| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
9. рад̇анаваг̇г̇о
9. Ratanavaggo
1. анд̇збурасигкаабад̣̇аван̣н̣анаа
1. Antepurasikkhāpadavaṇṇanā
анигканд̇арааж̇агз аниг̇г̇ад̇арад̇анагзд̇и зд̇т̇а ‘‘саяанигхарз’’д̇и баатасзсо д̣̇адтаб̣б̣од̇и ааха ‘‘анигканд̇о рааж̇аа ид̇о’’д̇иаад̣̇и. д̇ад̇т̇а ид̇од̇и саяанигхарад̇о. саяанигхарзд̇и саяанийяагхарз. яад̇т̇а ран̃н̃о саяанам̣ бан̃н̃ад̇д̇ам̣ ход̇и, анд̇амасо саан̣ибаагаарабаригкид̇д̇амби, д̇асминд̇и вуд̇д̇ам̣ ход̇и. рад̇иж̇ананадтзна рад̇анам̣, хад̇т̇иаад̣̇и. ид̇ха бана ид̇т̇ирад̇анам̣ ад̇хиббзд̇анд̇и ааха ‘‘рад̇анам̣ вужжад̇и махзсий’’д̇и.
Anikkhantarājake aniggataratanaketi ettha ‘‘sayanighare’’ti pāṭhaseso daṭṭhabboti āha ‘‘anikkhanto rājā ito’’tiādi. Tattha itoti sayanigharato. Sayanighareti sayanīyaghare. Yattha rañño sayanaṃ paññattaṃ hoti, antamaso sāṇipākāraparikkhittampi, tasminti vuttaṃ hoti. Ratijananaṭṭhena ratanaṃ, hatthiādi. Idha pana itthiratanaṃ adhippetanti āha ‘‘ratanaṃ vuccati mahesī’’ti.
убхосууд̇и рааж̇амахзсийсу. гирияаагирияанд̇и зд̇т̇а инд̣̇акийлаад̇иггамо гирияам̣, аббадисам̣вид̣̇ид̇ам̣ агирияанд̇и д̣̇адтаб̣б̣ам̣.
Ubhosūti rājamahesīsu. Kiriyākiriyanti ettha indakhīlātikkamo kiriyaṃ, appaṭisaṃviditaṃ akiriyanti daṭṭhabbaṃ.
анд̇збурасигкаабад̣̇аван̣н̣анаа нидтид̇аа.
Antepurasikkhāpadavaṇṇanā niṭṭhitā.
