| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬-৭. অন্তেৰাসিকসুত্তাদিৰণ্ণনা
6-7. Antevāsikasuttādivaṇṇanā
১৫১-১৫২. অন্ত-সদ্দো সমীপত্থে ৰত্ততি ‘‘উদকন্তং ৰনন্ত’’ন্তিআদীসু, কিলেসো পন অতিআসন্নে ৰসতি অব্ভন্তরৰুত্তিতাযাতি ‘‘অন্তেৰাসিক’’ন্তি ৰুত্তো ৰিভত্তিঅলোপেন যথা ‘‘ৰনেকুসলো, কূলেরুক্খা’’তি। তেনাহ – ‘‘অনন্তেৰাসিকন্তি অন্তোৰসনকিলেসৰিরহিত’’ন্তি। আচরণককিলেসৰিরহিতন্তি সমুদাচরণকিলেসরহিতং। অন্তো অস্স ৰসন্তীতি অস্স পুগ্গলস্স অন্তো অব্ভন্তরে চিত্তে ৰসন্তি পৰত্তন্তি। তে এতং অধিভৰন্তীতি তে কিলেসা এতং পুগ্গলং অভিভৰিত্ৰা অত্তনো ৰসে ৰত্তেন্তি। তেনাহ – ‘‘অজ্ঝোত্থরন্তি সিক্খাপেন্তি ৰা’’তি। তেহি আচরিযেহীতি তেহি কিলেসসঙ্খাতেহি সত্তে অত্তনো গতিযং ঠপেন্তেহি আচরিযেহি। সত্তমং হেট্ঠা কথিতনযমেৰাতি যস্মা হেট্ঠা খন্ধৰসেন দেসনা আগতা, ইধ আযতনৰসেনাতি অযমেৰ ৰিসেসো।
151-152. Anta-saddo samīpatthe vattati ‘‘udakantaṃ vananta’’ntiādīsu, kileso pana atiāsanne vasati abbhantaravuttitāyāti ‘‘antevāsika’’nti vutto vibhattialopena yathā ‘‘vanekusalo, kūlerukkhā’’ti. Tenāha – ‘‘anantevāsikanti antovasanakilesavirahita’’nti. Ācaraṇakakilesavirahitanti samudācaraṇakilesarahitaṃ. Antoassa vasantīti assa puggalassa anto abbhantare citte vasanti pavattanti. Te etaṃ adhibhavantīti te kilesā etaṃ puggalaṃ abhibhavitvā attano vase vattenti. Tenāha – ‘‘ajjhottharanti sikkhāpenti vā’’ti. Tehi ācariyehīti tehi kilesasaṅkhātehi satte attano gatiyaṃ ṭhapentehi ācariyehi. Sattamaṃ heṭṭhā kathitanayamevāti yasmā heṭṭhā khandhavasena desanā āgatā, idha āyatanavasenāti ayameva viseso.
অন্তেৰাসিকসুত্তাদিৰণ্ণনা নিট্ঠিতা।
Antevāsikasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৬. অন্তেৰাসিকসুত্তং • 6. Antevāsikasuttaṃ
৭. কিমত্থিযব্রহ্মচরিযসুত্তং • 7. Kimatthiyabrahmacariyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬-৭. অন্তেৰাসিকসুত্তাদিৰণ্ণনা • 6-7. Antevāsikasuttādivaṇṇanā
