| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
анд̇арааязанаабад̇д̇ивассажчзд̣̇агат̇ааван̣н̣анаа
Antarāyeanāpattivassacchedakathāvaṇṇanā
201. ‘‘сажз д̣̇уурам̣ г̇ад̇о ход̇и, сад̇д̇аахаваарзна арун̣о удтаабзд̇аб̣б̣о’’д̇и важанад̇о ‘яасмим̣ анд̇арааяз сад̇и вассажчзд̣̇ам̣ гаад̇ум̣ ваддад̇и, д̇асмим̣ анд̇арааязва вассажчзд̣̇амагад̇ваа сад̇д̇аахагаран̣ийязна вийд̇инаамзд̇ум̣ ваддад̇ийд̇и д̣̇ийбид̇анд̇и абарз’’д̇и вуд̇д̇ам̣. винаяад̇хараа бана на ижчанд̇и, д̇асмаа ‘‘сад̇д̇аахаваарзна арун̣о удтаабзд̇аб̣б̣о’’д̇и ид̣̇ам̣ д̇ад̇руббаад̣̇аад̣̇инимид̇д̇ам̣ вуд̇д̇анд̇и взд̣̇ид̇аб̣б̣ам̣. д̇ам̣ санд̇хааяа ‘‘аажарияаа бана звам̣ на вад̣̇анд̇ий’’д̇и вуд̇д̇ам̣. г̇аавум̣ ваад̇и б̣алиб̣ад̣̇д̇хам̣ ваа. б̣ахисиймааяа тид̇аананд̇и д̇зхи кан̣д̣асиймааяа тид̇зхибийд̇и убад̇иссад̇т̇зро. вассажчзд̣̇з асса вассажчзд̣̇асса. вихаараа ан̃н̃ад̇т̇а вудтаабзнд̇зхи д̇ад̇т̇зва саннибад̇ид̇ваа ‘‘иминаа жа иминаа жа гааран̣зна имасмим̣ наама бад̣̇зсз имам̣ вихаарам̣ нзд̇ваа вудтаабзмаа’’д̇и ануссаавзд̇ваава гаад̇аб̣б̣анд̇и.
201. ‘‘Sace dūraṃ gato hoti, sattāhavārena aruṇo uṭṭhāpetabbo’’ti vacanato ‘yasmiṃ antarāye sati vassacchedaṃ kātuṃ vaṭṭati, tasmiṃ antarāyeva vassacchedamakatvā sattāhakaraṇīyena vītināmetuṃ vaṭṭatīti dīpitanti apare’’ti vuttaṃ. Vinayadharā pana na icchanti, tasmā ‘‘sattāhavārena aruṇo uṭṭhāpetabbo’’ti idaṃ tatruppādādinimittaṃ vuttanti veditabbaṃ. Taṃ sandhāya ‘‘ācariyā pana evaṃ na vadantī’’ti vuttaṃ. Gāvuṃvāti balibaddhaṃ vā. Bahisīmāya ṭhitānanti tehi khaṇḍasīmāya ṭhitehipīti upatissatthero. Vassacchede assa vassacchedassa. Vihārā aññattha vuṭṭhāpentehi tattheva sannipatitvā ‘‘iminā ca iminā ca kāraṇena imasmiṃ nāma padese imaṃ vihāraṃ netvā vuṭṭhāpemā’’ti anussāvetvāva kātabbanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 113. анд̇арааяз анаабад̇д̇ивассажчзд̣̇авааро • 113. Antarāye anāpattivassacchedavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анд̇арааязанаабад̇д̇ивассажчзд̣̇агат̇аа • Antarāyeanāpattivassacchedakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анд̇арааяз анаабад̇д̇ивассажчзд̣̇агат̇ааван̣н̣анаа • Antarāye anāpattivassacchedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анд̇арааязанаабад̇д̇ивассажчзд̣̇агат̇ааван̣н̣анаа • Antarāyeanāpattivassacchedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 113. анд̇арааяз анаабад̇д̇ивассажчзд̣̇агат̇аа • 113. Antarāye anāpattivassacchedakathā
