अन्तेवासिकसुत्त

Antevāsikasutta

A Student

“अनन्तेवासिकमिदं, भिक्खवे, ब्रह्मचरियं वुस्सति अनाचरियकं। सन्तेवासिको, भिक्खवे, भिक्खु साचरियको दुक्खं न फासु विहरति। अनन्तेवासिको, भिक्खवे, भिक्खु अनाचरियको सुखं फासु विहरति।

“Anantevāsikamidaṁ, bhikkhave, brahmacariyaṁ vussati anācariyakaṁ. Santevāsiko, bhikkhave, bhikkhu sācariyako dukkhaṁ na phāsu¹ viharati. Anantevāsiko, bhikkhave, bhikkhu anācariyako sukhaṁ phāsu viharati.

“Bhikkhus, this spiritual life is lived without a resident student and without a teaching master. A bhikkhu who lives with a resident student and a teaching master lives in suffering and discomfort. A bhikkhu who lives without a resident student and a teaching master lives in happiness and comfort.

कथञ्च, भिक्खु, सन्तेवासिको साचरियको दुक्खं न फासु विहरति?

Kathañca, bhikkhu, santevāsiko sācariyako dukkhaṁ na phāsu viharati?

And how does a bhikkhu who lives with a resident student and a teaching master live in suffering and discomfort?

इध, भिक्खवे, भिक्खुनो चक्खुना रूपं दिस्वा उप्पज्जन्ति पापका अकुसला धम्मा सरसङ्कप्पा संयोजनिया। त्यास्स अन्तो वसन्ति, अन्तस्स वसन्ति पापका अकुसला धम्माति। तस्मा सन्तेवासिकोति वुच्चति। ते नं समुदाचरन्ति, समुदाचरन्ति नं पापका अकुसला धम्माति। तस्मा साचरियकोति वुच्चति …पे…।

Idha, bhikkhave, bhikkhuno cakkhunā rūpaṁ disvā uppajjanti pāpakā akusalā dhammā sarasaṅkappā saṁyojaniyā. Tyāssa anto vasanti, antassa vasanti pāpakā akusalā dhammāti. Tasmā santevāsikoti vuccati. Te naṁ samudācaranti, samudācaranti naṁ pāpakā akusalā dhammāti. Tasmā sācariyakoti vuccati …pe….

When a bhikkhu sees a sight with the eye, bad, unskillful phenomena arise: memories and thoughts prone to fetters. Those qualities reside within. Since they have bad unskillful qualities residing within, they’re said to have a resident student. Those qualities master them. Since they’re mastered by bad unskillful qualities, they’re said to have a teaching master.

पुन चपरं, भिक्खवे, भिक्खुनो जिव्हाय रसं सायित्वा उप्पज्जन्ति पापका अकुसला धम्मा सरसङ्कप्पा संयोजनिया। त्यास्स अन्तो वसन्ति, अन्तस्स वसन्ति पापका अकुसला धम्माति। तस्मा सन्तेवासिकोति वुच्चति। ते नं समुदाचरन्ति, समुदाचरन्ति नं पापका अकुसला धम्माति। तस्मा साचरियकोति वुच्चति …पे…। पुन चपरं, भिक्खवे, भिक्खुनो मनसा धम्मं विञ्ञाय उप्पज्जन्ति पापका अकुसला धम्मा सरसङ्कप्पा संयोजनिया। त्यास्स अन्तो वसन्ति, अन्तस्स वसन्ति पापका अकुसला धम्माति। तस्मा सन्तेवासिकोति वुच्चति। ते नं समुदाचरन्ति, समुदाचरन्ति नं पापका अकुसला धम्माति। तस्मा साचरियकोति वुच्चति। एवं खो, भिक्खवे, भिक्खु सन्तेवासिको साचरियको दुक्खं, न फासु विहरति।

Puna caparaṁ, bhikkhave, bhikkhuno jivhāya rasaṁ sāyitvā uppajjanti pāpakā akusalā dhammā sarasaṅkappā saṁyojaniyā. Tyāssa anto vasanti, antassa vasanti pāpakā akusalā dhammāti. Tasmā santevāsikoti vuccati. Te naṁ samudācaranti, samudācaranti naṁ pāpakā akusalā dhammāti. Tasmā sācariyakoti vuccati …pe…. Puna caparaṁ, bhikkhave, bhikkhuno manasā dhammaṁ viññāya uppajjanti pāpakā akusalā dhammā sarasaṅkappā saṁyojaniyā. Tyāssa anto vasanti, antassa vasanti pāpakā akusalā dhammāti. Tasmā santevāsikoti vuccati. Te naṁ samudācaranti, samudācaranti naṁ pāpakā akusalā dhammāti. Tasmā sācariyakoti vuccati. Evaṁ kho, bhikkhave, bhikkhu santevāsiko sācariyako dukkhaṁ, na phāsu viharati.

Furthermore, when a bhikkhu hears … smells … tastes … touches … knows a thought with the mind, bad, unskillful phenomena arise: memories and thoughts prone to fetters. Those qualities reside within. Since they have bad unskillful qualities residing within, they’re said to have a resident student. Those qualities master them. Since they’re mastered by bad unskillful qualities, they’re said to have a teaching master. That’s how a bhikkhu who lives with a resident student and a teaching master lives in suffering and discomfort.

कथञ्च, भिक्खवे, भिक्खु अनन्तेवासिको अनाचरियको सुखं फासु विहरति?

Kathañca, bhikkhave, bhikkhu anantevāsiko anācariyako sukhaṁ phāsu viharati?

And how does a bhikkhu who lives without a resident student and a teaching master live in happiness and comfort?

इध, भिक्खवे, भिक्खुनो चक्खुना रूपं दिस्वा न उप्पज्जन्ति पापका अकुसला धम्मा सरसङ्कप्पा संयोजनिया। त्यास्स न अन्तो वसन्ति, नास्स अन्तो वसन्ति पापका अकुसला धम्माति। तस्मा अनन्तेवासिकोति वुच्चति। ते नं न समुदाचरन्ति, न समुदाचरन्ति नं पापका अकुसला धम्माति। तस्मा अनाचरियकोति वुच्चति …पे…।

Idha, bhikkhave, bhikkhuno cakkhunā rūpaṁ disvā na uppajjanti pāpakā akusalā dhammā sarasaṅkappā saṁyojaniyā. Tyāssa na anto vasanti, nāssa anto vasanti pāpakā akusalā dhammāti. Tasmā anantevāsikoti vuccati. Te naṁ na samudācaranti, na samudācaranti naṁ pāpakā akusalā dhammāti. Tasmā anācariyakoti vuccati …pe….

When a bhikkhu sees a sight with the eye, bad, unskillful phenomena don’t arise: memories and thoughts prone to fetters. Those qualities don’t reside within. Since they don’t have bad unskillful qualities residing within, they’re said to not have a resident student. Those qualities don’t master them. Since they’re not mastered by bad unskillful qualities, they’re said to not have a teaching master.

पुन चपरं, भिक्खवे, भिक्खुनो जिव्हाय रसं सायित्वा न उप्पज्जन्ति पापका अकुसला धम्मा सरसङ्कप्पा संयोजनिया। त्यास्स न अन्तो वसन्ति, नास्स अन्तो वसन्ति पापका अकुसला धम्माति। तस्मा अनन्तेवासिकोति वुच्चति। ते नं न समुदाचरन्ति, न समुदाचरन्ति नं पापका अकुसला धम्माति। तस्मा अनाचरियकोति वुच्चति …पे…। पुन चपरं, भिक्खवे, भिक्खुनो मनसा धम्मं विञ्ञाय न उप्पज्जन्ति पापका अकुसला धम्मा सरसङ्कप्पा संयोजनिया। त्यास्स न अन्तो वसन्ति, नास्स अन्तो वसन्ति पापका अकुसला धम्माति। तस्मा अनन्तेवासिकोति वुच्चति। ते नं न समुदाचरन्ति, न समुदाचरन्ति नं पापका अकुसला धम्माति। तस्मा अनाचरियकोति वुच्चति।

Puna caparaṁ, bhikkhave, bhikkhuno jivhāya rasaṁ sāyitvā na uppajjanti pāpakā akusalā dhammā sarasaṅkappā saṁyojaniyā. Tyāssa na anto vasanti, nāssa anto vasanti pāpakā akusalā dhammāti. Tasmā anantevāsikoti vuccati. Te naṁ na samudācaranti, na samudācaranti naṁ pāpakā akusalā dhammāti. Tasmā anācariyakoti vuccati …pe…. Puna caparaṁ, bhikkhave, bhikkhuno manasā dhammaṁ viññāya na uppajjanti pāpakā akusalā dhammā sarasaṅkappā saṁyojaniyā. Tyāssa na anto vasanti, nāssa anto vasanti pāpakā akusalā dhammāti. Tasmā anantevāsikoti vuccati. Te naṁ na samudācaranti, na samudācaranti naṁ pāpakā akusalā dhammāti. Tasmā anācariyakoti vuccati.

Furthermore, when a bhikkhu hears … smells … tastes … touches … knows a thought with the mind, bad, unskillful phenomena don’t arise: memories and thoughts prone to fetters. Those qualities don’t reside within. Since they don’t have bad unskillful qualities residing within, they’re said to not have a resident student. Those qualities don’t master them. Since they’re not mastered by bad unskillful qualities, they’re said to not have a teaching master.

एवं खो, भिक्खवे, भिक्खु अनन्तेवासिको अनाचरियको सुखं फासु विहरति।

Evaṁ kho, bhikkhave, bhikkhu anantevāsiko anācariyako sukhaṁ phāsu viharati.

That’s how a bhikkhu who lives without a resident student and a teaching master lives in happiness and comfort.

अनन्तेवासिकमिदं, भिक्खवे, ब्रह्मचरियं वुस्सति। अनाचरियकं सन्तेवासिको, भिक्खवे, भिक्खु साचरियको दुक्खं, न फासु विहरति। अनन्तेवासिको, भिक्खवे, भिक्खु अनाचरियको सुखं फासु विहरती”ति।

Anantevāsikamidaṁ, bhikkhave, brahmacariyaṁ vussati. Anācariyakaṁ santevāsiko, bhikkhave, bhikkhu sācariyako dukkhaṁ, na phāsu viharati. Anantevāsiko, bhikkhave, bhikkhu anācariyako sukhaṁ phāsu viharatī”ti.

This spiritual life is lived without a resident student and without a teaching master. A bhikkhu who lives with a resident student and a teaching master lives in suffering and discomfort. A bhikkhu who lives without a resident student and a teaching master lives in happiness and comfort.”

छट्ठं।

Chaṭṭhaṁ.

Next: किमत्थियब्रह्मचरियसुत्त • Kimatthiyabrahmacariyasutta • What’s the Purpose of the Spiritual Life?

The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]

Footnotes:

1. phāsu → phāsuṁ (pts1ed)

अन्तेवासिकसुत्त

Antevāsikasutta

A Student

YOU MAY ALSO LIKE: