| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၉. ရတနဝဂ္ဂော
9. Ratanavaggo
၁. အန္တေပုရသိက္ခာပဒဝဏ္ဏနာ
1. Antepurasikkhāpadavaṇṇanā
အနိက္ခန္တရာဇကေ အနိဂ္ဂတရတနကေတိ ဧတ္ထ ‘‘သယနိဃရေ’’တိ ပာဌသေသော ဒဋ္ဌဗ္ဗောတိ အာဟ ‘‘အနိက္ခန္တော ရာဇာ ဣတော’’တိအာဒိ။ တတ္ထ ဣတောတိ သယနိဃရတော။ သယနိဃရေတိ သယနီယဃရေ။ ယတ္ထ ရညော သယနံ ပညတ္တံ ဟောတိ, အန္တမသော သာဏိပာကာရပရိက္ခိတ္တမ္ပိ, တသ္မိန္တိ ဝုတ္တံ ဟောတိ။ ရတိဇနနဋ္ဌေန ရတနံ, ဟတ္ထိအာဒိ။ ဣဓ ပန ဣတ္ထိရတနံ အဓိပ္ပေတန္တိ အာဟ ‘‘ရတနံ ဝုစ္စတိ မဟေသီ’’တိ။
Anikkhantarājake aniggataratanaketi ettha ‘‘sayanighare’’ti pāṭhaseso daṭṭhabboti āha ‘‘anikkhanto rājā ito’’tiādi. Tattha itoti sayanigharato. Sayanighareti sayanīyaghare. Yattha rañño sayanaṃ paññattaṃ hoti, antamaso sāṇipākāraparikkhittampi, tasminti vuttaṃ hoti. Ratijananaṭṭhena ratanaṃ, hatthiādi. Idha pana itthiratanaṃ adhippetanti āha ‘‘ratanaṃ vuccati mahesī’’ti.
ဥဘောသူတိ ရာဇမဟေသီသု။ ကိရိယာကိရိယန္တိ ဧတ္ထ ဣန္ဒခီလာတိက္ကမော ကိရိယံ, အပ္ပဋိသံဝိဒိတံ အကိရိယန္တိ ဒဋ္ဌဗ္ဗံ။
Ubhosūti rājamahesīsu. Kiriyākiriyanti ettha indakhīlātikkamo kiriyaṃ, appaṭisaṃviditaṃ akiriyanti daṭṭhabbaṃ.
အန္တေပုရသိက္ခာပဒဝဏ္ဏနာ နိဋ္ဌိတာ။
Antepurasikkhāpadavaṇṇanā niṭṭhitā.
