| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
९. रतनवग्गो
9. Ratanavaggo
१. अन्तेपुरसिक्खापदवण्णना
1. Antepurasikkhāpadavaṇṇanā
४९४-७. यथा भगवन्तं पयिरुपासति, एवमाकारेन नारहतायं पुरिसो पापो होतुं, न होति पापोति अत्थो, कारणत्थं वा। तन्ति निपातमत्तं, यतोति वा अत्थो। हत्थिसम्मद्दन्ति सङ्घाटसम्मद्दो, अक्कमनं चुण्णताति अत्थो।
494-7. Yathā bhagavantaṃ payirupāsati, evamākārena nārahatāyaṃ puriso pāpo hotuṃ, na hoti pāpoti attho, kāraṇatthaṃ vā. Tanti nipātamattaṃ, yatoti vā attho. Hatthisammaddanti saṅghāṭasammaddo, akkamanaṃ cuṇṇatāti attho.
४९८. रतनं नाम अग्गमहेसी, तथापि इध अञ्ञापि देविगोत्ता न रक्खति, अनापत्तिवारे ‘‘न महेसी होती’’ति वचनाभावतो। सचे खत्तियोव होति, नाभिसित्तो। अभिसित्तोयेव होति, न खत्तियो रक्खतीति आचरियो। अनापत्तिवारे मातिकाट्ठकथायं अङ्गभावेन च वुत्तत्ता अभिसित्तभावोवपमाणं। सेसं उक्कट्ठपरिच्छेदोति एके।
498.Ratanaṃ nāma aggamahesī, tathāpi idha aññāpi devigottā na rakkhati, anāpattivāre ‘‘na mahesī hotī’’ti vacanābhāvato. Sace khattiyova hoti, nābhisitto. Abhisittoyeva hoti, na khattiyo rakkhatīti ācariyo. Anāpattivāre mātikāṭṭhakathāyaṃ aṅgabhāvena ca vuttattā abhisittabhāvovapamāṇaṃ. Sesaṃ ukkaṭṭhaparicchedoti eke.
५००-५०१. ‘‘न सयनिघरे सयनिघरसञ्ञी’’ति तिकच्छेदोपि एत्थ लब्भति। न सयनिघरं नाम अपरिक्खित्तरुक्खमूलादि।
500-501. ‘‘Na sayanighare sayanigharasaññī’’ti tikacchedopi ettha labbhati. Na sayanigharaṃ nāma aparikkhittarukkhamūlādi.
अन्तेपुरसिक्खापदवण्णना निट्ठिता।
Antepurasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ९. रतनवग्गो • 9. Ratanavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / १. अन्तेपुरसिक्खापदवण्णना • 1. Antepurasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / १. अन्तेपुरसिक्खापदवण्णना • 1. Antepurasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १. अन्तेपुरसिक्खापद-अत्थयोजना • 1. Antepurasikkhāpada-atthayojanā
