| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
анд̇арааязанаабад̇д̇ивассажчзд̣̇агат̇ааван̣н̣анаа
Antarāyeanāpattivassacchedakathāvaṇṇanā
200. баал̣ияам̣ г̇ан̣хим̣сууд̇и г̇ахзд̇ваа каад̣̇им̣су. барибаад̇им̣сууд̇и балаабзсум̣, ануб̣анд̇хим̣сууд̇и ад̇т̇о.
200. Pāḷiyaṃ gaṇhiṃsūti gahetvā khādiṃsu. Paripātiṃsūti palāpesuṃ, anubandhiṃsūti attho.
201. сад̇д̇аахаваарзна арун̣о удтаабзд̇аб̣б̣од̇и зд̇т̇а чад̣̇ивасаани б̣ахид̣̇д̇хаа вийд̇инаамзд̇ваа сад̇д̇амз д̣̇ивасз бураарун̣аа зва анд̇оубажаарасиймааяа бависид̇ваа арун̣ам̣ удтаабзд̇ваа бунад̣̇ивасз сад̇д̇аахам̣ ад̇хидтааяа г̇анд̇аб̣б̣анд̇и ад̇хиббааяо. гзжи бана ‘‘сад̇д̇амз д̣̇ивасз ааг̇анд̇ваа арун̣ам̣ анудтаабзд̇ваа д̇ад̣̇ахзва д̣̇ивасабхааг̇зби г̇анд̇ум̣ ваддад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣ ‘‘арун̣о удтаабзд̇аб̣б̣о’’д̇и вуд̇д̇ад̇д̇аа. сад̇д̇амз д̣̇ивасз д̇ад̇т̇а арун̣удтаабанамзва хи санд̇хааяа баал̣ияамби ‘‘сад̇д̇аахам̣ саннивад̇д̇о гаад̇аб̣б̣о’’д̇и вуд̇д̇ам̣. арун̣ам̣ анудтаабзд̇ваа г̇ажчанд̇о анд̇о аббависид̇ваа б̣ахид̣̇д̇хаава сад̇д̇аахам̣ вийд̇инаамзнд̇зна самужчиннавассо зва бхависсад̇и арун̣асса б̣ахи зва удтаабид̇ад̇д̇аа. ид̇арат̇аа ‘‘арун̣о удтаабзд̇аб̣б̣о’’д̇и важанам̣ нирад̇т̇агам̣ сияаа ‘‘сад̇д̇аахаваарзна анд̇овихаарз бависид̇ваа арун̣ам̣ анудтаабзд̇вааби г̇анд̇аб̣б̣а’’нд̇и вад̇д̇аб̣б̣ад̇о. ан̃н̃зсу жа таанзсу арун̣удтаабанамзва вужжад̇и. вагкад̇и хи жийварагканд̇хагз ‘‘згасмим̣ вихаарз васанд̇о ид̇арасмим̣ сад̇д̇аахаваарзна арун̣амзва удтаабзд̇ий’’д̇и (махаава. адта. 364).
201.Sattāhavārena aruṇo uṭṭhāpetabboti ettha chadivasāni bahiddhā vītināmetvā sattame divase purāruṇā eva antoupacārasīmāya pavisitvā aruṇaṃ uṭṭhāpetvā punadivase sattāhaṃ adhiṭṭhāya gantabbanti adhippāyo. Keci pana ‘‘sattame divase āgantvā aruṇaṃ anuṭṭhāpetvā tadaheva divasabhāgepi gantuṃ vaṭṭatī’’ti vadanti, taṃ na gahetabbaṃ ‘‘aruṇo uṭṭhāpetabbo’’ti vuttattā. Sattame divase tattha aruṇuṭṭhāpanameva hi sandhāya pāḷiyampi ‘‘sattāhaṃ sannivatto kātabbo’’ti vuttaṃ. Aruṇaṃ anuṭṭhāpetvā gacchanto anto appavisitvā bahiddhāva sattāhaṃ vītināmentena samucchinnavasso eva bhavissati aruṇassa bahi eva uṭṭhāpitattā. Itarathā ‘‘aruṇo uṭṭhāpetabbo’’ti vacanaṃ niratthakaṃ siyā ‘‘sattāhavārena antovihāre pavisitvā aruṇaṃ anuṭṭhāpetvāpi gantabba’’nti vattabbato. Aññesu ca ṭhānesu aruṇuṭṭhāpanameva vuccati. Vakkhati hi cīvarakkhandhake ‘‘ekasmiṃ vihāre vasanto itarasmiṃ sattāhavārena aruṇameva uṭṭhāpetī’’ti (mahāva. aṭṭha. 364).
ат̇ааби яам̣ д̇з вад̣̇зяяум̣ ‘‘сад̇д̇амз д̣̇ивасз яад̣̇аа гад̣̇аажи бавидтзна д̇ам̣д̣̇ивасаниссид̇о ад̇ийд̇аарун̣о удтаабид̇о наама ход̇ийд̇и имамад̇т̇ам̣ санд̇хааяа адтагат̇ааяам̣ вуд̇д̇а’’нд̇и, д̇ам̣ сад̣̇д̣̇аг̇ад̇ияааби на самзд̇и. на хи удтид̇з арун̣з бажчаа бавидто д̇асса баяож̇аго удтаабаго бхавид̇умарахад̇и. яад̣̇и бхавзяяа, вассам̣ убаг̇анд̇ваа банасса арун̣ам̣ анудтаабзд̇ваа д̇ад̣̇ахзва сад̇д̇аахагаран̣ийязна багганд̇ассаабийд̇и зд̇т̇а ‘‘арун̣ам̣ анудтаабзд̇ваа’’д̇и важанам̣ вируж̇жхзяяа, д̇знаби д̇ам̣д̣̇ивасасанниссид̇асса арун̣асса удтаабид̇ад̇д̇аа. ааран̃н̃агассааби хи бхигкуно сааяанхасамаяз ан̇г̇аяуд̇д̇ам̣ аран̃н̃адтаанам̣ г̇анд̇ваа д̇ад̣̇аа зва нивад̇д̇анд̇асса арун̣о удтаабид̇о д̇худ̇ан̇г̇ан̃жа висод̇хид̇ам̣ сияаа, на жзд̇ам̣ яуд̇д̇ам̣ арун̣уг̇г̇аманагаалз зва арун̣удтаабанасса вуд̇д̇ад̇д̇аа. вуд̇д̇ан̃хи ‘‘гаалассзва бана нигкамид̇ваа ан̇г̇аяуд̇д̇з таанз арун̣ам̣ удтаабзд̇аб̣б̣ам̣. сажз арун̣удтаанавзлааяам̣ д̇зсам̣ ааб̣аад̇хо вад̣дхад̇и, д̇зсам̣ зва гижжам̣ гаад̇аб̣б̣ам̣, на д̇худ̇ан̇г̇ависуд̣̇д̇хигзна бхавид̇аб̣б̣а’’нд̇и (висуд̣̇д̇хи. 1.31). д̇ат̇аа баариваасигаад̣̇ийнамби арун̣ам̣ анудтаабзд̇ваа вад̇д̇ам̣ нигкибанд̇аанам̣ рад̇д̇ижчзд̣̇о вуд̇д̇о. ‘‘уг̇г̇ад̇з арун̣з нигкибид̇аб̣б̣а’’нд̇и (жуул̣ава. 97) хи вуд̇д̇ам̣. сахасзяяасигкаабад̣̇зби анубасамбаннзхи саха нивуд̇т̇абхаавабариможанад̇т̇ам̣ ‘‘бураарун̣аа нигкамид̇ваа’’д̇иаад̣̇и вуд̇д̇ам̣. звам̣ жийваравиббаваасаад̣̇ийсу жа саб̣б̣ад̇т̇а рад̇д̇ибарияосаанз ааг̇аамиарун̣авасзнзва арун̣удтаабанам̣ д̣̇ассид̇ам̣, на ад̇ийд̇аарун̣авасзна. д̇асмаа вуд̇д̇анаязнзвзд̇т̇а арун̣удтаабанам̣ взд̣̇ид̇аб̣б̣ам̣ ан̃н̃ат̇аа вассажчзд̣̇ад̇д̇аа.
Athāpi yaṃ te vadeyyuṃ ‘‘sattame divase yadā kadāci paviṭṭhena taṃdivasanissito atītaaruṇo uṭṭhāpito nāma hotīti imamatthaṃ sandhāya aṭṭhakathāyaṃ vutta’’nti, taṃ saddagatiyāpi na sameti. Na hi uṭṭhite aruṇe pacchā paviṭṭho tassa payojako uṭṭhāpako bhavitumarahati. Yadi bhaveyya, vassaṃ upagantvā panassa aruṇaṃ anuṭṭhāpetvā tadaheva sattāhakaraṇīyena pakkantassāpīti ettha ‘‘aruṇaṃ anuṭṭhāpetvā’’ti vacanaṃ virujjheyya, tenapi taṃdivasasannissitassa aruṇassa uṭṭhāpitattā. Āraññakassāpi hi bhikkhuno sāyanhasamaye aṅgayuttaṃ araññaṭṭhānaṃ gantvā tadā eva nivattantassa aruṇo uṭṭhāpito dhutaṅgañca visodhitaṃ siyā, na cetaṃ yuttaṃ aruṇuggamanakāle eva aruṇuṭṭhāpanassa vuttattā. Vuttañhi ‘‘kālasseva pana nikkhamitvā aṅgayutte ṭhāne aruṇaṃ uṭṭhāpetabbaṃ. Sace aruṇuṭṭhānavelāyaṃ tesaṃ ābādho vaḍḍhati, tesaṃ eva kiccaṃ kātabbaṃ, na dhutaṅgavisuddhikena bhavitabba’’nti (visuddhi. 1.31). Tathā pārivāsikādīnampi aruṇaṃ anuṭṭhāpetvā vattaṃ nikkhipantānaṃ ratticchedo vutto. ‘‘Uggate aruṇe nikkhipitabba’’nti (cūḷava. 97) hi vuttaṃ. Sahaseyyasikkhāpadepi anupasampannehi saha nivutthabhāvaparimocanatthaṃ ‘‘purāruṇā nikkhamitvā’’tiādi vuttaṃ. Evaṃ cīvaravippavāsādīsu ca sabbattha rattipariyosāne āgāmiaruṇavaseneva aruṇuṭṭhāpanaṃ dassitaṃ, na atītāruṇavasena. Tasmā vuttanayenevettha aruṇuṭṭhāpanaṃ veditabbaṃ aññathā vassacchedattā.
яам̣ бана вассам̣ убаг̇ад̇асса д̇ад̣̇ахзва арун̣ам̣ анудтаабзд̇ваа сагаран̣ийяасса баггаманаважанам̣, д̇ам̣ вассам̣ убаг̇ад̇агаалад̇о бадтааяа яад̣̇аа гад̣̇аажи нимид̇д̇з сад̇и г̇аманасса анун̃н̃аад̇ад̇д̇аа яуд̇д̇ам̣, на бана сад̇д̇аахаваарзна г̇ад̇асса арун̣ам̣ анудтаабзд̇ваа д̇ад̣̇ахзва г̇аманам̣ ‘‘арун̣о удтаабзд̇аб̣б̣о’’д̇и вуд̇д̇ад̇д̇аа зва. яат̇аа ваа ‘‘сад̇д̇аахам̣ анааг̇ад̇ааяа бавааран̣ааяа сагаран̣ийяо баггамад̇и, ааг̇ажчзяяа ваа со, бхигкавз, бхигку д̇ам̣ ааваасам̣, на ваа ааг̇ажчзяяаа’’д̇иаад̣̇инаа (махаава. 207) бажчимасад̇д̇аахз анааг̇аманз анун̃н̃аад̇зби ан̃н̃асад̇д̇аахзсу на ваддад̇и. звам̣ батамасад̇д̇аахз арун̣ам̣ анудтаабзд̇ваа г̇аманз анун̃н̃аад̇зби д̇ад̇о барзсу сад̇д̇аахзсу ааг̇ад̇асса арун̣ам̣ анудтаабзд̇ваа г̇аманам̣ на ваддад̇ийд̇и нидтамзд̇т̇а г̇анд̇аб̣б̣ам̣. ид̇ха аахаданд̇и вихаарад̇о б̣ахи ааг̇ад̇адтаанз аанийд̇ам̣.
Yaṃ pana vassaṃ upagatassa tadaheva aruṇaṃ anuṭṭhāpetvā sakaraṇīyassa pakkamanavacanaṃ, taṃ vassaṃ upagatakālato paṭṭhāya yadā kadāci nimitte sati gamanassa anuññātattā yuttaṃ, na pana sattāhavārena gatassa aruṇaṃ anuṭṭhāpetvā tadaheva gamanaṃ ‘‘aruṇo uṭṭhāpetabbo’’ti vuttattā eva. Yathā vā ‘‘sattāhaṃ anāgatāya pavāraṇāya sakaraṇīyo pakkamati, āgaccheyya vā so, bhikkhave, bhikkhu taṃ āvāsaṃ, na vā āgaccheyyā’’tiādinā (mahāva. 207) pacchimasattāhe anāgamane anuññātepi aññasattāhesu na vaṭṭati. Evaṃ paṭhamasattāhe aruṇaṃ anuṭṭhāpetvā gamane anuññātepi tato paresu sattāhesu āgatassa aruṇaṃ anuṭṭhāpetvā gamanaṃ na vaṭṭatīti niṭṭhamettha gantabbaṃ. Idha āhaṭanti vihārato bahi āgataṭṭhāne ānītaṃ.
анд̇арааязанаабад̇д̇ивассажчзд̣̇агат̇ааван̣н̣анаа нидтид̇аа.
Antarāyeanāpattivassacchedakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 113. анд̇арааяз анаабад̇д̇ивассажчзд̣̇авааро • 113. Antarāye anāpattivassacchedavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анд̇арааязанаабад̇д̇ивассажчзд̣̇агат̇аа • Antarāyeanāpattivassacchedakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анд̇арааяз анаабад̇д̇ивассажчзд̣̇агат̇ааван̣н̣анаа • Antarāye anāpattivassacchedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анд̇арааязанаабад̇д̇ивассажчзд̣̇агат̇ааван̣н̣анаа • Antarāyeanāpattivassacchedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 113. анд̇арааяз анаабад̇д̇ивассажчзд̣̇агат̇аа • 113. Antarāye anāpattivassacchedakathā
