| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. рааж̇аваг̇г̇о
9. Rājavaggo
1. анд̇збурасигкаабад̣̇аван̣н̣анаа
1. Antepurasikkhāpadavaṇṇanā
497-499. рааж̇аваг̇г̇асса батамасигкаабад̣̇з адтагат̇ааяам̣ саб̣б̣ам̣ уд̇д̇аанад̇т̇амзва. баал̣ияам̣ бана аяамануд̇д̇аанабад̣̇ад̇т̇о. гад̇ам̣ ваа гариссанд̇и ваад̇и мзт̇унавийд̇иггаманам̣ гад̇ам̣ ваа гариссанд̇и ваа. имзсанд̇и бад̣̇ам̣ вибхад̇д̇ивибарин̣аамам̣ гад̇ваа убхаяад̇т̇а яож̇зд̇аб̣б̣ам̣ ‘‘имзхи гад̇ам̣ имз гариссанд̇ий’’д̇и. рад̇ананд̇и ман̣ирад̇анаад̣̇ийсу яам̣гин̃жи. убхад̇од̇и д̣̇вийхи багкзхи. ‘‘убхад̇о суж̇аад̇о’’д̇и зд̇д̇агз вуд̇д̇з язхи гзхижи д̣̇вийхи бхааг̇зхи суж̇аад̇ад̇аа вин̃н̃ааязяяа, суж̇аад̇а-сад̣̇д̣̇о жа ‘‘суж̇аад̇о жааруд̣̇ассано’’д̇иаад̣̇ийсу аарохасамбад̇д̇ибарияааяод̇и ж̇аад̇ивасзнзва суж̇аад̇ад̇ам̣ вибхаавзд̇ум̣ ‘‘маад̇ид̇о жа бид̇ид̇о жаа’’д̇и вуд̇д̇ам̣. анорасабуд̇д̇авасзнаби логз маад̇убид̇усаман̃н̃аа д̣̇иссад̇и, ид̇ха бана саа орасабуд̇д̇авасзнзва ижчид̇аад̇и д̣̇ассзд̇ум̣ ‘‘сам̣суд̣̇д̇хаг̇ахан̣иго’’д̇и вуд̇д̇ам̣. г̇аб̣бхам̣ г̇ан̣хаад̇и д̇хаарзд̇ийд̇и г̇ахан̣ий, г̇аб̣бхаасаяасан̃н̃ид̇о маад̇угужчиббад̣̇зсо. сам̣суд̣̇д̇хаа г̇ахан̣ий ассаад̇и сам̣суд̣̇д̇хаг̇ахан̣иго, сам̣суд̣̇д̇хаа д̇асса маад̇угужчийд̇и вуд̇д̇ам̣ ход̇и. ‘‘самавзбаагинияаа г̇ахан̣ияаа’’д̇и зд̇т̇а бана яат̇аабхуд̇д̇асса аахаарасса вибаажанавасзна г̇ан̣ханад̇о ачад̣д̣анад̇о гаммаж̇ад̇зж̇од̇хаад̇у ‘‘г̇ахан̣ий’’д̇и вужжад̇и.
497-499. Rājavaggassa paṭhamasikkhāpade aṭṭhakathāyaṃ sabbaṃ uttānatthameva. Pāḷiyaṃ pana ayamanuttānapadattho. Kataṃ vā karissanti vāti methunavītikkamanaṃ kataṃ vā karissanti vā. Imesanti padaṃ vibhattivipariṇāmaṃ katvā ubhayattha yojetabbaṃ ‘‘imehi kataṃ ime karissantī’’ti. Ratananti maṇiratanādīsu yaṃkiñci. Ubhatoti dvīhi pakkhehi. ‘‘Ubhato sujāto’’ti ettake vutte yehi kehici dvīhi bhāgehi sujātatā viññāyeyya, sujāta-saddo ca ‘‘sujāto cārudassano’’tiādīsu ārohasampattipariyāyoti jātivaseneva sujātataṃ vibhāvetuṃ ‘‘mātito ca pitito cā’’ti vuttaṃ. Anorasaputtavasenapi loke mātupitusamaññā dissati, idha pana sā orasaputtavaseneva icchitāti dassetuṃ ‘‘saṃsuddhagahaṇiko’’ti vuttaṃ. Gabbhaṃ gaṇhāti dhāretīti gahaṇī, gabbhāsayasaññito mātukucchippadeso. Saṃsuddhā gahaṇī assāti saṃsuddhagahaṇiko, saṃsuddhā tassa mātukucchīti vuttaṃ hoti. ‘‘Samavepākiniyā gahaṇiyā’’ti ettha pana yathābhuttassa āhārassa vipācanavasena gaṇhanato achaḍḍanato kammajatejodhātu ‘‘gahaṇī’’ti vuccati.
яаава сад̇д̇амаа бид̇аамахаяуг̇аад̇и зд̇т̇а бид̇у бид̇аа бид̇аамахо, бид̇аамахасса яуг̇ам̣ бид̇аамахаяуг̇ам̣. ‘‘яуг̇а’’нд̇и ааяуббамаан̣ам̣ вужжад̇и. абхилаабамад̇д̇амзва жзд̇ам̣, ад̇т̇ад̇о бана бид̇аамахоязва бид̇аамахаяуг̇ам̣. бид̇аа жа маад̇аа жа бид̇аро, бид̇уунам̣ бид̇аро бид̇аамахаа, д̇зсам̣ яуг̇о бид̇аамахаяуг̇о, д̇асмаа яаава сад̇д̇амаа бид̇аамахаяуг̇аа, бид̇аамахад̣̇ванд̣̇аад̇и звамзд̇т̇а ад̇т̇о д̣̇адтаб̣б̣о. зван̃хи бид̇аамахаг̇г̇ахан̣знзва маад̇аамахоби г̇ахид̇о ход̇и. яуг̇а-сад̣̇д̣̇о жзд̇т̇а згасзсзна д̣̇адтаб̣б̣о яуг̇о жа яуг̇о жа яуг̇од̇и. зван̃хи д̇ад̇т̇а д̇ад̇т̇а д̣̇ванд̣̇ам̣ г̇ахид̇амзва ход̇и, д̇асмаа д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаяуг̇аг̇г̇ахан̣знзва г̇ахид̇аа. звам̣ яаава сад̇д̇амо бид̇аамахаяуг̇о, д̇аава сам̣суд̣̇д̇хаг̇ахан̣иго.
Yāvasattamā pitāmahayugāti ettha pitu pitā pitāmaho, pitāmahassa yugaṃ pitāmahayugaṃ. ‘‘Yuga’’nti āyuppamāṇaṃ vuccati. Abhilāpamattameva cetaṃ, atthato pana pitāmahoyeva pitāmahayugaṃ. Pitā ca mātā ca pitaro, pitūnaṃ pitaro pitāmahā, tesaṃ yugo pitāmahayugo, tasmā yāva sattamā pitāmahayugā, pitāmahadvandāti evamettha attho daṭṭhabbo. Evañhi pitāmahaggahaṇeneva mātāmahopi gahito hoti. Yuga-saddo cettha ekasesena daṭṭhabbo yugo ca yugo ca yugoti. Evañhi tattha tattha dvandaṃ gahitameva hoti, tasmā tato uddhaṃ sabbepi pubbapurisā pitāmahayugaggahaṇeneva gahitā. Evaṃ yāva sattamo pitāmahayugo, tāva saṃsuddhagahaṇiko.
агкид̇д̇од̇и ‘‘абанзт̇а зд̇ам̣, гим̣ иминаа’’д̇и звам̣ агкид̇д̇о анавагкид̇д̇о. анубагудтод̇и на убагудто, на аггосам̣ ваа нинд̣̇ам̣ ваа бад̇д̇абуб̣б̣о. гзна гааран̣знаад̇и ааха ‘‘ж̇аад̇иваад̣̇знаа’’д̇и. зд̇т̇а жа ‘‘убхад̇о…бз… бид̇аамахаяуг̇аа’’д̇и зд̇зна д̇асса яонид̣̇осаабхааво д̣̇ассид̇о сам̣суд̣̇д̇хаг̇ахан̣игабхаавагид̇д̇анад̇о, ‘‘агкид̇д̇о’’д̇и иминаа гирияаабараад̇хаабхааво. гирияаабараад̇хзна хи сад̇д̇аа кзбам̣ баабун̣анд̇и. ‘‘анубагудто’’д̇и иминаа аяуд̇д̇асам̣саг̇г̇аабхааво. аяуд̇д̇асам̣саг̇г̇ан̃хи бадижжа сад̇д̇аа аггосам̣ лабханд̇и. сзсамзд̇т̇а уд̇д̇аанамзва. кад̇д̇ияад̇аа, абхисид̇д̇ад̇аа, убхиннамби саяанигхарад̇о анигканд̇ад̇аа, аббадисам̣вид̣̇ид̇ад̇аа, инд̣̇акийлаад̇иггамод̇и имаани банзд̇т̇а бан̃жа ан̇г̇аани.
Akkhittoti ‘‘apanetha etaṃ, kiṃ iminā’’ti evaṃ akkhitto anavakkhitto. Anupakuṭṭhoti na upakuṭṭho, na akkosaṃ vā nindaṃ vā pattapubbo. Kena kāraṇenāti āha ‘‘jātivādenā’’ti. Ettha ca ‘‘ubhato…pe… pitāmahayugā’’ti etena tassa yonidosābhāvo dassito saṃsuddhagahaṇikabhāvakittanato, ‘‘akkhitto’’ti iminā kiriyāparādhābhāvo. Kiriyāparādhena hi sattā khepaṃ pāpuṇanti. ‘‘Anupakuṭṭho’’ti iminā ayuttasaṃsaggābhāvo. Ayuttasaṃsaggañhi paṭicca sattā akkosaṃ labhanti. Sesamettha uttānameva. Khattiyatā, abhisittatā, ubhinnampi sayanigharato anikkhantatā, appaṭisaṃviditatā, indakhīlātikkamoti imāni panettha pañca aṅgāni.
анд̇збурасигкаабад̣̇аван̣н̣анаа нидтид̇аа.
Antepurasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. анд̇збурасигкаабад̣̇аван̣н̣анаа • 1. Antepurasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. анд̇збурасигкаабад̣̇а-ад̇т̇аяож̇анаа • 1. Antepurasikkhāpada-atthayojanā
