| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬-੭. ਅਨ੍ਤੇવਾਸਿਕਸੁਤ੍ਤਾਦਿવਣ੍ਣਨਾ
6-7. Antevāsikasuttādivaṇṇanā
੧੫੧-੧੫੨. ਅਨ੍ਤ-ਸਦ੍ਦੋ ਸਮੀਪਤ੍ਥੇ વਤ੍ਤਤਿ ‘‘ਉਦਕਨ੍ਤਂ વਨਨ੍ਤ’’ਨ੍ਤਿਆਦੀਸੁ, ਕਿਲੇਸੋ ਪਨ ਅਤਿਆਸਨ੍ਨੇ વਸਤਿ ਅਬ੍ਭਨ੍ਤਰવੁਤ੍ਤਿਤਾਯਾਤਿ ‘‘ਅਨ੍ਤੇવਾਸਿਕ’’ਨ੍ਤਿ વੁਤ੍ਤੋ વਿਭਤ੍ਤਿਅਲੋਪੇਨ ਯਥਾ ‘‘વਨੇਕੁਸਲੋ, ਕੂਲੇਰੁਕ੍ਖਾ’’ਤਿ। ਤੇਨਾਹ – ‘‘ਅਨਨ੍ਤੇવਾਸਿਕਨ੍ਤਿ ਅਨ੍ਤੋવਸਨਕਿਲੇਸવਿਰਹਿਤ’’ਨ੍ਤਿ। ਆਚਰਣਕਕਿਲੇਸવਿਰਹਿਤਨ੍ਤਿ ਸਮੁਦਾਚਰਣਕਿਲੇਸਰਹਿਤਂ। ਅਨ੍ਤੋ ਅਸ੍ਸ વਸਨ੍ਤੀਤਿ ਅਸ੍ਸ ਪੁਗ੍ਗਲਸ੍ਸ ਅਨ੍ਤੋ ਅਬ੍ਭਨ੍ਤਰੇ ਚਿਤ੍ਤੇ વਸਨ੍ਤਿ ਪવਤ੍ਤਨ੍ਤਿ। ਤੇ ਏਤਂ ਅਧਿਭવਨ੍ਤੀਤਿ ਤੇ ਕਿਲੇਸਾ ਏਤਂ ਪੁਗ੍ਗਲਂ ਅਭਿਭવਿਤ੍વਾ ਅਤ੍ਤਨੋ વਸੇ વਤ੍ਤੇਨ੍ਤਿ। ਤੇਨਾਹ – ‘‘ਅਜ੍ਝੋਤ੍ਥਰਨ੍ਤਿ ਸਿਕ੍ਖਾਪੇਨ੍ਤਿ વਾ’’ਤਿ। ਤੇਹਿ ਆਚਰਿਯੇਹੀਤਿ ਤੇਹਿ ਕਿਲੇਸਸਙ੍ਖਾਤੇਹਿ ਸਤ੍ਤੇ ਅਤ੍ਤਨੋ ਗਤਿਯਂ ਠਪੇਨ੍ਤੇਹਿ ਆਚਰਿਯੇਹਿ। ਸਤ੍ਤਮਂ ਹੇਟ੍ਠਾ ਕਥਿਤਨਯਮੇવਾਤਿ ਯਸ੍ਮਾ ਹੇਟ੍ਠਾ ਖਨ੍ਧવਸੇਨ ਦੇਸਨਾ ਆਗਤਾ, ਇਧ ਆਯਤਨવਸੇਨਾਤਿ ਅਯਮੇવ વਿਸੇਸੋ।
151-152. Anta-saddo samīpatthe vattati ‘‘udakantaṃ vananta’’ntiādīsu, kileso pana atiāsanne vasati abbhantaravuttitāyāti ‘‘antevāsika’’nti vutto vibhattialopena yathā ‘‘vanekusalo, kūlerukkhā’’ti. Tenāha – ‘‘anantevāsikanti antovasanakilesavirahita’’nti. Ācaraṇakakilesavirahitanti samudācaraṇakilesarahitaṃ. Antoassa vasantīti assa puggalassa anto abbhantare citte vasanti pavattanti. Te etaṃ adhibhavantīti te kilesā etaṃ puggalaṃ abhibhavitvā attano vase vattenti. Tenāha – ‘‘ajjhottharanti sikkhāpenti vā’’ti. Tehi ācariyehīti tehi kilesasaṅkhātehi satte attano gatiyaṃ ṭhapentehi ācariyehi. Sattamaṃ heṭṭhā kathitanayamevāti yasmā heṭṭhā khandhavasena desanā āgatā, idha āyatanavasenāti ayameva viseso.
ਅਨ੍ਤੇવਾਸਿਕਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Antevāsikasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੬. ਅਨ੍ਤੇવਾਸਿਕਸੁਤ੍ਤਂ • 6. Antevāsikasuttaṃ
੭. ਕਿਮਤ੍ਥਿਯਬ੍ਰਹ੍ਮਚਰਿਯਸੁਤ੍ਤਂ • 7. Kimatthiyabrahmacariyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬-੭. ਅਨ੍ਤੇવਾਸਿਕਸੁਤ੍ਤਾਦਿવਣ੍ਣਨਾ • 6-7. Antevāsikasuttādivaṇṇanā
