| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. рад̇анаваг̇г̇о
9. Ratanavaggo
1. анд̇збурасигкаабад̣̇аван̣н̣анаа
1. Antepurasikkhāpadavaṇṇanā
494. рааж̇аваг̇г̇асса батамасигкаабад̣̇з – орагод̇и барид̇д̇аго. убарибаасаад̣̇авараг̇ад̇од̇и баасаад̣̇аварасса убариг̇ад̇о. аяяаанам̣ ваахасаад̇и аяяаанам̣ гааран̣аа; д̇зхи ж̇аанаабид̇ад̇д̇аа ж̇аанаамийд̇и вуд̇д̇ам̣ ход̇и.
494. Rājavaggassa paṭhamasikkhāpade – orakoti parittako. Uparipāsādavaragatoti pāsādavarassa uparigato. Ayyānaṃ vāhasāti ayyānaṃ kāraṇā; tehi jānāpitattā jānāmīti vuttaṃ hoti.
497. бид̇арам̣ бад̇т̇зд̇ийд̇и анд̇арам̣ бассид̇ваа гхаад̇зд̇ум̣ ижчад̇и. рааж̇анд̇збурам̣ хад̇т̇исаммад̣̇д̣̇анд̇иаад̣̇ийсу хад̇т̇ийхи саммад̣̇д̣̇о зд̇т̇аад̇и хад̇т̇исаммад̣̇д̣̇ам̣; хад̇т̇исамб̣аад̇ханд̇и ад̇т̇о. ассарат̇асаммад̣̇д̣̇абад̣̇зби зсзва наяо. ‘‘саммад̇д̇а’’нд̇и гзжи батанд̇и, д̇ам̣ на г̇ахзд̇аб̣б̣ам̣. ‘‘ран̃н̃о анд̇збурз хад̇т̇исаммад̣̇д̣̇а’’нд̇иби баато, д̇ад̇т̇а хад̇т̇ийнам̣ саммад̣̇д̣̇ам̣ хад̇т̇исаммад̣̇д̣̇анд̇и ад̇т̇о, ран̃н̃о анд̇збурз хад̇т̇исаммад̣̇д̣̇о ад̇т̇ийд̇и вуд̇д̇ам̣ ход̇и. зса наяо сзсабад̣̇зсуби. раж̇анийяаанийд̇и д̇асмим̣ анд̇збурз зд̣̇исаани руубаад̣̇ийни.
497.Pitaraṃ patthetīti antaraṃ passitvā ghātetuṃ icchati. Rājantepuraṃ hatthisammaddantiādīsu hatthīhi sammaddo etthāti hatthisammaddaṃ; hatthisambādhanti attho. Assarathasammaddapadepi eseva nayo. ‘‘Sammatta’’nti keci paṭhanti, taṃ na gahetabbaṃ. ‘‘Rañño antepure hatthisammadda’’ntipi pāṭho, tattha hatthīnaṃ sammaddaṃ hatthisammaddanti attho, rañño antepure hatthisammaddo atthīti vuttaṃ hoti. Esa nayo sesapadesupi. Rajanīyānīti tasmiṃ antepure edisāni rūpādīni.
498. муд̣̇д̇хаавасид̇д̇ассаад̇и муд̣̇д̇хани авасид̇д̇асса. анигканд̇о рааж̇аа ид̇од̇и анигканд̇арааж̇агам̣, д̇асмим̣ анигканд̇арааж̇агз; саяанигхарзд̇и ад̇т̇о. рад̇анам̣ вужжад̇и махзсий, ниг̇г̇ад̇анд̇и нигканд̇ам̣, аниг̇г̇ад̇ам̣ рад̇анам̣ ид̇од̇и аниг̇г̇ад̇арад̇анагам̣, д̇асмим̣ аниг̇г̇ад̇арад̇анагз; саяанигхарзд̇и ад̇т̇о. сзсамзд̇т̇а уд̇д̇аанамзва.
498.Muddhāvasittassāti muddhani avasittassa. Anikkhanto rājā itoti anikkhantarājakaṃ, tasmiṃ anikkhantarājake; sayanighareti attho. Ratanaṃ vuccati mahesī, niggatanti nikkhantaṃ, aniggataṃ ratanaṃ itoti aniggataratanakaṃ, tasmiṃ aniggataratanake; sayanighareti attho. Sesamettha uttānameva.
гат̇инасамудтаанам̣ – гааяаваажад̇о гааяаваажаажид̇д̇ад̇о жа самудтаад̇и, гирияаагирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
анд̇збурасигкаабад̣̇ам̣ батамам̣.
Antepurasikkhāpadaṃ paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. анд̇збурасигкаабад̣̇а-ад̇т̇аяож̇анаа • 1. Antepurasikkhāpada-atthayojanā
