| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೯. ರತನವಗ್ಗೋ
9. Ratanavaggo
೧. ಅನ್ತೇಪುರಸಿಕ್ಖಾಪದವಣ್ಣನಾ
1. Antepurasikkhāpadavaṇṇanā
೪೯೪-೭. ಯಥಾ ಭಗವನ್ತಂ ಪಯಿರುಪಾಸತಿ, ಏವಮಾಕಾರೇನ ನಾರಹತಾಯಂ ಪುರಿಸೋ ಪಾಪೋ ಹೋತುಂ, ನ ಹೋತಿ ಪಾಪೋತಿ ಅತ್ಥೋ, ಕಾರಣತ್ಥಂ ವಾ। ತನ್ತಿ ನಿಪಾತಮತ್ತಂ, ಯತೋತಿ ವಾ ಅತ್ಥೋ। ಹತ್ಥಿಸಮ್ಮದ್ದನ್ತಿ ಸಙ್ಘಾಟಸಮ್ಮದ್ದೋ, ಅಕ್ಕಮನಂ ಚುಣ್ಣತಾತಿ ಅತ್ಥೋ।
494-7. Yathā bhagavantaṃ payirupāsati, evamākārena nārahatāyaṃ puriso pāpo hotuṃ, na hoti pāpoti attho, kāraṇatthaṃ vā. Tanti nipātamattaṃ, yatoti vā attho. Hatthisammaddanti saṅghāṭasammaddo, akkamanaṃ cuṇṇatāti attho.
೪೯೮. ರತನಂ ನಾಮ ಅಗ್ಗಮಹೇಸೀ, ತಥಾಪಿ ಇಧ ಅಞ್ಞಾಪಿ ದೇವಿಗೋತ್ತಾ ನ ರಕ್ಖತಿ, ಅನಾಪತ್ತಿವಾರೇ ‘‘ನ ಮಹೇಸೀ ಹೋತೀ’’ತಿ ವಚನಾಭಾವತೋ। ಸಚೇ ಖತ್ತಿಯೋವ ಹೋತಿ, ನಾಭಿಸಿತ್ತೋ। ಅಭಿಸಿತ್ತೋಯೇವ ಹೋತಿ, ನ ಖತ್ತಿಯೋ ರಕ್ಖತೀತಿ ಆಚರಿಯೋ। ಅನಾಪತ್ತಿವಾರೇ ಮಾತಿಕಾಟ್ಠಕಥಾಯಂ ಅಙ್ಗಭಾವೇನ ಚ ವುತ್ತತ್ತಾ ಅಭಿಸಿತ್ತಭಾವೋವಪಮಾಣಂ। ಸೇಸಂ ಉಕ್ಕಟ್ಠಪರಿಚ್ಛೇದೋತಿ ಏಕೇ।
498.Ratanaṃ nāma aggamahesī, tathāpi idha aññāpi devigottā na rakkhati, anāpattivāre ‘‘na mahesī hotī’’ti vacanābhāvato. Sace khattiyova hoti, nābhisitto. Abhisittoyeva hoti, na khattiyo rakkhatīti ācariyo. Anāpattivāre mātikāṭṭhakathāyaṃ aṅgabhāvena ca vuttattā abhisittabhāvovapamāṇaṃ. Sesaṃ ukkaṭṭhaparicchedoti eke.
೫೦೦-೫೦೧. ‘‘ನ ಸಯನಿಘರೇ ಸಯನಿಘರಸಞ್ಞೀ’’ತಿ ತಿಕಚ್ಛೇದೋಪಿ ಏತ್ಥ ಲಬ್ಭತಿ। ನ ಸಯನಿಘರಂ ನಾಮ ಅಪರಿಕ್ಖಿತ್ತರುಕ್ಖಮೂಲಾದಿ।
500-501. ‘‘Na sayanighare sayanigharasaññī’’ti tikacchedopi ettha labbhati. Na sayanigharaṃ nāma aparikkhittarukkhamūlādi.
ಅನ್ತೇಪುರಸಿಕ್ಖಾಪದವಣ್ಣನಾ ನಿಟ್ಠಿತಾ।
Antepurasikkhāpadavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೯. ರತನವಗ್ಗೋ • 9. Ratanavaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೧. ಅನ್ತೇಪುರಸಿಕ್ಖಾಪದವಣ್ಣನಾ • 1. Antepurasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೧. ಅನ್ತೇಪುರಸಿಕ್ಖಾಪದವಣ್ಣನಾ • 1. Antepurasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧. ಅನ್ತೇಪುರಸಿಕ್ಖಾಪದ-ಅತ್ಥಯೋಜನಾ • 1. Antepurasikkhāpada-atthayojanā
