| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
অন্তরাযেঅনাপত্তিৰস্সচ্ছেদকথাৰণ্ণনা
Antarāyeanāpattivassacchedakathāvaṇṇanā
২০১. ‘‘সচে দূরং গতো হোতি, সত্তাহৰারেন অরুণো উট্ঠাপেতব্বো’’তি ৰচনতো ‘যস্মিং অন্তরাযে সতি ৰস্সচ্ছেদং কাতুং ৰট্টতি, তস্মিং অন্তরাযেৰ ৰস্সচ্ছেদমকত্ৰা সত্তাহকরণীযেন ৰীতিনামেতুং ৰট্টতীতি দীপিতন্তি অপরে’’তি ৰুত্তং। ৰিনযধরা পন ন ইচ্ছন্তি, তস্মা ‘‘সত্তাহৰারেন অরুণো উট্ঠাপেতব্বো’’তি ইদং তত্রুপ্পাদাদিনিমিত্তং ৰুত্তন্তি ৰেদিতব্বং। তং সন্ধায ‘‘আচরিযা পন এৰং ন ৰদন্তী’’তি ৰুত্তং। গাৰুং ৰাতি বলিবদ্ধং ৰা। বহিসীমায ঠিতানন্তি তেহি খণ্ডসীমায ঠিতেহিপীতি উপতিস্সত্থেরো। ৰস্সচ্ছেদে অস্স ৰস্সচ্ছেদস্স। ৰিহারা অঞ্ঞত্থ ৰুট্ঠাপেন্তেহি তত্থেৰ সন্নিপতিত্ৰা ‘‘ইমিনা চ ইমিনা চ কারণেন ইমস্মিং নাম পদেসে ইমং ৰিহারং নেত্ৰা ৰুট্ঠাপেমা’’তি অনুস্সাৰেত্ৰাৰ কাতব্বন্তি।
201. ‘‘Sace dūraṃ gato hoti, sattāhavārena aruṇo uṭṭhāpetabbo’’ti vacanato ‘yasmiṃ antarāye sati vassacchedaṃ kātuṃ vaṭṭati, tasmiṃ antarāyeva vassacchedamakatvā sattāhakaraṇīyena vītināmetuṃ vaṭṭatīti dīpitanti apare’’ti vuttaṃ. Vinayadharā pana na icchanti, tasmā ‘‘sattāhavārena aruṇo uṭṭhāpetabbo’’ti idaṃ tatruppādādinimittaṃ vuttanti veditabbaṃ. Taṃ sandhāya ‘‘ācariyā pana evaṃ na vadantī’’ti vuttaṃ. Gāvuṃvāti balibaddhaṃ vā. Bahisīmāya ṭhitānanti tehi khaṇḍasīmāya ṭhitehipīti upatissatthero. Vassacchede assa vassacchedassa. Vihārā aññattha vuṭṭhāpentehi tattheva sannipatitvā ‘‘iminā ca iminā ca kāraṇena imasmiṃ nāma padese imaṃ vihāraṃ netvā vuṭṭhāpemā’’ti anussāvetvāva kātabbanti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১১৩. অন্তরাযে অনাপত্তিৰস্সচ্ছেদৰারো • 113. Antarāye anāpattivassacchedavāro
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অন্তরাযেঅনাপত্তিৰস্সচ্ছেদকথা • Antarāyeanāpattivassacchedakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অন্তরাযে অনাপত্তিৰস্সচ্ছেদকথাৰণ্ণনা • Antarāye anāpattivassacchedakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অন্তরাযেঅনাপত্তিৰস্সচ্ছেদকথাৰণ্ণনা • Antarāyeanāpattivassacchedakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১১৩. অন্তরাযে অনাপত্তিৰস্সচ্ছেদকথা • 113. Antarāye anāpattivassacchedakathā
