| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
164. анд̇овудтаад̣̇ибадигкзбагат̇аа
164. Antovuṭṭhādipaṭikkhepakathā
274. ат̇а ко бхаг̇аваа анубуб̣б̣зна жааригам̣ жарамаано язна рааж̇аг̇ахам̣ д̇ад̣̇авасари. д̇ад̇ра суд̣̇ам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇авад̇о уд̣̇араваад̇ааб̣аад̇хо ход̇и. ат̇а ко ааяасмаа аананд̣̇о – ‘буб̣б̣зби бхаг̇авад̇о уд̣̇араваад̇ааб̣аад̇хо д̇згадулаяааг̇уяаа паасу ход̇ий’д̇и – саамам̣ д̇иламби, д̇ан̣д̣уламби, муг̇г̇амби вин̃н̃аабзд̇ваа, анд̇о ваасзд̇ваа, анд̇о саамам̣ бажид̇ваа бхаг̇авад̇о убанаамзси – ‘‘бивад̇у бхаг̇аваа д̇згадулаяааг̇у’’нд̇и. ж̇аананд̇ааби д̇ат̇ааг̇ад̇аа бужчанд̇и, ж̇аананд̇ааби на бужчанд̇и; гаалам̣ вид̣̇ид̇ваа бужчанд̇и, гаалам̣ вид̣̇ид̇ваа на бужчанд̇и; ад̇т̇асам̣хид̇ам̣ д̇ат̇ааг̇ад̇аа бужчанд̇и, но анад̇т̇асам̣хид̇ам̣. анад̇т̇асам̣хид̇з сзд̇угхаад̇о д̇ат̇ааг̇ад̇аанам̣. д̣̇вийхи аагаарзхи б̣уд̣̇д̇хаа бхаг̇аванд̇о бхигкуу бадибужчанд̇и – д̇хаммам̣ ваа д̣̇зсзссаама, саавагаанам̣ ваа сигкаабад̣̇ам̣ бан̃н̃абзссаамаад̇и. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘гуд̇ааяам̣, аананд̣̇а , яааг̇уу’’д̇и? ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. виг̇арахи б̣уд̣̇д̇хо бхаг̇аваа – ‘ананужчавигам̣, аананд̣̇а, анануломигам̣, аббад̇ируубам̣, ассааман̣агам̣, агаббияам̣, агаран̣ийяам̣. гат̇ан̃хи наама д̇вам̣, аананд̣̇а, зваруубааяа б̣аахуллааяа жзд̇зссаси. яад̣̇аби, аананд̣̇а, анд̇о вудтам̣ 1 д̇ад̣̇аби агаббияам̣; яад̣̇аби анд̇о баггам̣ д̇ад̣̇аби агаббияам̣; яад̣̇аби саамам̣ баггам̣, д̇ад̣̇аби агаббияам̣. нзд̇ам̣, аананд̣̇а, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, анд̇о вудтам̣, анд̇о баггам̣, саамам̣ баггам̣ барибхун̃ж̇ид̇аб̣б̣ам̣. яо барибхун̃ж̇зяа, аабад̇д̇и д̣̇уггадасса. анд̇о жз, бхигкавз, вудтам̣, анд̇о баггам̣, саамам̣ баггам̣ д̇ан̃жз барибхун̃ж̇зяяа, аабад̇д̇и д̇ин̣н̣ам̣ д̣̇уггадаанам̣. анд̇о жз, бхигкавз, вудтам̣, анд̇о баггам̣, ан̃н̃зхи баггам̣, д̇ан̃жз барибхун̃ж̇зяяа, аабад̇д̇и д̣̇виннам̣ д̣̇уггадаанам̣. анд̇о жз, бхигкавз, вудтам̣, б̣ахи баггам̣, саамам̣ баггам̣, д̇ан̃жз барибхун̃ж̇зяяа, аабад̇д̇и д̣̇виннам̣ д̣̇уггадаанам̣. б̣ахи жз, бхигкавз, вудтам̣, анд̇о баггам̣, саамам̣ баггам̣, д̇ан̃жз барибхун̃ж̇зяяа, аабад̇д̇и д̣̇виннам̣ д̣̇уггадаанам̣. анд̇о жз, бхигкавз, вудтам̣, б̣ахи баггам̣, ан̃н̃зхи баггам̣, д̇ан̃жз барибхун̃ж̇зяяа, аабад̇д̇и д̣̇уггадасса. б̣ахи жз, бхигкавз, вудтам̣, анд̇о баггам̣, ан̃н̃зхи баггам̣, д̇ан̃жз барибхун̃ж̇зяяа, аабад̇д̇и д̣̇уггадасса. б̣ахи жз, бхигкавз, вудтам̣, б̣ахи баггам̣, саамам̣ баггам̣, д̇ан̃жз барибхун̃ж̇зяяа, аабад̇д̇и д̣̇уггадасса. б̣ахи жз, бхигкавз, вудтам̣, б̣ахи баггам̣ , ан̃н̃зхи баггам̣, д̇ан̃жз барибхун̃ж̇зяяа, анаабад̇д̇ий’’’д̇и.
274. Atha kho bhagavā anupubbena cārikaṃ caramāno yena rājagahaṃ tadavasari. Tatra sudaṃ bhagavā rājagahe viharati veḷuvane kalandakanivāpe. Tena kho pana samayena bhagavato udaravātābādho hoti. Atha kho āyasmā ānando – ‘pubbepi bhagavato udaravātābādho tekaṭulayāguyā phāsu hotī’ti – sāmaṃ tilampi, taṇḍulampi, muggampi viññāpetvā, anto vāsetvā, anto sāmaṃ pacitvā bhagavato upanāmesi – ‘‘pivatu bhagavā tekaṭulayāgu’’nti. Jānantāpi tathāgatā pucchanti, jānantāpi na pucchanti; kālaṃ viditvā pucchanti, kālaṃ viditvā na pucchanti; atthasaṃhitaṃ tathāgatā pucchanti, no anatthasaṃhitaṃ. Anatthasaṃhite setughāto tathāgatānaṃ. Dvīhi ākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññapessāmāti. Atha kho bhagavā āyasmantaṃ ānandaṃ āmantesi – ‘‘kutāyaṃ, ānanda , yāgū’’ti? Atha kho āyasmā ānando bhagavato etamatthaṃ ārocesi. Vigarahi buddho bhagavā – ‘ananucchavikaṃ, ānanda, ananulomikaṃ, appatirūpaṃ, assāmaṇakaṃ, akappiyaṃ, akaraṇīyaṃ. Kathañhi nāma tvaṃ, ānanda, evarūpāya bāhullāya cetessasi. Yadapi, ānanda, anto vuṭṭhaṃ 2 tadapi akappiyaṃ; yadapi anto pakkaṃ tadapi akappiyaṃ; yadapi sāmaṃ pakkaṃ, tadapi akappiyaṃ. Netaṃ, ānanda, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, anto vuṭṭhaṃ, anto pakkaṃ, sāmaṃ pakkaṃ paribhuñjitabbaṃ. Yo paribhuñjeya, āpatti dukkaṭassa. Anto ce, bhikkhave, vuṭṭhaṃ, anto pakkaṃ, sāmaṃ pakkaṃ tañce paribhuñjeyya, āpatti tiṇṇaṃ dukkaṭānaṃ. Anto ce, bhikkhave, vuṭṭhaṃ, anto pakkaṃ, aññehi pakkaṃ, tañce paribhuñjeyya, āpatti dvinnaṃ dukkaṭānaṃ. Anto ce, bhikkhave, vuṭṭhaṃ, bahi pakkaṃ, sāmaṃ pakkaṃ, tañce paribhuñjeyya, āpatti dvinnaṃ dukkaṭānaṃ. Bahi ce, bhikkhave, vuṭṭhaṃ, anto pakkaṃ, sāmaṃ pakkaṃ, tañce paribhuñjeyya, āpatti dvinnaṃ dukkaṭānaṃ. Anto ce, bhikkhave, vuṭṭhaṃ, bahi pakkaṃ, aññehi pakkaṃ, tañce paribhuñjeyya, āpatti dukkaṭassa. Bahi ce, bhikkhave, vuṭṭhaṃ, anto pakkaṃ, aññehi pakkaṃ, tañce paribhuñjeyya, āpatti dukkaṭassa. Bahi ce, bhikkhave, vuṭṭhaṃ, bahi pakkaṃ, sāmaṃ pakkaṃ, tañce paribhuñjeyya, āpatti dukkaṭassa. Bahi ce, bhikkhave, vuṭṭhaṃ, bahi pakkaṃ , aññehi pakkaṃ, tañce paribhuñjeyya, anāpattī’’’ti.
д̇зна ко бана самаязна бхигкуу ‘‘бхаг̇авад̇аа саамам̣бааго бадигкид̇д̇о’’д̇и буна баагз гуггужжааяанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, буна баагам̣ бажид̇унд̇и.
Tena kho pana samayena bhikkhū ‘‘bhagavatā sāmaṃpāko paṭikkhitto’’ti puna pāke kukkuccāyanti. Bhagavato etamatthaṃ ārocesuṃ. Anujānāmi, bhikkhave, puna pākaṃ pacitunti.
д̇зна ко бана самаязна рааж̇аг̇ахам̣ д̣̇уб̣бхигкам̣ ход̇и. мануссаа лон̣амби, д̇зламби, д̇ан̣д̣уламби, каад̣̇анийяамби аараамам̣ аахаранд̇и. д̇аани бхигкуу б̣ахи ваасзнд̇и; уггабин̣д̣агааби каад̣̇анд̇и, жорааби харанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, анд̇о ваасзд̇унд̇и. анд̇о ваасзд̇ваа б̣ахи баажзнд̇и. д̣̇амагаа бариваарзнд̇и. бхигкуу ависсадтаа барибхун̃ж̇анд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, анд̇о бажид̇унд̇и. д̣̇уб̣бхигкз габбияагаарагаа б̣ахуд̇арам̣ харанд̇и, аббад̇арам̣ бхигкуунам̣ д̣̇знд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, саамам̣ бажид̇ум̣. ануж̇аанаами, бхигкавз, анд̇о вудтам̣, анд̇о баггам̣, саамам̣ багганд̇и.
Tena kho pana samayena rājagahaṃ dubbhikkhaṃ hoti. Manussā loṇampi, telampi, taṇḍulampi, khādanīyampi ārāmaṃ āharanti. Tāni bhikkhū bahi vāsenti; ukkapiṇḍakāpi khādanti, corāpi haranti. Bhagavato etamatthaṃ ārocesuṃ. Anujānāmi, bhikkhave, anto vāsetunti. Anto vāsetvā bahi pācenti. Damakā parivārenti. Bhikkhū avissaṭṭhā paribhuñjanti. Bhagavato etamatthaṃ ārocesuṃ. Anujānāmi, bhikkhave, anto pacitunti. Dubbhikkhe kappiyakārakā bahutaraṃ haranti, appataraṃ bhikkhūnaṃ denti. Bhagavato etamatthaṃ ārocesuṃ. Anujānāmi, bhikkhave, sāmaṃ pacituṃ. Anujānāmi, bhikkhave, anto vuṭṭhaṃ, anto pakkaṃ, sāmaṃ pakkanti.
анд̇овудтаад̣̇ибадигкзбагат̇аа нидтид̇аа.
Antovuṭṭhādipaṭikkhepakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇ул̣аад̣̇иануж̇аананагат̇аа • Guḷādianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / г̇ул̣аад̣̇иануж̇аананагат̇ааван̣н̣анаа • Guḷādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇ул̣аад̣̇иануж̇аананагат̇ааван̣н̣анаа • Guḷādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇ул̣аад̣̇иануж̇аананагат̇ааван̣н̣анаа • Guḷādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 163. г̇ул̣аад̣̇иануж̇аананагат̇аа • 163. Guḷādianujānanakathā
