajīyati. Yathā kiṃ? Udabindūva pokkharāti paduminipaṇṇato udakabindu viya. Sesagāthānampi iminā nayena attho veditabbo.
д̇ат̇аа д̣̇осасса –
Tathā dosassa –
‘‘яад̣̇аби д̣̇удто абхисан̇карод̇и гааязна ваажааяа манасаа д̇ад̣̇аби агусалам̣; яад̣̇аби д̣̇удто д̣̇осзна абхибхууд̇о барияаад̣̇иннажид̇д̇о барасса асад̇аа д̣̇угкам̣ уббаад̣̇зд̇и вад̇хзна ваа б̣анд̇хзна ваа ж̇аанияаа ваа г̇арахааяа ваа баб̣б̣ааж̇анааяа ваа б̣алавамхи б̣алад̇т̇о ид̇и, д̇ад̣̇аби агусалам̣. ид̇иссамз д̣̇осаж̇аа д̣̇осанид̣̇аанаа д̣̇осасамуд̣̇аяаа д̣̇осабажжаяаа анзгз баабагаа агусалаа д̇хаммаа самбхаванд̇ий’’д̇и (а. ни. 3.70).
‘‘Yadapi duṭṭho abhisaṅkharoti kāyena vācāya manasā tadapi akusalaṃ; yadapi duṭṭho dosena abhibhūto pariyādinnacitto parassa asatā dukkhaṃ uppādeti vadhena vā bandhena vā jāniyā vā garahāya vā pabbājanāya vā balavamhi balattho iti, tadapi akusalaṃ. Itissame dosajā dosanidānā dosasamudayā dosapaccayā aneke pāpakā akusalā dhammā sambhavantī’’ti (a. ni. 3.70).
д̇ат̇аа –
Tathā –
‘‘д̣̇удто ко, б̣раахман̣а, д̣̇осзна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и жзд̇асигамби д̣̇угкам̣ д̣̇оманассам̣ бадисам̣взд̣̇зд̇ий’’д̇и (а. ни. 3.55).
‘‘Duṭṭho kho, brāhmaṇa, dosena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti cetasikampi dukkhaṃ domanassaṃ paṭisaṃvedetī’’ti (a. ni. 3.55).
д̇ат̇аа –
Tathā –
‘‘д̣̇удто ко, б̣раахман̣а, д̣̇осзна абхибхууд̇о барияаад̣̇иннажид̇д̇о ад̇д̇ад̇т̇амби яат̇аабхууд̇ам̣ на баж̇аанаад̇и , барад̇т̇амби яат̇аабхууд̇ам̣ на баж̇аанаад̇и, убхаяад̇т̇амби яат̇аа бхууд̇ам̣ на баж̇аанаад̇ий’’д̇и (а. ни. 3.55) –
‘‘Duṭṭho kho, brāhmaṇa, dosena abhibhūto pariyādinnacitto attatthampi yathābhūtaṃ na pajānāti , paratthampi yathābhūtaṃ na pajānāti, ubhayatthampi yathā bhūtaṃ na pajānātī’’ti (a. ni. 3.55) –
аад̣̇исуд̇д̇абад̣̇аанусаарзна анад̇т̇аж̇ананад̇аа ад̇т̇ахаанихзд̇уд̇аа жа взд̣̇ид̇аб̣б̣аа.
Ādisuttapadānusārena anatthajananatā atthahānihetutā ca veditabbā.
д̇ат̇аа мохасса ‘‘яад̣̇аби муул̣хо абхисан̇карод̇и гааязна ваажааяа манасаа’’д̇иаад̣̇инаа (а. ни. 3.70), ‘‘муул̣хо ко, б̣раахман̣а, мохзна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇ий’’д̇иаад̣̇инаа(а. ни. 3.55), ‘‘ад̇д̇ад̇т̇амби яат̇аабхууд̇ам̣ на баж̇аанаад̇ий’’д̇иаад̣̇инаа (а. ни. 3.55) жа ааг̇ад̇асуд̇д̇абад̣̇аанусаарзна взд̣̇ид̇аб̣б̣аа.
Tathā mohassa ‘‘yadapi mūḷho abhisaṅkharoti kāyena vācāya manasā’’tiādinā (a. ni. 3.70), ‘‘mūḷho kho, brāhmaṇa, mohena abhibhūto pariyādinnacitto attabyābādhāyapi cetetī’’tiādinā(a. ni. 3.55), ‘‘attatthampi yathābhūtaṃ na pajānātī’’tiādinā (a. ni. 3.55) ca āgatasuttapadānusārena veditabbā.
д̇аалабаггам̣ва б̣анд̇ханаад̇и д̇аалапалам̣ вияа усумуббаад̣̇зна ван̣дад̇о, д̇ад̇ияамаг̇г̇ан̃аан̣уббаад̣̇зна д̇асса жид̇д̇ад̇о д̣̇осо бахийяад̇и, барижжаж̇ийяад̇ийд̇и ад̇т̇о. мохам̣ виханд̇и со саб̣б̣анд̇и со арияабуг̇г̇ало саб̣б̣ам̣ анавасзсам̣ мохам̣ жад̇уд̇т̇амаг̇г̇зна виханд̇и вид̇хамад̇и самужчинд̣̇ад̇и. аад̣̇ижжовуд̣̇аяам̣ д̇аманд̇и аад̣̇ижжо вияа уд̣̇аяам̣ уг̇г̇ажчанд̇о д̇амам̣ анд̇хагаарам̣.
Tālapakkaṃvabandhanāti tālaphalaṃ viya usumuppādena vaṇṭato, tatiyamaggañāṇuppādena tassa cittato doso pahīyati, pariccajīyatīti attho. Mohaṃ vihanti so sabbanti so ariyapuggalo sabbaṃ anavasesaṃ mohaṃ catutthamaggena vihanti vidhamati samucchindati. Ādiccovudayaṃ tamanti ādicco viya udayaṃ uggacchanto tamaṃ andhakāraṃ.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 9. анд̇араамаласуд̇д̇ам̣ • 9. Antarāmalasuttaṃ
