| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
14. анд̇зваасигавад̇д̇агат̇аа
14. Antevāsikavattakathā
381. д̇зна ко бана самаязна аажарияаа анд̇зваасигзсу на саммаа вад̇д̇анд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аажарияаа анд̇зваасигзсу на саммаа вад̇д̇иссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, аажарияаа анд̇зваасигзсу на саммаа вад̇д̇анд̇ий’’д̇и? ‘‘сажжам̣ бхаг̇аваа’’д̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
381. Tena kho pana samayena ācariyā antevāsikesu na sammā vattanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma ācariyā antevāsikesu na sammā vattissantī’’ti! Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, ācariyā antevāsikesu na sammā vattantī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi –
382. ‘‘д̇зна хи, бхигкавз, аажарияаанам̣ анд̇зваасигзсу вад̇д̇ам̣ бан̃н̃абзссаами яат̇аа аажариязхи анд̇зваасигзсу саммаа вад̇д̇ид̇аб̣б̣ам̣. 1 аажариязна, бхигкавз, анд̇зваасигамхи саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа –
382. ‘‘Tena hi, bhikkhave, ācariyānaṃ antevāsikesu vattaṃ paññapessāmi yathā ācariyehi antevāsikesu sammā vattitabbaṃ. 2 Ācariyena, bhikkhave, antevāsikamhi sammā vattitabbaṃ. Tatrāyaṃ sammāvattanā –
‘‘аажариязна, бхигкавз, анд̇зваасиго сан̇г̇ахзд̇аб̣б̣о ануг̇г̇ахзд̇аб̣б̣о уд̣̇д̣̇зсзна барибужчааяа оваад̣̇зна анусаасанияаа. сажз аажарияасса бад̇д̇о ход̇и, анд̇зваасигасса бад̇д̇о на ход̇и, аажариязна анд̇зваасигасса бад̇д̇о д̣̇аад̇аб̣б̣о, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса бад̇д̇о уббаж̇ж̇иязт̇аад̇и. сажз аажарияасса жийварам̣ ход̇и, анд̇зваасигасса жийварам̣ на ход̇и, аажариязна анд̇зваасигасса жийварам̣ д̣̇аад̇аб̣б̣ам̣, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса жийварам̣ уббаж̇ж̇иязт̇аад̇и. сажз аажарияасса баригкааро ход̇и, анд̇зваасигасса баригкааро на ход̇и, аажариязна анд̇зваасигасса баригкааро д̣̇аад̇аб̣б̣о, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса баригкааро уббаж̇ж̇иязт̇аад̇и.
‘‘Ācariyena, bhikkhave, antevāsiko saṅgahetabbo anuggahetabbo uddesena paripucchāya ovādena anusāsaniyā. Sace ācariyassa patto hoti, antevāsikassa patto na hoti, ācariyena antevāsikassa patto dātabbo, ussukkaṃ vā kātabbaṃ – kinti nu kho antevāsikassa patto uppajjiyethāti. Sace ācariyassa cīvaraṃ hoti, antevāsikassa cīvaraṃ na hoti, ācariyena antevāsikassa cīvaraṃ dātabbaṃ, ussukkaṃ vā kātabbaṃ – kinti nu kho antevāsikassa cīvaraṃ uppajjiyethāti. Sace ācariyassa parikkhāro hoti, antevāsikassa parikkhāro na hoti, ācariyena antevāsikassa parikkhāro dātabbo, ussukkaṃ vā kātabbaṃ – kinti nu kho antevāsikassa parikkhāro uppajjiyethāti.
‘‘сажз анд̇зваасиго г̇илаано ход̇и, гаалассзва удтааяа д̣̇анд̇агадтам̣ д̣̇аад̇аб̣б̣ам̣, мукод̣̇агам̣ д̣̇аад̇аб̣б̣ам̣, аасанам̣ бан̃н̃абзд̇аб̣б̣ам̣. сажз яааг̇у ход̇и , бхааж̇анам̣ д̇ховид̇ваа яааг̇у убанаамзд̇аб̣б̣аа. яааг̇ум̣ бийд̇асса уд̣̇агам̣ д̣̇ад̇ваа бхааж̇анам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа бадисаамзд̇аб̣б̣ам̣ . анд̇зваасигамхи вудтид̇з аасанам̣ уд̣̇д̇харид̇аб̣б̣ам̣. сажз со д̣̇зсо углаабо ход̇и, со д̣̇зсо саммаж̇ж̇ид̇аб̣б̣о.
‘‘Sace antevāsiko gilāno hoti, kālasseva uṭṭhāya dantakaṭṭhaṃ dātabbaṃ, mukhodakaṃ dātabbaṃ, āsanaṃ paññapetabbaṃ. Sace yāgu hoti , bhājanaṃ dhovitvā yāgu upanāmetabbā. Yāguṃ pītassa udakaṃ datvā bhājanaṃ paṭiggahetvā nīcaṃ katvā sādhukaṃ appaṭighaṃsantena dhovitvā paṭisāmetabbaṃ . Antevāsikamhi vuṭṭhite āsanaṃ uddharitabbaṃ. Sace so deso uklāpo hoti, so deso sammajjitabbo.
‘‘сажз анд̇зваасиго г̇аамам̣ бависид̇угаамо ход̇и, ниваасанам̣ д̣̇аад̇аб̣б̣ам̣, бадиниваасанам̣ бадиг̇г̇ахзд̇аб̣б̣ам̣, гааяаб̣анд̇ханам̣ д̣̇аад̇аб̣б̣ам̣, саг̇ун̣ам̣ гад̇ваа сан̇гхаадияо д̣̇аад̇аб̣б̣аа, д̇ховид̇ваа бад̇д̇о сод̣̇аго д̣̇аад̇аб̣б̣о.
‘‘Sace antevāsiko gāmaṃ pavisitukāmo hoti, nivāsanaṃ dātabbaṃ, paṭinivāsanaṃ paṭiggahetabbaṃ, kāyabandhanaṃ dātabbaṃ, saguṇaṃ katvā saṅghāṭiyo dātabbā, dhovitvā patto sodako dātabbo.
‘‘зд̇д̇аавад̇аа нивад̇д̇иссад̇ийд̇и аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣, бажжуг̇г̇анд̇ваа бад̇д̇ажийварам̣ бадиг̇г̇ахзд̇аб̣б̣ам̣, бадиниваасанам̣ д̣̇аад̇аб̣б̣ам̣, ниваасанам̣ бадиг̇г̇ахзд̇аб̣б̣ам̣. сажз жийварам̣ синнам̣ ход̇и, мухуд̇д̇ам̣ ун̣хз од̇аабзд̇аб̣б̣ам̣, на жа ун̣хз жийварам̣ нид̣̇ахид̇аб̣б̣ам̣. жийварам̣ сан̇гхарид̇аб̣б̣ам̣. жийварам̣ сан̇гхаранд̇зна жад̇уран̇г̇улам̣ ган̣н̣ам̣ уссаарзд̇ваа жийварам̣ сан̇гхарид̇аб̣б̣ам̣ – маа маж̇жхз бхан̇г̇о ахосийд̇и. обхог̇з гааяаб̣анд̇ханам̣ гаад̇аб̣б̣ам̣.
‘‘Ettāvatā nivattissatīti āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ, paccuggantvā pattacīvaraṃ paṭiggahetabbaṃ, paṭinivāsanaṃ dātabbaṃ, nivāsanaṃ paṭiggahetabbaṃ. Sace cīvaraṃ sinnaṃ hoti, muhuttaṃ uṇhe otāpetabbaṃ, na ca uṇhe cīvaraṃ nidahitabbaṃ. Cīvaraṃ saṅgharitabbaṃ. Cīvaraṃ saṅgharantena caturaṅgulaṃ kaṇṇaṃ ussāretvā cīvaraṃ saṅgharitabbaṃ – mā majjhe bhaṅgo ahosīti. Obhoge kāyabandhanaṃ kātabbaṃ.
‘‘сажз бин̣д̣абаад̇о ход̇и, анд̇зваасиго жа бхун̃ж̇ид̇угаамо ход̇и, уд̣̇агам̣ д̣̇ад̇ваа бин̣д̣абаад̇о убанаамзд̇аб̣б̣о. анд̇зваасиго баанийязна бужчид̇аб̣б̣о. бхуд̇д̇аависса уд̣̇агам̣ д̣̇ад̇ваа бад̇д̇ам̣ бадиг̇г̇ахзд̇ваа нийжам̣ гад̇ваа саад̇хугам̣ аббадигхам̣санд̇зна д̇ховид̇ваа вод̣̇агам̣ гад̇ваа мухуд̇д̇ам̣ ун̣хз од̇аабзд̇аб̣б̣о, на жа ун̣хз бад̇д̇о нид̣̇ахид̇аб̣б̣о. бад̇д̇ажийварам̣ нигкибид̇аб̣б̣ам̣. бад̇д̇ам̣ нигкибанд̇зна…бз… жийварам̣ нигкибанд̇зна…бз… баарад̇о анд̇ам̣ орад̇о бхог̇ам̣ гад̇ваа жийварам̣ нигкибид̇аб̣б̣ам̣. анд̇зваасигамхи удтид̇з аасанам̣ уд̣̇д̇харид̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзд̇аб̣б̣ам̣. сажз со д̣̇зсо углаабо ход̇и, со д̣̇зсо саммаж̇ж̇ид̇аб̣б̣о.
‘‘Sace piṇḍapāto hoti, antevāsiko ca bhuñjitukāmo hoti, udakaṃ datvā piṇḍapāto upanāmetabbo. Antevāsiko pānīyena pucchitabbo. Bhuttāvissa udakaṃ datvā pattaṃ paṭiggahetvā nīcaṃ katvā sādhukaṃ appaṭighaṃsantena dhovitvā vodakaṃ katvā muhuttaṃ uṇhe otāpetabbo, na ca uṇhe patto nidahitabbo. Pattacīvaraṃ nikkhipitabbaṃ. Pattaṃ nikkhipantena…pe… cīvaraṃ nikkhipantena…pe… pārato antaṃ orato bhogaṃ katvā cīvaraṃ nikkhipitabbaṃ. Antevāsikamhi uṭṭhite āsanaṃ uddharitabbaṃ, pādodakaṃ pādapīṭhaṃ pādakathalikaṃ paṭisāmetabbaṃ. Sace so deso uklāpo hoti, so deso sammajjitabbo.
‘‘сажз анд̇зваасиго нахааяид̇угаамо ход̇и, нахаанам̣ бадияаад̣̇зд̇аб̣б̣ам̣. сажз сийд̇зна ад̇т̇о ход̇и, сийд̇ам̣ бадияаад̣̇зд̇аб̣б̣ам̣. сажз ун̣хзна ад̇т̇о ход̇и, ун̣хам̣ бадияаад̣̇зд̇аб̣б̣ам̣.
‘‘Sace antevāsiko nahāyitukāmo hoti, nahānaṃ paṭiyādetabbaṃ. Sace sītena attho hoti, sītaṃ paṭiyādetabbaṃ. Sace uṇhena attho hoti, uṇhaṃ paṭiyādetabbaṃ.
‘‘сажз анд̇зваасиго ж̇анд̇аагхарам̣ бависид̇угаамо ход̇и, жун̣н̣ам̣ саннзд̇аб̣б̣ам̣, мад̇д̇игаа д̇змзд̇аб̣б̣аа, ж̇анд̇аагхарабийтам̣ аад̣̇ааяа 3 г̇анд̇ваа ж̇анд̇аагхарабийтам̣ д̣̇ад̇ваа жийварам̣ бадиг̇г̇ахзд̇ваа згаманд̇ам̣ нигкибид̇аб̣б̣ам̣, жун̣н̣ам̣ д̣̇аад̇аб̣б̣ам̣, мад̇д̇игаа д̣̇аад̇аб̣б̣аа. сажз уссахад̇и ж̇анд̇аагхарам̣ бависид̇аб̣б̣ам̣. ж̇анд̇аагхарам̣ бависанд̇зна мад̇д̇игааяа мукам̣ магкзд̇ваа бурад̇о жа бажчад̇о жа бадижчаад̣̇зд̇ваа ж̇анд̇аагхарам̣ бависид̇аб̣б̣ам̣. на т̇зрз бхигкуу анубакаж̇ж̇а нисийд̣̇ид̇аб̣б̣ам̣. на наваа бхигкуу аасанзна бадиб̣аахид̇аб̣б̣аа . ж̇анд̇аагхарз анд̇зваасигасса баригаммам̣ гаад̇аб̣б̣ам̣. ж̇анд̇аагхараа нигкаманд̇зна ж̇анд̇аагхарабийтам̣ аад̣̇ааяа бурад̇о жа бажчад̇о жа бадижчаад̣̇зд̇ваа ж̇анд̇аагхараа нигкамид̇аб̣б̣ам̣.
‘‘Sace antevāsiko jantāgharaṃ pavisitukāmo hoti, cuṇṇaṃ sannetabbaṃ, mattikā temetabbā, jantāgharapīṭhaṃ ādāya 4 gantvā jantāgharapīṭhaṃ datvā cīvaraṃ paṭiggahetvā ekamantaṃ nikkhipitabbaṃ, cuṇṇaṃ dātabbaṃ, mattikā dātabbā. Sace ussahati jantāgharaṃ pavisitabbaṃ. Jantāgharaṃ pavisantena mattikāya mukhaṃ makkhetvā purato ca pacchato ca paṭicchādetvā jantāgharaṃ pavisitabbaṃ. Na there bhikkhū anupakhajja nisīditabbaṃ. Na navā bhikkhū āsanena paṭibāhitabbā . Jantāghare antevāsikassa parikammaṃ kātabbaṃ. Jantāgharā nikkhamantena jantāgharapīṭhaṃ ādāya purato ca pacchato ca paṭicchādetvā jantāgharā nikkhamitabbaṃ.
‘‘уд̣̇агзби анд̇зваасигасса баригаммам̣ гаад̇аб̣б̣ам̣. нахаад̇зна батамад̇арам̣ уд̇д̇арид̇ваа ад̇д̇ано г̇ад̇д̇ам̣ вод̣̇агам̣ гад̇ваа ниваасзд̇ваа анд̇зваасигасса г̇ад̇д̇ад̇о уд̣̇агам̣ бамаж̇ж̇ид̇аб̣б̣ам̣, ниваасанам̣ д̣̇аад̇аб̣б̣ам̣, сан̇гхаади д̣̇аад̇аб̣б̣аа, ж̇анд̇аагхарабийтам̣ аад̣̇ааяа батамад̇арам̣ ааг̇анд̇ваа аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣, анд̇зваасиго баанийязна бужчид̇аб̣б̣о.
‘‘Udakepi antevāsikassa parikammaṃ kātabbaṃ. Nahātena paṭhamataraṃ uttaritvā attano gattaṃ vodakaṃ katvā nivāsetvā antevāsikassa gattato udakaṃ pamajjitabbaṃ, nivāsanaṃ dātabbaṃ, saṅghāṭi dātabbā, jantāgharapīṭhaṃ ādāya paṭhamataraṃ āgantvā āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ, antevāsiko pānīyena pucchitabbo.
‘‘яасмим̣ вихаарз анд̇зваасиго вихарад̇и, сажз со вихааро углаабо ход̇и, сажз уссахад̇и, сод̇хзд̇аб̣б̣о. вихаарам̣ сод̇хзнд̇зна батамам̣ бад̇д̇ажийварам̣ нийхарид̇ваа згаманд̇ам̣ нигкибид̇аб̣б̣ам̣…бз… аажаманагумбхияаа уд̣̇агам̣ на ход̇и, аажаманагумбхияаа уд̣̇агам̣ аасин̃жид̇аб̣б̣ам̣.
‘‘Yasmiṃ vihāre antevāsiko viharati, sace so vihāro uklāpo hoti, sace ussahati, sodhetabbo. Vihāraṃ sodhentena paṭhamaṃ pattacīvaraṃ nīharitvā ekamantaṃ nikkhipitabbaṃ…pe… ācamanakumbhiyā udakaṃ na hoti, ācamanakumbhiyā udakaṃ āsiñcitabbaṃ.
‘‘сажз анд̇зваасигасса анабхирад̇и уббаннаа ход̇и, аажариязна вуубагаасзд̇аб̣б̣о, вуубагаасаабзд̇аб̣б̣о, д̇хаммагат̇аа ваасса гаад̇аб̣б̣аа. сажз анд̇зваасигасса гуггужжам̣ уббаннам̣ ход̇и, аажариязна винод̣̇зд̇аб̣б̣ам̣, винод̣̇аабзд̇аб̣б̣ам̣, д̇хаммагат̇аа ваасса гаад̇аб̣б̣аа. сажз анд̇зваасигасса д̣̇идтиг̇ад̇ам̣ уббаннам̣ ход̇и, аажариязна вивзжзд̇аб̣б̣ам̣, вивзжаабзд̇аб̣б̣ам̣, д̇хаммагат̇аа ваасса гаад̇аб̣б̣аа. сажз анд̇зваасиго г̇аруд̇хаммам̣ аж̇жхаабанно ход̇и, бариваасаарахо, аажариязна уссуггам̣ гаад̇аб̣б̣ам̣ – гинд̇и ну ко сан̇гхо анд̇зваасигасса бариваасам̣ д̣̇ад̣̇зяяаад̇и. сажз анд̇зваасиго муулааяабадигассанаарахо ход̇и, аажариязна уссуггам̣ гаад̇аб̣б̣ам̣ – гинд̇и ну ко сан̇гхо анд̇зваасигам̣ муулааяа бадигассзяяаад̇и. сажз анд̇зваасиго маанад̇д̇аарахо ход̇и, аажариязна уссуггам̣ гаад̇аб̣б̣ам̣ – гинд̇и ну ко сан̇гхо анд̇зваасигасса маанад̇д̇ам̣ д̣̇ад̣̇зяяаад̇и. сажз анд̇зваасиго аб̣бхаанаарахо ход̇и, аажариязна уссуггам̣ гаад̇аб̣б̣ам̣ – гинд̇и ну ко сан̇гхо анд̇зваасигам̣ аб̣бхзяяаад̇и. сажз сан̇гхо анд̇зваасигасса гаммам̣ гад̇д̇угаамо ход̇и, д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, аажариязна уссуггам̣ гаад̇аб̣б̣ам̣ – гинд̇и ну ко сан̇гхо анд̇зваасигасса гаммам̣ на гарзяяа , лахугааяа ваа барин̣аамзяяаад̇и. гад̇ам̣ ваа банасса ход̇и, сан̇гхзна гаммам̣, д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, аажариязна уссуггам̣ гаад̇аб̣б̣ам̣ – гинд̇и ну ко анд̇зваасиго саммаа вад̇д̇зяяа, ломам̣ баад̇зяяа, нзд̇т̇аарам̣ вад̇д̇зяяа, сан̇гхо д̇ам̣ гаммам̣ бадиббассамбхзяяаад̇и.
‘‘Sace antevāsikassa anabhirati uppannā hoti, ācariyena vūpakāsetabbo, vūpakāsāpetabbo, dhammakathā vāssa kātabbā. Sace antevāsikassa kukkuccaṃ uppannaṃ hoti, ācariyena vinodetabbaṃ, vinodāpetabbaṃ, dhammakathā vāssa kātabbā. Sace antevāsikassa diṭṭhigataṃ uppannaṃ hoti, ācariyena vivecetabbaṃ, vivecāpetabbaṃ, dhammakathā vāssa kātabbā. Sace antevāsiko garudhammaṃ ajjhāpanno hoti, parivāsāraho, ācariyena ussukkaṃ kātabbaṃ – kinti nu kho saṅgho antevāsikassa parivāsaṃ dadeyyāti. Sace antevāsiko mūlāyapaṭikassanāraho hoti, ācariyena ussukkaṃ kātabbaṃ – kinti nu kho saṅgho antevāsikaṃ mūlāya paṭikasseyyāti. Sace antevāsiko mānattāraho hoti, ācariyena ussukkaṃ kātabbaṃ – kinti nu kho saṅgho antevāsikassa mānattaṃ dadeyyāti. Sace antevāsiko abbhānāraho hoti, ācariyena ussukkaṃ kātabbaṃ – kinti nu kho saṅgho antevāsikaṃ abbheyyāti. Sace saṅgho antevāsikassa kammaṃ kattukāmo hoti, tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, ācariyena ussukkaṃ kātabbaṃ – kinti nu kho saṅgho antevāsikassa kammaṃ na kareyya , lahukāya vā pariṇāmeyyāti. Kataṃ vā panassa hoti, saṅghena kammaṃ, tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, ācariyena ussukkaṃ kātabbaṃ – kinti nu kho antevāsiko sammā vatteyya, lomaṃ pāteyya, netthāraṃ vatteyya, saṅgho taṃ kammaṃ paṭippassambheyyāti.
‘‘сажз анд̇зваасигасса жийварам̣ д̇ховид̇аб̣б̣ам̣ ход̇и, аажариязна аажигкид̇аб̣б̣ам̣ – звам̣ д̇ховзяяаасийд̇и, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса жийварам̣ д̇ховиязт̇аад̇и. сажз анд̇зваасигасса жийварам̣ гаад̇аб̣б̣ам̣ ход̇и, аажариязна аажигкид̇аб̣б̣ам̣ – звам̣ гарзяяаасийд̇и, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса жийварам̣ гариязт̇аад̇и. сажз анд̇зваасигасса раж̇анам̣ бажид̇аб̣б̣ам̣ ход̇и, аажариязна аажигкид̇аб̣б̣ам̣ – звам̣ бажзяяаасийд̇и, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса раж̇анам̣ бажиязт̇аад̇и. сажз анд̇зваасигасса жийварам̣ раж̇ид̇аб̣б̣ам̣ ход̇и, аажариязна аажигкид̇аб̣б̣ам̣ – звам̣ раж̇зяяаасийд̇и, уссуггам̣ ваа гаад̇аб̣б̣ам̣ – гинд̇и ну ко анд̇зваасигасса жийварам̣ раж̇иязт̇аад̇и. жийварам̣ раж̇анд̇зна саад̇хугам̣ самбаривад̇д̇агам̣ самбаривад̇д̇агам̣ раж̇ид̇аб̣б̣ам̣. на жа ажчиннз т̇звз баггамид̇аб̣б̣ам̣. сажз анд̇зваасиго г̇илаано ход̇и, яааваж̇ийвам̣ убадтаад̇аб̣б̣о, вудтаанамасса ааг̇амзд̇аб̣б̣ам̣. ид̣̇ам̣ ко, бхигкавз, аажарияаанам̣ анд̇зваасигзсу вад̇д̇ам̣ яат̇аа аажариязхи анд̇зваасигзсу саммаа вад̇д̇ид̇аб̣б̣а’’нд̇и.
‘‘Sace antevāsikassa cīvaraṃ dhovitabbaṃ hoti, ācariyena ācikkhitabbaṃ – evaṃ dhoveyyāsīti, ussukkaṃ vā kātabbaṃ – kinti nu kho antevāsikassa cīvaraṃ dhoviyethāti. Sace antevāsikassa cīvaraṃ kātabbaṃ hoti, ācariyena ācikkhitabbaṃ – evaṃ kareyyāsīti, ussukkaṃ vā kātabbaṃ – kinti nu kho antevāsikassa cīvaraṃ kariyethāti. Sace antevāsikassa rajanaṃ pacitabbaṃ hoti, ācariyena ācikkhitabbaṃ – evaṃ paceyyāsīti, ussukkaṃ vā kātabbaṃ – kinti nu kho antevāsikassa rajanaṃ paciyethāti. Sace antevāsikassa cīvaraṃ rajitabbaṃ hoti, ācariyena ācikkhitabbaṃ – evaṃ rajeyyāsīti, ussukkaṃ vā kātabbaṃ – kinti nu kho antevāsikassa cīvaraṃ rajiyethāti. Cīvaraṃ rajantena sādhukaṃ samparivattakaṃ samparivattakaṃ rajitabbaṃ. Na ca acchinne theve pakkamitabbaṃ. Sace antevāsiko gilāno hoti, yāvajīvaṃ upaṭṭhātabbo, vuṭṭhānamassa āgametabbaṃ. Idaṃ kho, bhikkhave, ācariyānaṃ antevāsikesu vattaṃ yathā ācariyehi antevāsikesu sammā vattitabba’’nti.
вад̇д̇агканд̇хаго адтамо.
Vattakkhandhako aṭṭhamo.
имамхи канд̇хагз вад̇т̇уу згуунавийсад̇и, вад̇д̇аа жуд̣̇д̣̇аса.
Imamhi khandhake vatthū ekūnavīsati, vattā cuddasa.
д̇ассуд̣̇д̣̇аанам̣ –
Tassuddānaṃ –
саубааханаа чад̇д̇аа жа, ог̇ун̣ти сийсам̣ баанийяам̣;
Saupāhanā chattā ca, oguṇṭhi sīsaṃ pānīyaṃ;
наабхиваад̣̇з на бужчанд̇и, ахи уж̇жханд̇и бзсалаа.
Nābhivāde na pucchanti, ahi ujjhanti pesalā.
омун̃жи чад̇д̇ам̣ канд̇хз жа, ад̇аран̃жа бадиггамам̣;
Omuñci chattaṃ khandhe ca, atarañca paṭikkamaṃ;
бад̇д̇ажийварам̣ нигкибаа, бад̇ируубан̃жа бужчид̇аа.
Pattacīvaraṃ nikkhipā, patirūpañca pucchitā.
аасин̃жзяяа д̇ховид̇зна, сугкзналлзнубааханаа;
Āsiñceyya dhovitena, sukkhenallenupāhanā;
вуд̣дхо наваго бужчзяяа, аж̇жхаавудтан̃жа г̇ожараа.
Vuḍḍho navako puccheyya, ajjhāvuṭṭhañca gocarā.
сзгкаа важжаа бааний бари, гад̇д̇арам̣ гад̇игам̣ д̇ад̇о;
Sekkhā vaccā pānī pari, kattaraṃ katikaṃ tato;
гаалам̣ мухуд̇д̇ам̣ углаабо, бхуумад̇т̇аран̣ам̣ нийхарз.
Kālaṃ muhuttaṃ uklāpo, bhūmattharaṇaṃ nīhare.
бадибаад̣̇о бхисиб̣иб̣б̣о, ман̃жабийтан̃жа маллагам̣;
Paṭipādo bhisibibbo, mañcapīṭhañca mallakaṃ;
абассзнуллогаган̣н̣аа, г̇зругаа гаал̣а агад̇аа.
Apassenullokakaṇṇā, gerukā kāḷa akatā.
сан̇гааран̃жа бхуумад̇т̇аран̣ам̣, бадибаад̣̇агам̣ ман̃жабийтам̣;
Saṅkārañca bhūmattharaṇaṃ, paṭipādakaṃ mañcapīṭhaṃ;
бхиси нисийд̣̇анамби, маллагам̣ абассзна жа.
Bhisi nisīdanampi, mallakaṃ apassena ca.
бад̇д̇ажийварам̣ бхууми жа, бааранд̇ам̣ орад̇о бхог̇ам̣;
Pattacīvaraṃ bhūmi ca, pārantaṃ orato bhogaṃ;
бурад̇т̇имаа бажчимаа жа, уд̇д̇араа ат̇а д̣̇агкин̣аа.
Puratthimā pacchimā ca, uttarā atha dakkhiṇā.
сийд̇ун̣хз жа д̣̇иваарад̇д̇им̣, баривзн̣ан̃жа годтаго;
Sītuṇhe ca divārattiṃ, pariveṇañca koṭṭhako;
убадтаанаг̇г̇и саалаа жа, вад̇д̇ам̣ важжагудийсу жа.
Upaṭṭhānaggi sālā ca, vattaṃ vaccakuṭīsu ca.
бааний барибхож̇анияаа, гумбхи аажаманзсу жа;
Pānī paribhojaniyā, kumbhi ācamanesu ca;
нзваасанам̣ на уд̣̇агам̣, на бажжу на жа баанияам̣;
Nevāsanaṃ na udakaṃ, na paccu na ca pāniyaṃ;
наабхиваад̣̇з набан̃н̃абз, уж̇жхааяанд̇и жа бзсалаа.
Nābhivāde napaññape, ujjhāyanti ca pesalā.
вуд̣дхаасанан̃жа уд̣̇агам̣, бажжуг̇г̇анд̇ваа жа баанияам̣;
Vuḍḍhāsanañca udakaṃ, paccuggantvā ca pāniyaṃ;
убааханз згаманд̇ам̣, абхиваад̣̇з жа бан̃н̃абз.
Upāhane ekamantaṃ, abhivāde ca paññape.
вуд̇т̇ам̣ г̇ожарасзгко жа, таанам̣ баанияабхож̇анам̣;
Vutthaṃ gocarasekkho ca, ṭhānaṃ pāniyabhojanaṃ;
гад̇д̇арам̣ гад̇игам̣ гаалам̣, навагасса нисиннагз.
Kattaraṃ katikaṃ kālaṃ, navakassa nisinnake.
абхиваад̣̇аяз аажигкз, яат̇аа хздтаа д̇ат̇аа наяз;
Abhivādaye ācikkhe, yathā heṭṭhā tathā naye;
нид̣̇д̣̇идтам̣ сад̇т̇аваахзна вад̇д̇ам̣ ааваасигзхимз.
Niddiṭṭhaṃ satthavāhena vattaṃ āvāsikehime.
г̇амигаа д̣̇аарумад̇д̇и жа, виварид̇ваа на бужчияа;
Gamikā dārumatti ca, vivaritvā na pucchiya;
нассанд̇и жа аг̇уд̇д̇ан̃жа, уж̇жхааяанд̇и жа бзсалаа.
Nassanti ca aguttañca, ujjhāyanti ca pesalā.
бадисаамзд̇ваа т̇агзд̇ваа, аабужчид̇ваава баггамз;
Paṭisāmetvā thaketvā, āpucchitvāva pakkame;
бхигку ваа сааман̣зро ваа, аараамиго убаасаго.
Bhikkhu vā sāmaṇero vā, ārāmiko upāsako.
баасаан̣агзсу жа бун̃ж̇ам̣, бадисаамз т̇агзяяа жа;
Pāsāṇakesu ca puñjaṃ, paṭisāme thakeyya ca;
сажз уссахад̇и уссуггам̣, ановассз д̇ат̇зва жа.
Sace ussahati ussukkaṃ, anovasse tatheva ca.
саб̣б̣о овассад̇и г̇аамам̣, аж̇жхогаасз д̇ат̇зва жа;
Sabbo ovassati gāmaṃ, ajjhokāse tatheva ca;
аббзван̇г̇аани сзсзяяум̣, вад̇д̇ам̣ г̇амигабхигкунаа.
Appevaṅgāni seseyyuṃ, vattaṃ gamikabhikkhunā.
наанумод̣̇анд̇и т̇зрзна, охааяа жад̇убан̃жахи;
Nānumodanti therena, ohāya catupañcahi;
важжид̇о мужчид̇о ааси, вад̇д̇аанумод̣̇анзсумз.
Vaccito mucchito āsi, vattānumodanesume.
чаб̣б̣аг̇г̇ияаа д̣̇уннивад̇т̇аа, ат̇оби жа д̣̇уббааруд̇аа;
Chabbaggiyā dunnivatthā, athopi ca duppārutā;
анаагаббаа жа воггамма, т̇зрз анубакаж̇ж̇анз.
Anākappā ca vokkamma, there anupakhajjane.
навз бхигкуу жа сан̇гхаади, уж̇жхааяанд̇и жа бзсалаа;
Nave bhikkhū ca saṅghāṭi, ujjhāyanti ca pesalā;
д̇иман̣д̣алам̣ ниваасзд̇ваа, гааяасаг̇ун̣аг̇ан̣тигаа.
Timaṇḍalaṃ nivāsetvā, kāyasaguṇagaṇṭhikā.
на воггамма бадижчаннам̣, сусам̣вуд̇огкид̇д̇ажагку;
Na vokkamma paṭicchannaṃ, susaṃvutokkhittacakkhu;
угкид̇д̇ож̇ж̇аг̇гхигаасад̣̇д̣̇о, д̇аяо жзва бажааланаа.
Ukkhittojjagghikāsaddo, tayo ceva pacālanā.
камбхог̇ун̣тиуггудигаа, бадижчаннам̣ сусам̣вуд̇о;
Khambhoguṇṭhiukkuṭikā, paṭicchannaṃ susaṃvuto;
огкид̇д̇угкид̇д̇ауж̇ж̇аг̇гхи, аббасад̣̇д̣̇о д̇аяо жалаа.
Okkhittukkhittaujjagghi, appasaddo tayo calā.
камбхог̇ун̣тибаллад̇т̇и жа, анубакаж̇ж̇а наасанз;
Khambhoguṇṭhipallatthi ca, anupakhajja nāsane;
од̇т̇арид̇ваана уд̣̇агз, нийжам̣ гад̇ваана син̃жияаа.
Ottharitvāna udake, nīcaṃ katvāna siñciyā.
бади сааманд̇аа сан̇гхаади, од̣̇анз жа бадиг̇г̇ахз;
Paṭi sāmantā saṅghāṭi, odane ca paṭiggahe;
суубам̣ уд̇д̇арибхан̇г̇зна, саб̣б̣зсам̣ самад̇ид̇т̇и жа.
Sūpaṃ uttaribhaṅgena, sabbesaṃ samatitthi ca.
саггажжам̣ бад̇д̇асан̃н̃ий жа, сабад̣̇аанан̃жа суубагам̣;
Sakkaccaṃ pattasaññī ca, sapadānañca sūpakaṃ;
на т̇уубад̇о бадижчаад̣̇з, вин̃н̃ад̇д̇уж̇жхаанасан̃н̃инаа.
Na thūpato paṭicchāde, viññattujjhānasaññinā.
маханд̇аман̣д̣алад̣̇ваарам̣, саб̣б̣ахад̇т̇о на б̣яаахарз;
Mahantamaṇḍaladvāraṃ, sabbahattho na byāhare;
угкзбо чзд̣̇анааг̇ан̣д̣а, д̇хунам̣ сид̇т̇аавагаарагам̣.
Ukkhepo chedanāgaṇḍa, dhunaṃ sitthāvakārakaṃ.
ж̇ивхаанижчаараган̃жзва, жабужабу сурусуру;
Jivhānicchārakañceva, capucapu surusuru;
хад̇т̇абад̇д̇одтаниллзхам̣, саамисзна бадиг̇г̇ахз.
Hatthapattoṭṭhanillehaṃ, sāmisena paṭiggahe.
яаава на саб̣б̣з уд̣̇агз, нийжам̣ гад̇ваана син̃жияам̣;
Yāva na sabbe udake, nīcaṃ katvāna siñciyaṃ;
бади сааманд̇аа сан̇гхаади, нийжам̣ гад̇ваа чамааяа жа.
Paṭi sāmantā saṅghāṭi, nīcaṃ katvā chamāya ca.
сасид̇т̇агам̣ нивад̇д̇анд̇з, суббадижчаннамуггуди;
Sasitthakaṃ nivattante, suppaṭicchannamukkuṭi;
д̇хаммарааж̇зна бан̃н̃ад̇д̇ам̣, ид̣̇ам̣ бхад̇д̇аг̇г̇авад̇д̇анам̣.
Dhammarājena paññattaṃ, idaṃ bhattaggavattanaṃ.
д̣̇уннивад̇т̇аа анаагаббаа, асаллзгкзд̇ваа жа сахасаа;
Dunnivatthā anākappā, asallekkhetvā ca sahasā;
д̣̇уурз ажжа жирам̣ лахум̣, д̇ат̇зва бин̣д̣ажаариго.
Dūre acca ciraṃ lahuṃ, tatheva piṇḍacāriko.
бадижчаннова г̇ажчзяяа, сум̣савуд̇огкид̇д̇ажагку;
Paṭicchannova gaccheyya, suṃsavutokkhittacakkhu;
угкид̇д̇ож̇ж̇аг̇гхигаасад̣̇д̣̇о, д̇аяо жзва бажааланаа.
Ukkhittojjagghikāsaddo, tayo ceva pacālanā.
камбхог̇ун̣тиуггудигаа, саллагкзд̇ваа жа сахасаа;
Khambhoguṇṭhiukkuṭikā, sallakkhetvā ca sahasā;
д̣̇уурз ажжа жирам̣ лахум̣, аасанагам̣ гадажчугаа.
Dūre acca ciraṃ lahuṃ, āsanakaṃ kaṭacchukā.
бхааж̇анам̣ ваа табзд̇и жа, ужжаарзд̇ваа бан̣аамзд̇ваа;
Bhājanaṃ vā ṭhapeti ca, uccāretvā paṇāmetvā;
бадиг̇г̇ахз на уллогз, суубзсуби д̇ат̇зва д̇ам̣.
Paṭiggahe na ulloke, sūpesupi tatheva taṃ.
бхигку сан̇гхаадияаа чаад̣̇з, бадижчаннзва г̇ажчияам̣;
Bhikkhu saṅghāṭiyā chāde, paṭicchanneva gacchiyaṃ;
сам̣вуд̇огкид̇д̇ажагку жа, угкид̇д̇ож̇ж̇аг̇гхигааяа жа;
Saṃvutokkhittacakkhu ca, ukkhittojjagghikāya ca;
аббасад̣̇д̣̇о д̇аяо жаалаа, камбхог̇ун̣тигауггуди.
Appasaddo tayo cālā, khambhoguṇṭhikaukkuṭi.
батамаасанаваггаара , баанияам̣ барибхож̇аний;
Paṭhamāsanavakkāra , pāniyaṃ paribhojanī;
бажчааган̇кад̇и бхун̃ж̇зяяа, обилаабзяяа уд̣̇д̇харз.
Pacchākaṅkhati bhuñjeyya, opilāpeyya uddhare.
бадисаамзяяа саммаж̇ж̇з, рид̇д̇ам̣ д̇ужчам̣ убадтабз;
Paṭisāmeyya sammajje, rittaṃ tucchaṃ upaṭṭhape;
хад̇т̇авигаарз бхинд̣̇зяяа, вад̇д̇ид̣̇ам̣ бин̣д̣ажааригз.
Hatthavikāre bhindeyya, vattidaṃ piṇḍacārike.
бааний бари аг̇г̇иран̣и, нагкад̇д̇ад̣̇исажораа жа;
Pānī pari aggiraṇi, nakkhattadisacorā ca;
саб̣б̣ам̣ над̇т̇ийд̇и годдзд̇ваа, бад̇д̇ам̣сз жийварам̣ д̇ад̇о.
Sabbaṃ natthīti koṭṭetvā, pattaṃse cīvaraṃ tato.
ид̣̇аани ам̣сз лаг̇г̇зд̇ваа, д̇иман̣д̣алам̣ бариман̣д̣алам̣;
Idāni aṃse laggetvā, timaṇḍalaṃ parimaṇḍalaṃ;
яат̇аа бин̣д̣ажааривад̇д̇ам̣, наяз ааран̃н̃агзсуби.
Yathā piṇḍacārivattaṃ, naye āraññakesupi.
бад̇д̇ам̣сз жийварам̣ сийсз, аарохид̇ваа жа баанияам̣;
Pattaṃse cīvaraṃ sīse, ārohitvā ca pāniyaṃ;
барибхож̇анияам̣ аг̇г̇и, аран̣ий жааби гад̇д̇арам̣.
Paribhojaniyaṃ aggi, araṇī cāpi kattaraṃ.
нагкад̇д̇ам̣ саббад̣̇зсам̣ ваа, д̣̇исааби гусало бхавз;
Nakkhattaṃ sappadesaṃ vā, disāpi kusalo bhave;
сад̇д̇уд̇д̇амзна бан̃н̃ад̇д̇ам̣, вад̇д̇ам̣ ааран̃н̃агзсумз.
Sattuttamena paññattaṃ, vattaṃ āraññakesume.
аж̇жхогаасз огирим̣су, уж̇жхааяанд̇и жа бзсалаа;
Ajjhokāse okiriṃsu, ujjhāyanti ca pesalā;
сажз вихааро углаабо, батамам̣ бад̇д̇ажийварам̣.
Sace vihāro uklāpo, paṭhamaṃ pattacīvaraṃ.
бхисиб̣иб̣б̣оханам̣ ман̃жам̣, бийтан̃жа кзл̣амаллагам̣;
Bhisibibbohanaṃ mañcaṃ, pīṭhañca kheḷamallakaṃ;
абассзнуллогаган̣н̣аа, г̇зругаа гаал̣а агад̇аа.
Apassenullokakaṇṇā, gerukā kāḷa akatā.
сан̇гаарам̣ бхигкусааманд̇аа, сзнаавихаарабаанияам̣;
Saṅkāraṃ bhikkhusāmantā, senāvihārapāniyaṃ;
барибхож̇анасааманд̇аа, бадиваад̇з жа ан̇г̇ан̣з.
Paribhojanasāmantā, paṭivāte ca aṅgaṇe.
ад̇ховаад̇з ад̇т̇аран̣ам̣, бадибаад̣̇агаман̃жо жа;
Adhovāte attharaṇaṃ, paṭipādakamañco ca;
бийтам̣ бхиси нисийд̣̇анам̣, маллагам̣ абассзна жа.
Pīṭhaṃ bhisi nisīdanaṃ, mallakaṃ apassena ca.
бад̇д̇ажийварам̣ бхууми жа, бааранд̇ам̣ орад̇о бхог̇ам̣;
Pattacīvaraṃ bhūmi ca, pārantaṃ orato bhogaṃ;
бурад̇т̇имаа жа бажчимаа, уд̇д̇араа ат̇а д̣̇агкин̣аа.
Puratthimā ca pacchimā, uttarā atha dakkhiṇā.
сийд̇ун̣хз жа д̣̇иваа рад̇д̇им̣, баривзн̣ан̃жа годтаго;
Sītuṇhe ca divā rattiṃ, pariveṇañca koṭṭhako;
убадтаанаг̇г̇исаалаа жа, важжагудий жа баанияам̣.
Upaṭṭhānaggisālā ca, vaccakuṭī ca pāniyaṃ.
аажаманагумбхи вуд̣дхз жа, уд̣̇д̣̇зсабужчанаа саж̇жхаа;
Ācamanakumbhi vuḍḍhe ca, uddesapucchanā sajjhā;
д̇хаммо бад̣̇ийбам̣ виж̇жхаабз, на виварз наби т̇агз.
Dhammo padīpaṃ vijjhāpe, na vivare napi thake.
язна вуд̣дхо баривад̇д̇и, ган̣н̣знаби на гхаддаяз;
Yena vuḍḍho parivatti, kaṇṇenapi na ghaṭṭaye;
бан̃н̃абзси махаавийро, вад̇д̇ам̣ сзнаасанзсу д̇ам̣.
Paññapesi mahāvīro, vattaṃ senāsanesu taṃ.
ниваарияамаанаа д̣̇ваарам̣, мужчид̇уж̇жханд̇и бзсалаа;
Nivāriyamānā dvāraṃ, mucchitujjhanti pesalā;
чааригам̣ чад̣д̣аяз ж̇анд̇аа, барибхан̣д̣ам̣ д̇ат̇зва жа.
Chārikaṃ chaḍḍaye jantā, paribhaṇḍaṃ tatheva ca.
баривзн̣ам̣ годтаго саалаа, жун̣н̣амад̇д̇игад̣̇он̣игаа;
Pariveṇaṃ koṭṭhako sālā, cuṇṇamattikadoṇikā;
мукам̣ бурад̇о на т̇зрз, на навз уссахад̇и сажз.
Mukhaṃ purato na there, na nave ussahati sace.
бурад̇о убаримаг̇г̇о, жигкаллам̣ мад̇д̇и бийтагам̣;
Purato uparimaggo, cikkhallaṃ matti pīṭhakaṃ;
виж̇жхаабзд̇ваа т̇агзд̇ваа жа, вад̇д̇ам̣ ж̇анд̇аагхарзсумз.
Vijjhāpetvā thaketvā ca, vattaṃ jantāgharesume.
наажамзд̇и яат̇аавуд̣дхам̣, бадибаади жа сахасаа;
Nācameti yathāvuḍḍhaṃ, paṭipāṭi ca sahasā;
уб̣бхаж̇и нид̇т̇уно гадтам̣, важжам̣ бассаава кзл̣агам̣.
Ubbhaji nitthuno kaṭṭhaṃ, vaccaṃ passāva kheḷakaṃ.
парусаа гууба сахасаа, уб̣бхаж̇и жабу сзсзна;
Pharusā kūpa sahasā, ubbhaji capu sesena;
б̣ахи анд̇о жа уггаасз, раж̇ж̇у ад̇арамаанан̃жа.
Bahi anto ca ukkāse, rajju ataramānañca.
сахасаа уб̣бхаж̇и тид̇з, нид̇т̇унз гадта важжан̃жа;
Sahasā ubbhaji ṭhite, nitthune kaṭṭha vaccañca;
бассаава кзл̣а парусаа, гуубан̃жа важжабаад̣̇угз.
Passāva kheḷa pharusā, kūpañca vaccapāduke.
наад̇исахасаа уб̣бхаж̇и, баад̣̇угааяа жабужабу;
Nātisahasā ubbhaji, pādukāya capucapu;
на сзсаяз бадижчаад̣̇з, ухад̇абид̇харзна жа.
Na sesaye paṭicchāde, uhatapidharena ca.
важжагудий барибхан̣д̣ам̣, баривзн̣ан̃жа годтаго;
Vaccakuṭī paribhaṇḍaṃ, pariveṇañca koṭṭhako;
аажаманз жа уд̣̇агам̣, вад̇д̇ам̣ важжагудийсумз.
Ācamane ca udakaṃ, vattaṃ vaccakuṭīsume.
убааханаа д̣̇анд̇агадтам̣, мукод̣̇аган̃жа аасанам̣;
Upāhanā dantakaṭṭhaṃ, mukhodakañca āsanaṃ;
яааг̇у уд̣̇агам̣ д̇ховид̇ваа, уд̣̇д̇хааруглааба г̇аама жа.
Yāgu udakaṃ dhovitvā, uddhāruklāpa gāma ca.
ниваасанаа гааяаб̣анд̇хаа, саг̇ун̣ам̣ бад̇д̇асод̣̇агам̣;
Nivāsanā kāyabandhā, saguṇaṃ pattasodakaṃ;
бажчаа д̇иман̣д̣ало жзва, бариман̣д̣ала б̣анд̇ханам̣.
Pacchā timaṇḍalo ceva, parimaṇḍala bandhanaṃ.
саг̇ун̣ам̣ д̇ховид̇ваа бажчаа, наад̇ид̣̇уурз бадиг̇г̇ахз;
Saguṇaṃ dhovitvā pacchā, nātidūre paṭiggahe;
бхан̣амаанасса аабад̇д̇и, батамааг̇анд̇ваана аасанам̣.
Bhaṇamānassa āpatti, paṭhamāgantvāna āsanaṃ.
уд̣̇агам̣ бийтагат̇али, бажжуг̇г̇анд̇ваа ниваасанам̣;
Udakaṃ pīṭhakathali, paccuggantvā nivāsanaṃ;
од̇аабз нид̣̇ахи бхан̇г̇о, обхог̇з бхун̃ж̇ид̇у намз.
Otāpe nidahi bhaṅgo, obhoge bhuñjitu name.
баанийяам̣ уд̣̇агам̣ нийжам̣, мухуд̇д̇ам̣ на жа нид̣̇ахз;
Pānīyaṃ udakaṃ nīcaṃ, muhuttaṃ na ca nidahe;
бад̇д̇ажийварам̣ бхууми жа, бааранд̇ам̣ орад̇о бхог̇ам̣.
Pattacīvaraṃ bhūmi ca, pārantaṃ orato bhogaṃ.
уд̣̇д̇харз бадисаамз жа, углаабо жа нахааяид̇ум̣;
Uddhare paṭisāme ca, uklāpo ca nahāyituṃ;
сийд̇ам̣ ун̣хам̣ ж̇анд̇аагхарам̣, жун̣н̣ам̣ мад̇д̇ига бидтид̇о.
Sītaṃ uṇhaṃ jantāgharaṃ, cuṇṇaṃ mattika piṭṭhito.
бийтан̃жа жийварам̣ жун̣н̣ам̣, мад̇д̇игуссахад̇и мукам̣;
Pīṭhañca cīvaraṃ cuṇṇaṃ, mattikussahati mukhaṃ;
бурад̇о т̇зрз навз жа, баригамман̃жа нигкамз.
Purato there nave ca, parikammañca nikkhame.
бурад̇о уд̣̇агз нхаад̇з, ниваасзд̇ваа убаж̇жхааяам̣;
Purato udake nhāte, nivāsetvā upajjhāyaṃ;
ниваасанан̃жа сан̇гхаади, бийтагам̣ аасанзна жа.
Nivāsanañca saṅghāṭi, pīṭhakaṃ āsanena ca.
баад̣̇о бийтам̣ гат̇алин̃жа, баанийяуд̣̇д̣̇зсабужчанаа;
Pādo pīṭhaṃ kathaliñca, pānīyuddesapucchanā;
углаабам̣ сусод̇хзяяа, батамам̣ бад̇д̇ажийварам̣.
Uklāpaṃ susodheyya, paṭhamaṃ pattacīvaraṃ.
нисийд̣̇анабажжад̇т̇аран̣ам̣, бхиси б̣иб̣б̣оханаани жа;
Nisīdanapaccattharaṇaṃ, bhisi bibbohanāni ca;
ман̃жо бийтам̣ бадибаад̣̇ам̣, маллагам̣ абассзна жа.
Mañco pīṭhaṃ paṭipādaṃ, mallakaṃ apassena ca.
бхуума санд̇аана аалога, г̇зругаа гаал̣а агад̇аа;
Bhūma santāna āloka, gerukā kāḷa akatā;
бхуумад̇т̇арабадибаад̣̇аа, ман̃жо бийтам̣ б̣иб̣б̣оханам̣.
Bhūmattharapaṭipādā, mañco pīṭhaṃ bibbohanaṃ.
нисийд̣̇ад̇т̇аран̣ам̣ кзл̣а, абассз бад̇д̇ажийварам̣;
Nisīdattharaṇaṃ kheḷa, apasse pattacīvaraṃ;
бурад̇т̇имаа бажчимаа жа, уд̇д̇араа ат̇а д̣̇агкин̣аа.
Puratthimā pacchimā ca, uttarā atha dakkhiṇā.
сийд̇ун̣хан̃жа д̣̇иваа рад̇д̇им̣, баривзн̣ан̃жа годтаго;
Sītuṇhañca divā rattiṃ, pariveṇañca koṭṭhako;
убадтаанаг̇г̇исаалаа жа, важжабаанияабхож̇аний.
Upaṭṭhānaggisālā ca, vaccapāniyabhojanī.
аажамам̣ анабхирад̇и, гуггужжам̣ д̣̇идти жа г̇ару;
Ācamaṃ anabhirati, kukkuccaṃ diṭṭhi ca garu;
мууламаанад̇д̇ааб̣бхаанам̣, д̇аж̇ж̇анийяам̣ нияассагам̣.
Mūlamānattaabbhānaṃ, tajjanīyaṃ niyassakaṃ.
баб̣б̣ааж̇а бадисааран̣ий, угкзбан̃жа гад̇ам̣ яад̣̇и;
Pabbāja paṭisāraṇī, ukkhepañca kataṃ yadi;
д̇ховз гаад̇аб̣б̣ам̣ раж̇ан̃жа, раж̇з самбаривад̇д̇агам̣.
Dhove kātabbaṃ rajañca, raje samparivattakaṃ.
бад̇д̇ан̃жа жийваран̃жааби, баригкааран̃жа чзд̣̇анам̣;
Pattañca cīvarañcāpi, parikkhārañca chedanaṃ;
баригаммам̣ взяяааважжам̣, бажчаа бин̣д̣ам̣ бависанам̣.
Parikammaṃ veyyāvaccaṃ, pacchā piṇḍaṃ pavisanaṃ.
на сусаанам̣ д̣̇исаа жзва, яааваж̇ийвам̣ убадтахз;
Na susānaṃ disā ceva, yāvajīvaṃ upaṭṭhahe;
сад̣̇д̇хивихааригзнзд̇ам̣, вад̇д̇убаж̇жхааяагзсумз.
Saddhivihārikenetaṃ, vattupajjhāyakesume.
оваад̣̇асаасануд̣̇д̣̇зсаа, бужчаа бад̇д̇ан̃жа жийварам̣;
Ovādasāsanuddesā, pucchā pattañca cīvaraṃ;
баригкааро г̇илаано жа, на бажчаасаман̣о бхавз.
Parikkhāro gilāno ca, na pacchāsamaṇo bhave.
убаж̇жхааязсу яз вад̇д̇аа, звам̣ аажариязсуби;
Upajjhāyesu ye vattā, evaṃ ācariyesupi;
сад̣̇д̇хивихааригз вад̇д̇аа, д̇ат̇зва анд̇зваасигз.
Saddhivihārike vattā, tatheva antevāsike.
ааг̇анд̇угзсу яз вад̇д̇аа, буна ааваасигзсу жа;
Āgantukesu ye vattā, puna āvāsikesu ca;
г̇амигаанумод̣̇анигаа, бхад̇д̇аг̇г̇з бин̣д̣ажааригз.
Gamikānumodanikā, bhattagge piṇḍacārike.
ааран̃н̃агзсу яам̣ вад̇д̇ам̣, яан̃жа сзнаасанзсуби;
Āraññakesu yaṃ vattaṃ, yañca senāsanesupi;
ж̇анд̇аагхарз важжагудий, убаж̇жхаа сад̣̇д̇хивихааригз.
Jantāghare vaccakuṭī, upajjhā saddhivihārike.
аажариязсу яам̣ вад̇д̇ам̣, д̇ат̇зва анд̇зваасигз;
Ācariyesu yaṃ vattaṃ, tatheva antevāsike;
згуунавийсад̇и вад̇т̇уу, вад̇д̇аа жуд̣̇д̣̇аса канд̇хагз.
Ekūnavīsati vatthū, vattā cuddasa khandhake.
вад̇д̇ам̣ абарибуурзнд̇о, на сийлам̣ барибуурад̇и;
Vattaṃ aparipūrento, na sīlaṃ paripūrati;
асуд̣̇д̇хасийло д̣̇уббан̃н̃о, жид̇д̇згаг̇г̇ам̣ на винд̣̇ад̇и.
Asuddhasīlo duppañño, cittekaggaṃ na vindati.
вигкид̇д̇ажид̇д̇онзгаг̇г̇о, саммаа д̇хаммам̣ на бассад̇и;
Vikkhittacittonekaggo, sammā dhammaṃ na passati;
абассамаано сад̣̇д̇хаммам̣, д̣̇угкаа на баримужжад̇и.
Apassamāno saddhammaṃ, dukkhā na parimuccati.
яам̣ вад̇д̇ам̣ барибуурзнд̇о, сийламби барибуурад̇и;
Yaṃ vattaṃ paripūrento, sīlampi paripūrati;
висуд̣̇д̇хасийло саббан̃н̃о, жид̇д̇згаг̇г̇амби винд̣̇ад̇и.
Visuddhasīlo sappañño, cittekaggampi vindati.
авигкид̇д̇ажид̇д̇о згаг̇г̇о, саммаа д̇хаммам̣ вибассад̇и;
Avikkhittacitto ekaggo, sammā dhammaṃ vipassati;
самбассамаано сад̣̇д̇хаммам̣, д̣̇угкаа со баримужжад̇и.
Sampassamāno saddhammaṃ, dukkhā so parimuccati.
д̇асмаа хи вад̇д̇ам̣ буурзяяа, ж̇инабуд̇д̇о вижагкан̣о;
Tasmā hi vattaṃ pūreyya, jinaputto vicakkhaṇo;
оваад̣̇ам̣ б̣уд̣̇д̇хасздтасса, д̇ад̇о ниб̣б̣аанамзхид̇ийд̇и.
Ovādaṃ buddhaseṭṭhassa, tato nibbānamehitīti.
вад̇д̇агканд̇хагам̣ нидтид̇ам̣.
Vattakkhandhakaṃ niṭṭhitaṃ.
Footnotes:
