| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๙. รตนวโคฺค
9. Ratanavaggo
๑. อเนฺตปุรสิกฺขาปทวณฺณนา
1. Antepurasikkhāpadavaṇṇanā
๔๙๔-๗. ยถา ภควนฺตํ ปยิรุปาสติ, เอวมากาเรน นารหตายํ ปุริโส ปาโป โหตุํ, น โหติ ปาโปติ อโตฺถ, การณตฺถํ วาฯ ตนฺติ นิปาตมตฺตํ, ยโตติ วา อโตฺถฯ หตฺถิสมฺมทฺทนฺติ สงฺฆาฎสมฺมโทฺท, อกฺกมนํ จุณฺณตาติ อโตฺถฯ
494-7. Yathā bhagavantaṃ payirupāsati, evamākārena nārahatāyaṃ puriso pāpo hotuṃ, na hoti pāpoti attho, kāraṇatthaṃ vā. Tanti nipātamattaṃ, yatoti vā attho. Hatthisammaddanti saṅghāṭasammaddo, akkamanaṃ cuṇṇatāti attho.
๔๙๘. รตนํ นาม อคฺคมเหสี, ตถาปิ อิธ อญฺญาปิ เทวิโคตฺตา น รกฺขติ, อนาปตฺติวาเร ‘‘น มเหสี โหตี’’ติ วจนาภาวโตฯ สเจ ขตฺติโยว โหติ, นาภิสิโตฺตฯ อภิสิโตฺตเยว โหติ, น ขตฺติโย รกฺขตีติ อาจริโยฯ อนาปตฺติวาเร มาติกาฎฺฐกถายํ องฺคภาเวน จ วุตฺตตฺตา อภิสิตฺตภาโววปมาณํฯ เสสํ อุกฺกฎฺฐปริเจฺฉโทติ เอเกฯ
498.Ratanaṃ nāma aggamahesī, tathāpi idha aññāpi devigottā na rakkhati, anāpattivāre ‘‘na mahesī hotī’’ti vacanābhāvato. Sace khattiyova hoti, nābhisitto. Abhisittoyeva hoti, na khattiyo rakkhatīti ācariyo. Anāpattivāre mātikāṭṭhakathāyaṃ aṅgabhāvena ca vuttattā abhisittabhāvovapamāṇaṃ. Sesaṃ ukkaṭṭhaparicchedoti eke.
๕๐๐-๕๐๑. ‘‘น สยนิฆเร สยนิฆรสญฺญี’’ติ ติกเจฺฉโทปิ เอตฺถ ลพฺภติฯ น สยนิฆรํ นาม อปริกฺขิตฺตรุกฺขมูลาทิฯ
500-501. ‘‘Na sayanighare sayanigharasaññī’’ti tikacchedopi ettha labbhati. Na sayanigharaṃ nāma aparikkhittarukkhamūlādi.
อเนฺตปุรสิกฺขาปทวณฺณนา นิฎฺฐิตาฯ
Antepurasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๙. รตนวโคฺค • 9. Ratanavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๑. อเนฺตปุรสิกฺขาปทวณฺณนา • 1. Antepurasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๑. อเนฺตปุรสิกฺขาปทวณฺณนา • 1. Antepurasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑. อเนฺตปุรสิกฺขาปท-อตฺถโยชนา • 1. Antepurasikkhāpada-atthayojanā
