| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๑๓. อนฺตราเย อนาปตฺติวสฺสเจฺฉทกถา
113. Antarāye anāpattivassacchedakathā
๒๐๑. อวิทูเรติ อาสเนฺนฯ ตตฺถาติ คาเมฯ สตฺตาหวาเรนาติ สตฺตาเห เอกวาเรนฯ อรุโณ อุฎฺฐาเปตโพฺพติ วิหาเร อรุโณ อุฎฺฐาเปตโพฺพฯ ตเตฺรวาติ คาเมเยวฯ มยนฺติ ภิกฺขู สนฺธาย วุตฺตํฯ ปุน มยนฺติ มนุเสฺส สนฺธาย วุตฺตํฯ เตสํเยวาติ วสฺสเจฺฉทภิกฺขูนํ เอวฯ ตนฺติ สลากภตฺตาทิํฯ วสฺสเคฺคนาติ วสฺสคณนายฯ
201.Avidūreti āsanne. Tatthāti gāme. Sattāhavārenāti sattāhe ekavārena. Aruṇo uṭṭhāpetabboti vihāre aruṇo uṭṭhāpetabbo. Tatrevāti gāmeyeva. Mayanti bhikkhū sandhāya vuttaṃ. Puna mayanti manusse sandhāya vuttaṃ. Tesaṃyevāti vassacchedabhikkhūnaṃ eva. Tanti salākabhattādiṃ. Vassaggenāti vassagaṇanāya.
วสฺสาวาสิกนฺติ วสฺสาวาสานํ ทาตพฺพํ จีวรํฯ ตตฺถาติ ตสฺมิํ วิหาเรฯ เยสํ ปาปิตนฺติ สมฺพโนฺธฯ วิหาเรติ วุฎฺฐิตคามวิหาเรฯ อุปนิกฺขิตฺตกํ ภณฺฑนฺติ สมฺพโนฺธฯ อิธาติ ภิกฺขุโน นิวาสฎฺฐาเนฯ ยํ จีวราทิเวภงฺคิยภณฺฑํ อตฺถิ, ตนฺติ โยชนาฯ ตเตฺถวาติ วุฎฺฐิตคามวิหาเร เอวฯ อิโตติ เขตฺตวตฺถุอาทิโตฯ กปฺปิยการกานํ หเตฺถติ สมฺพโนฺธฯ ตตฺรุปฺปาเทปีติ ตสฺส วิหารสฺส ทินฺนเขตฺตวตฺถุอาทิโต อุปฺปาเท ปจฺจเยปิฯ ‘‘ตเตฺถว คนฺตฺวา อปโลเกตฺวา ภาเชตพฺพ’’นฺติ วจนสฺส ยุตฺติํ ทเสฺสโนฺต อาห ‘‘สงฺฆิกญฺหี’’ติอาทิฯ อโนฺตวิหาเร วาติ อโนฺตสีมาย วาฯ อุภยตฺถาติ อโนฺตสีมพหิสีม สงฺขาเตสุ ทฺวีสุ ฐาเนสุ ฐิตํ เวภงฺคิยภณฺฑนฺติ สมฺพโนฺธฯ
Vassāvāsikanti vassāvāsānaṃ dātabbaṃ cīvaraṃ. Tatthāti tasmiṃ vihāre. Yesaṃ pāpitanti sambandho. Vihāreti vuṭṭhitagāmavihāre. Upanikkhittakaṃ bhaṇḍanti sambandho. Idhāti bhikkhuno nivāsaṭṭhāne. Yaṃ cīvarādivebhaṅgiyabhaṇḍaṃ atthi, tanti yojanā. Tatthevāti vuṭṭhitagāmavihāre eva. Itoti khettavatthuādito. Kappiyakārakānaṃ hattheti sambandho. Tatruppādepīti tassa vihārassa dinnakhettavatthuādito uppāde paccayepi. ‘‘Tattheva gantvā apaloketvā bhājetabba’’nti vacanassa yuttiṃ dassento āha ‘‘saṅghikañhī’’tiādi. Antovihāre vāti antosīmāya vā. Ubhayatthāti antosīmabahisīma saṅkhātesu dvīsu ṭhānesu ṭhitaṃ vebhaṅgiyabhaṇḍanti sambandho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๑๓. อนฺตราเย อนาปตฺติวสฺสเจฺฉทวาโร • 113. Antarāye anāpattivassacchedavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อนฺตราเยอนาปตฺติวสฺสเจฺฉทกถา • Antarāyeanāpattivassacchedakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อนฺตราเย อนาปตฺติวสฺสเจฺฉทกถาวณฺณนา • Antarāye anāpattivassacchedakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อนฺตราเยอนาปตฺติวสฺสเจฺฉทกถาวณฺณนา • Antarāyeanāpattivassacchedakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อนฺตราเยอนาปตฺติวสฺสเจฺฉทกถาวณฺณนา • Antarāyeanāpattivassacchedakathāvaṇṇanā
