| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੯. ਰਤਨવਗ੍ਗੋ
9. Ratanavaggo
੧. ਅਨ੍ਤੇਪੁਰਸਿਕ੍ਖਾਪਦ-ਅਤ੍ਥਯੋਜਨਾ
1. Antepurasikkhāpada-atthayojanā
੪੯੪. ਰਾਜવਗ੍ਗਸ੍ਸ ਪਠਮੇ ਪਰਿਤ੍ਤਕੋਤਿ ਗੁਣੇਨ ਖੁਦ੍ਦਕੋ। ਪਾਸਾਦવਰਸਦ੍ਦਸ੍ਸ ਉਪਰਿਸਦ੍ਦੇਨ ਸਮ੍ਬਨ੍ਧਿਤਬ੍ਬਭਾવਂ ਦਸ੍ਸੇਤੁਂ વੁਤ੍ਤਂ ‘‘ਪਾਸਾਦવਰਸ੍ਸ ਉਪਰਿ ਗਤੋ’’ਤਿ। ਇਮਿਨਾ ਪਾਸਾਦવਰਸ੍ਸ ਉਪਰਿ ਉਪਰਿਪਾਸਾਦવਰਂ, ਤਂ ਗਤੋ ਉਪਗਤੋਤਿ ਉਪਰਿਪਾਸਾਦવਰਗਤੋਤਿ વਚਨਤ੍ਥਂ ਦਸ੍ਸੇਤਿ। ਅਯ੍ਯਾਨਨ੍ਤਿ ਭਿਕ੍ਖੂਨਂ। ‘‘ਕਾਰਣਾ’’ਤਿ ਇਮਿਨਾ ‘‘વਾਹਸਾ’’ਤਿ ਪਦਸ੍ਸਤ੍ਥਂ ਦਸ੍ਸੇਤਿ। ਤੇਹੀਤਿ ਅਯ੍ਯੇਹਿ।
494. Rājavaggassa paṭhame parittakoti guṇena khuddako. Pāsādavarasaddassa uparisaddena sambandhitabbabhāvaṃ dassetuṃ vuttaṃ ‘‘pāsādavarassa upari gato’’ti. Iminā pāsādavarassa upari uparipāsādavaraṃ, taṃ gato upagatoti uparipāsādavaragatoti vacanatthaṃ dasseti. Ayyānanti bhikkhūnaṃ. ‘‘Kāraṇā’’ti iminā ‘‘vāhasā’’ti padassatthaṃ dasseti. Tehīti ayyehi.
੪੯੭. ਅਨ੍ਤਰਨ੍ਤਿ ਖਣਂ, ਓਕਾਸਂ વਾ વਿવਰਂ વਾ। ਘਾਤੇਤੁਨ੍ਤਿ ਹਨਿਤੁਂ। ਇਚ੍ਛਤੀਤਿ ਇਮਿਨਾ ਪਤ੍ਥਧਾਤੁਯਾ ਯਾਚਨਤ੍ਥਂ ਦਸ੍ਸੇਤਿ। ‘‘ਰਾਜਨ੍ਤੇਪੁਰਂ ਹਤ੍ਥਿਸਮ੍ਮਦ੍ਦ’’ਨ੍ਤਿਆਦੀਸੁ વਚਨਤ੍ਥੋ ਏવਂ વੇਦਿਤਬ੍ਬੋਤਿ ਯੋਜਨਾ। ਹਤ੍ਥਿਸਮ੍ਮਦ੍ਦਨ੍ਤਿ ਹਤ੍ਥਿਸਮ੍ਬਾਧਟ੍ਠਾਨਂ। ਅਸ੍ਸੇਹਿ ਸਮ੍ਮਦ੍ਦੋ ਏਤ੍ਥਾਤਿ ਅਸ੍ਸਸਮ੍ਮਦ੍ਦੋ। ਰਥੇਹਿ ਸਮ੍ਮਦ੍ਦੋ ਏਤ੍ਥਾਤਿ ਰਥਸਮ੍ਮਦ੍ਦੋਤਿ વਚਨਤ੍ਥਂ ਅਤਿਦਿਸਨ੍ਤੋ ਆਹ ‘‘ਏਸੇવ ਨਯੋ’’ਤਿ। ‘‘ਸਮ੍ਮਤ੍ਤ’’ਨ੍ਤਿ ਪਠਮਕ੍ਖਰੇਨ ਪਾਠਸ੍ਸ ਸਮ੍ਬਾਧਸ੍ਸ ਅવਾਚਕਤ੍ਤਾ વੁਤ੍ਤਂ ‘‘ਤਂ ਨ ਗਹੇਤਬ੍ਬ’’ਨ੍ਤਿ। ਤਤ੍ਥਾਤਿ ਪਾਠੇ। ‘‘ਹਤ੍ਥੀਨਂ ਸਮ੍ਮਦ੍ਦ’’ਨ੍ਤਿ ਇਮਿਨਾ ਉਤ੍ਤਰਪਦਸ੍ਸ ਸਮ੍ਮਦ੍ਦਨਂ ਸਮ੍ਮਦ੍ਦਨ੍ਤਿ ਭਾવਤ੍ਥਂ ਦਸ੍ਸੇਤਿ, ਪੁਰਿਮਪਦੇਨ ਛਟ੍ਠੀਸਮਾਸਞ੍ਚ। ਪੁਰਿਮਪਾਠੇ ਪਨ ਉਤ੍ਤਰਪਦਸ੍ਸ ਅਧਿਕਰਣਤ੍ਥਞ੍ਚ ਪੁਬ੍ਬਪਦੇਨ ਤਤਿਯਾਸਮਾਸਞ੍ਚ ਦਸ੍ਸੇਤਿ। ਬਾਹਿਰਤ੍ਥਸਮਾਸੋਤਿਪਿ વੁਚ੍ਚਤਿ। ਪਚ੍ਛਿਮਪਾਠੇ ‘‘ਹਤ੍ਥਿਸਮ੍ਮਦ੍ਦ’’ਨ੍ਤਿਆਦਿਪਦਸ੍ਸ ਲਿਙ੍ਗવਿਪਲ੍ਲਾਸਞ੍ਚ ‘‘ਅਤ੍ਥੀ’’ਤਿ ਪਾਠਸੇਸੇਨ ਯੋਜੇਤਬ੍ਬਤਞ੍ਚ ਦਸ੍ਸੇਤੁਂ વੁਤ੍ਤਂ ‘‘ਹਤ੍ਥਿਸਮ੍ਮਦ੍ਦੋ ਅਤ੍ਥੀ’’ਤਿ। ਰਜਿਤਬ੍ਬਾਨੀਤਿ ਰਜਨੀਯਾਨਿ, ਰਜਿਤੁਂ ਅਰਹਾਨੀਤਿ ਅਤ੍ਥੋ। ਇਮਿਨਾ ਸਮ੍ਬਨ੍ਧਕਾਲੇ ਪੁਰਿਮਪਾਠੇ ਰਞ੍ਞੋ ਅਨ੍ਤੇਪੁਰੇਤਿ વਿਭਤ੍ਤਿવਿਪਲ੍ਲਾਸੋ ਕਾਤਬ੍ਬੋਤਿ। ਪਚ੍ਛਿਮਪਾਠੇ ਪਨ ਮੁਖ੍ਯਤੋવ ਯੁਜ੍ਜਤਿ। ਤੇਨ વੁਤ੍ਤਂ ‘‘ਤਸ੍ਮਿਂ ਅਨ੍ਤੇਪੁਰੇ’’ਤਿ।
497.Antaranti khaṇaṃ, okāsaṃ vā vivaraṃ vā. Ghātetunti hanituṃ. Icchatīti iminā patthadhātuyā yācanatthaṃ dasseti. ‘‘Rājantepuraṃ hatthisammadda’’ntiādīsu vacanattho evaṃ veditabboti yojanā. Hatthisammaddanti hatthisambādhaṭṭhānaṃ. Assehi sammaddo etthāti assasammaddo. Rathehi sammaddo etthāti rathasammaddoti vacanatthaṃ atidisanto āha ‘‘eseva nayo’’ti. ‘‘Sammatta’’nti paṭhamakkharena pāṭhassa sambādhassa avācakattā vuttaṃ ‘‘taṃ na gahetabba’’nti. Tatthāti pāṭhe. ‘‘Hatthīnaṃ sammadda’’nti iminā uttarapadassa sammaddanaṃ sammaddanti bhāvatthaṃ dasseti, purimapadena chaṭṭhīsamāsañca. Purimapāṭhe pana uttarapadassa adhikaraṇatthañca pubbapadena tatiyāsamāsañca dasseti. Bāhiratthasamāsotipi vuccati. Pacchimapāṭhe ‘‘hatthisammadda’’ntiādipadassa liṅgavipallāsañca ‘‘atthī’’ti pāṭhasesena yojetabbatañca dassetuṃ vuttaṃ ‘‘hatthisammaddo atthī’’ti. Rajitabbānīti rajanīyāni, rajituṃ arahānīti attho. Iminā sambandhakāle purimapāṭhe rañño antepureti vibhattivipallāso kātabboti. Pacchimapāṭhe pana mukhyatova yujjati. Tena vuttaṃ ‘‘tasmiṃ antepure’’ti.
੪੯੮. ਅવਸਿਤ੍ਤਸ੍ਸਾਤਿ ਖਤ੍ਤਿਯਾਭਿਸੇਕੇਨ ਅਭਿਸਿਤ੍ਤਸ੍ਸ। ਇਤੋਤਿ ਸਯਨਿਘਰਤੋ। ਇਮਿਨਾ ਪਞ੍ਚਮੀਬਾਹਿਰਸਮਾਸਂ ਦਸ੍ਸੇਤਿ। ਰਞ੍ਞੋ ਰਤਿਜਨਨਟ੍ਠੇਨ ਰਤਨਂ વੁਚ੍ਚਤਿ ਮਹੇਸੀ। ਮਹੇਸੀਤਿ ਚ ਸਾਭਿਸੇਕਾ ਦੇવੀ। ਨਿਪੁਬ੍ਬ ਗਮੁਧਾਤੁਸ੍ਸ ਨਿਪੁਬ੍ਬਕਮੁਧਾਤੁਯਾ ਪਰਿਯਾਯਭਾવਂ ਦਸ੍ਸੇਤੁਂ વੁਤ੍ਤਂ ‘‘ਨਿਗ੍ਗਤਨ੍ਤਿ ਨਿਕ੍ਖਨ੍ਤ’’ਨ੍ਤਿ। ਪਠਮਂ।
498.Avasittassāti khattiyābhisekena abhisittassa. Itoti sayanigharato. Iminā pañcamībāhirasamāsaṃ dasseti. Rañño ratijananaṭṭhena ratanaṃ vuccati mahesī. Mahesīti ca sābhisekā devī. Nipubba gamudhātussa nipubbakamudhātuyā pariyāyabhāvaṃ dassetuṃ vuttaṃ ‘‘niggatanti nikkhanta’’nti. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੯. ਰਤਨવਗ੍ਗੋ • 9. Ratanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ • 1. Antepurasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ • 1. Antepurasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਅਨ੍ਤੇਪੁਰਸਿਕ੍ਖਾਪਦવਣ੍ਣਨਾ • 1. Antepurasikkhāpadavaṇṇanā
