| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. анд̇аваг̇г̇о
11. Antavaggo
1. анд̇асуд̇д̇ам̣
1. Antasuttaṃ
103. саавад̇т̇инид̣̇аанам̣ . ‘‘жад̇д̇ааромз, бхигкавз, анд̇аа. гад̇амз жад̇д̇ааро? саггааяанд̇о , саггааяасамуд̣̇аяанд̇о, саггааяанирод̇ханд̇о, саггааяанирод̇хаг̇ааминиббадибад̣̇анд̇о. гад̇амо жа, бхигкавз, саггааяанд̇о? бан̃жубаад̣̇аанагканд̇хаад̇исса важанийяам̣. гад̇амз бан̃жа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо – аяам̣ вужжад̇и, бхигкавз, саггааяанд̇о’’.
103. Sāvatthinidānaṃ . ‘‘Cattārome, bhikkhave, antā. Katame cattāro? Sakkāyanto , sakkāyasamudayanto, sakkāyanirodhanto, sakkāyanirodhagāminippaṭipadanto. Katamo ca, bhikkhave, sakkāyanto? Pañcupādānakkhandhātissa vacanīyaṃ. Katame pañca? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho – ayaṃ vuccati, bhikkhave, sakkāyanto’’.
‘‘гад̇амо жа, бхигкавз, саггааяасамуд̣̇аяанд̇о? яааяам̣ д̇ан̣хаа бонобхавигаа нанд̣̇ирааг̇асахаг̇ад̇аа д̇ад̇рад̇ад̇раабхинанд̣̇иний, сзяяат̇ид̣̇ам̣ – гаамад̇ан̣хаа, бхавад̇ан̣хаа, вибхавад̇ан̣хаа. аяам̣ вужжад̇и, бхигкавз, саггааяасамуд̣̇аяанд̇о.
‘‘Katamo ca, bhikkhave, sakkāyasamudayanto? Yāyaṃ taṇhā ponobhavikā nandirāgasahagatā tatratatrābhinandinī, seyyathidaṃ – kāmataṇhā, bhavataṇhā, vibhavataṇhā. Ayaṃ vuccati, bhikkhave, sakkāyasamudayanto.
‘‘гад̇амо жа, бхигкавз, саггааяанирод̇ханд̇о? яо д̇ассааязва д̇ан̣хааяа асзсавирааг̇анирод̇хо жааг̇о бадиниссаг̇г̇о муд̇д̇и анаалаяо – аяам̣ вужжад̇и, бхигкавз, саггааяанирод̇ханд̇о.
‘‘Katamo ca, bhikkhave, sakkāyanirodhanto? Yo tassāyeva taṇhāya asesavirāganirodho cāgo paṭinissaggo mutti anālayo – ayaṃ vuccati, bhikkhave, sakkāyanirodhanto.
‘‘гад̇амо жа, бхигкавз, саггааяанирод̇хаг̇ааминиббадибад̣̇анд̇о? аяамзва арияо адтан̇г̇иго маг̇г̇о. сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи. аяам̣ вужжад̇и, бхигкавз, саггааяанирод̇хаг̇ааминиббадибад̣̇анд̇о . имз ко, бхигкавз, жад̇д̇ааро анд̇аа’’д̇и. батамам̣.
‘‘Katamo ca, bhikkhave, sakkāyanirodhagāminippaṭipadanto? Ayameva ariyo aṭṭhaṅgiko maggo. Seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Ayaṃ vuccati, bhikkhave, sakkāyanirodhagāminippaṭipadanto . Ime kho, bhikkhave, cattāro antā’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. анд̇асуд̇д̇аван̣н̣анаа • 1. Antasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. анд̇асуд̇д̇аван̣н̣анаа • 1. Antasuttavaṇṇanā
