| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
อนฺตราเยอนาปตฺติวสฺสเจฺฉทกถาวณฺณนา
Antarāyeanāpattivassacchedakathāvaṇṇanā
๒๐๑. ‘‘สเจ ทูรํ คโต โหติ, สตฺตาหวาเรน อรุโณ อุฎฺฐาเปตโพฺพ’’ติ วจนโต ‘ยสฺมิํ อนฺตราเย สติ วสฺสเจฺฉทํ กาตุํ วฎฺฎติ, ตสฺมิํ อนฺตราเยว วสฺสเจฺฉทมกตฺวา สตฺตาหกรณีเยน วีตินาเมตุํ วฎฺฎตีติ ทีปิตนฺติ อปเร’’ติ วุตฺตํฯ วินยธรา ปน น อิจฺฉนฺติ, ตสฺมา ‘‘สตฺตาหวาเรน อรุโณ อุฎฺฐาเปตโพฺพ’’ติ อิทํ ตตฺรุปฺปาทาทินิมิตฺตํ วุตฺตนฺติ เวทิตพฺพํฯ ตํ สนฺธาย ‘‘อาจริยา ปน เอวํ น วทนฺตี’’ติ วุตฺตํฯ คาวุํ วาติ พลิพทฺธํ วาฯ พหิสีมาย ฐิตานนฺติ เตหิ ขณฺฑสีมาย ฐิเตหิปีติ อุปติสฺสเตฺถโรฯ วสฺสเจฺฉเท อสฺส วสฺสเจฺฉทสฺสฯ วิหารา อญฺญตฺถ วุฎฺฐาเปเนฺตหิ ตเตฺถว สนฺนิปติตฺวา ‘‘อิมินา จ อิมินา จ การเณน อิมสฺมิํ นาม ปเทเส อิมํ วิหารํ เนตฺวา วุฎฺฐาเปมา’’ติ อนุสฺสาเวตฺวาว กาตพฺพนฺติฯ
201. ‘‘Sace dūraṃ gato hoti, sattāhavārena aruṇo uṭṭhāpetabbo’’ti vacanato ‘yasmiṃ antarāye sati vassacchedaṃ kātuṃ vaṭṭati, tasmiṃ antarāyeva vassacchedamakatvā sattāhakaraṇīyena vītināmetuṃ vaṭṭatīti dīpitanti apare’’ti vuttaṃ. Vinayadharā pana na icchanti, tasmā ‘‘sattāhavārena aruṇo uṭṭhāpetabbo’’ti idaṃ tatruppādādinimittaṃ vuttanti veditabbaṃ. Taṃ sandhāya ‘‘ācariyā pana evaṃ na vadantī’’ti vuttaṃ. Gāvuṃvāti balibaddhaṃ vā. Bahisīmāya ṭhitānanti tehi khaṇḍasīmāya ṭhitehipīti upatissatthero. Vassacchede assa vassacchedassa. Vihārā aññattha vuṭṭhāpentehi tattheva sannipatitvā ‘‘iminā ca iminā ca kāraṇena imasmiṃ nāma padese imaṃ vihāraṃ netvā vuṭṭhāpemā’’ti anussāvetvāva kātabbanti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๑๓. อนฺตราเย อนาปตฺติวสฺสเจฺฉทวาโร • 113. Antarāye anāpattivassacchedavāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อนฺตราเยอนาปตฺติวสฺสเจฺฉทกถา • Antarāyeanāpattivassacchedakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อนฺตราเย อนาปตฺติวสฺสเจฺฉทกถาวณฺณนา • Antarāye anāpattivassacchedakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อนฺตราเยอนาปตฺติวสฺสเจฺฉทกถาวณฺณนา • Antarāyeanāpattivassacchedakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๑๓. อนฺตราเย อนาปตฺติวสฺสเจฺฉทกถา • 113. Antarāye anāpattivassacchedakathā
