| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
113. අන්‌තරායෙ අනාපත්‌තිවස්‌සච්‌ඡෙදකථා
113. Antarāye anāpattivassacchedakathā
201. අවිදූරෙති ආසන්‌නෙ. තත්‌ථාති ගාමෙ. සත්‌තාහවාරෙනාති සත්‌තාහෙ එකවාරෙන. අරුණො උට්‌ඨාපෙතබ්‌බොති විහාරෙ අරුණො උට්‌ඨාපෙතබ්‌බො. තත්‍රෙවාති ගාමෙයෙව. මයන්‌ති භික්‌ඛූ සන්‌ධාය වුත්‌තං. පුන මයන්‌ති මනුස්‌සෙ සන්‌ධාය වුත්‌තං. තෙසංයෙවාති වස්‌සච්‌ඡෙදභික්‌ඛූනං එව. තන්‌ති සලාකභත්‌තාදිං. වස්‌සග්‌ගෙනාති වස්‌සගණනාය.
201.Avidūreti āsanne. Tatthāti gāme. Sattāhavārenāti sattāhe ekavārena. Aruṇo uṭṭhāpetabboti vihāre aruṇo uṭṭhāpetabbo. Tatrevāti gāmeyeva. Mayanti bhikkhū sandhāya vuttaṃ. Puna mayanti manusse sandhāya vuttaṃ. Tesaṃyevāti vassacchedabhikkhūnaṃ eva. Tanti salākabhattādiṃ. Vassaggenāti vassagaṇanāya.
වස්‌සාවාසිකන්‌ති වස්‌සාවාසානං දාතබ්‌බං චීවරං. තත්‌ථාති තස්‌මිං විහාරෙ. යෙසං පාපිතන්‌ති සම්‌බන්‌ධො. විහාරෙති වුට්‌ඨිතගාමවිහාරෙ. උපනික්‌ඛිත්‌තකං භණ්‌ඩන්‌ති සම්‌බන්‌ධො. ඉධාති භික්‌ඛුනො නිවාසට්‌ඨානෙ. යං චීවරාදිවෙභඞ්‌ගියභණ්‌ඩං අත්‌ථි, තන්‌ති යොජනා. තත්‌ථෙවාති වුට්‌ඨිතගාමවිහාරෙ එව. ඉතොති ඛෙත්‌තවත්‌ථුආදිතො. කප්‌පියකාරකානං හත්‌ථෙති සම්‌බන්‌ධො. තත්‍රුප්‌පාදෙපීති තස්‌ස විහාරස්‌ස දින්‌නඛෙත්‌තවත්‌ථුආදිතො උප්‌පාදෙ පච්‌චයෙපි. ‘‘තත්‌ථෙව ගන්‌ත්‌වා අපලොකෙත්‌වා භාජෙතබ්‌බ’’න්‌ති වචනස්‌ස යුත්‌තිං දස්‌සෙන්‌තො ආහ ‘‘සඞ්‌ඝිකඤ්‌හී’’තිආදි. අන්‌තොවිහාරෙ වාති අන්‌තොසීමාය වා. උභයත්‌ථාති අන්‌තොසීමබහිසීම සඞ්‌ඛාතෙසු ද්‌වීසු ඨානෙසු ඨිතං වෙභඞ්‌ගියභණ්‌ඩන්‌ති සම්‌බන්‌ධො.
Vassāvāsikanti vassāvāsānaṃ dātabbaṃ cīvaraṃ. Tatthāti tasmiṃ vihāre. Yesaṃ pāpitanti sambandho. Vihāreti vuṭṭhitagāmavihāre. Upanikkhittakaṃ bhaṇḍanti sambandho. Idhāti bhikkhuno nivāsaṭṭhāne. Yaṃ cīvarādivebhaṅgiyabhaṇḍaṃ atthi, tanti yojanā. Tatthevāti vuṭṭhitagāmavihāre eva. Itoti khettavatthuādito. Kappiyakārakānaṃ hattheti sambandho. Tatruppādepīti tassa vihārassa dinnakhettavatthuādito uppāde paccayepi. ‘‘Tattheva gantvā apaloketvā bhājetabba’’nti vacanassa yuttiṃ dassento āha ‘‘saṅghikañhī’’tiādi. Antovihāre vāti antosīmāya vā. Ubhayatthāti antosīmabahisīma saṅkhātesu dvīsu ṭhānesu ṭhitaṃ vebhaṅgiyabhaṇḍanti sambandho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 113. අන්‌තරායෙ අනාපත්‌තිවස්‌සච්‌ඡෙදවාරො • 113. Antarāye anāpattivassacchedavāro
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අන්‌තරායෙඅනාපත්‌තිවස්‌සච්‌ඡෙදකථා • Antarāyeanāpattivassacchedakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අන්‌තරායෙ අනාපත්‌තිවස්‌සච්‌ඡෙදකථාවණ්‌ණනා • Antarāye anāpattivassacchedakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අන්‌තරායෙඅනාපත්‌තිවස්‌සච්‌ඡෙදකථාවණ්‌ණනා • Antarāyeanāpattivassacchedakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අන්‌තරායෙඅනාපත්‌තිවස්‌සච්‌ඡෙදකථාවණ්‌ණනා • Antarāyeanāpattivassacchedakathāvaṇṇanā
