жад̇угганибаад̇а-дийгаа

Catukkanipāta-ṭīkā

1. батамабан̣н̣аасагам̣

1. Paṭhamapaṇṇāsakaṃ

1. бхан̣д̣аг̇аамаваг̇г̇о

1. Bhaṇḍagāmavaggo

1-2. ануб̣уд̣̇д̇хасуд̇д̇аад̣̇иван̣н̣анаа

1-2. Anubuddhasuttādivaṇṇanā

1-2. жад̇угганибаад̇асса батамз ануб̣од̇хо буб̣б̣абхааг̇ияам̣ н̃аан̣ам̣, бадивзд̇хо ануб̣од̇хзна абхисамаяо. д̇ад̇т̇а яасмаа ануб̣од̇хабуб̣б̣аго бадивзд̇хо ануб̣од̇хзна винаа на ход̇и. ануб̣од̇хо хи згажжо бадивзд̇хасамб̣ад̣̇д̇хо, д̇ад̣̇убхаяаабхаавахзд̇уган̃жа ваддз сам̣саран̣ам̣, д̇асмаа вуд̇д̇ам̣ баал̣ияам̣ ‘‘анануб̣од̇хаа…бз… д̇умхааган̃жаа’’д̇и. бадисанд̇хиг̇г̇ахан̣авасзна бхавад̇о бхаванд̇аруубаг̇аманам̣ санд̇хааванам̣, абараабарам̣ жавануубабаж̇ж̇анавасзна сан̃жаран̣ам̣ сам̣саран̣анд̇и ааха ‘‘бхавад̇о’’д̇иаад̣̇и. санд̇хаавид̇асам̣сарид̇абад̣̇аанам̣ гаммасаад̇ханад̇ам̣ санд̇хааяааха ‘‘маяаа жа д̇умхзхи жаа’’д̇и батамавигаббз. д̣̇уд̇ияавигаббз бана бхаавасаад̇ханад̇ам̣ хад̣̇аяз гад̇ваа ‘‘маман̃жзва д̇умхааган̃жаа’’д̇и яат̇ааруд̇авасзнзва вуд̇д̇ам̣ . д̣̇ийгхараж̇ж̇унаа б̣ад̣̇д̇хасагун̣ам̣ вияа раж̇ж̇ухад̇т̇о бурисо д̣̇зсанд̇арам̣ д̇ан̣хаараж̇ж̇унаа б̣ад̣̇д̇хам̣ сад̇д̇асанд̇аанам̣ абхисан̇кааро бхаванд̇арам̣ нзд̇и зд̇ааяаад̇и бхаванзд̇д̇и. д̇знааха ‘‘бхавараж̇ж̇уу’’д̇иаад̣̇ий.

1-2. Catukkanipātassa paṭhame anubodho pubbabhāgiyaṃ ñāṇaṃ, paṭivedho anubodhena abhisamayo. Tattha yasmā anubodhapubbako paṭivedho anubodhena vinā na hoti. Anubodho hi ekacco paṭivedhasambaddho, tadubhayābhāvahetukañca vaṭṭe saṃsaraṇaṃ, tasmā vuttaṃ pāḷiyaṃ ‘‘ananubodhā…pe… tumhākañcā’’ti. Paṭisandhiggahaṇavasena bhavato bhavantarūpagamanaṃ sandhāvanaṃ, aparāparaṃ cavanūpapajjanavasena sañcaraṇaṃ saṃsaraṇanti āha ‘‘bhavato’’tiādi. Sandhāvitasaṃsaritapadānaṃ kammasādhanataṃ sandhāyāha ‘‘mayā ca tumhehi cā’’ti paṭhamavikappe. Dutiyavikappe pana bhāvasādhanataṃ hadaye katvā ‘‘mamañceva tumhākañcā’’ti yathārutavaseneva vuttaṃ . Dīgharajjunā baddhasakuṇaṃ viya rajjuhattho puriso desantaraṃ taṇhārajjunā baddhaṃ sattasantānaṃ abhisaṅkhāro bhavantaraṃ neti etāyāti bhavanetti. Tenāha ‘‘bhavarajjū’’tiādī.

ваддад̣̇угкасса анд̇агарод̇и сагалаваддад̣̇угкасса сагасанд̇аанз барасанд̇аанз жа винаасагаро абхаавагаро. б̣уд̣̇д̇хажагкуд̇хаммажагкуд̣̇иб̣б̣ажагкумам̣сажагкусаманд̇ажагкусан̇каад̇зхи бан̃жахи жагкуухи жагкумаа. саваасанаанам̣ гилзсаанам̣ самужчиннад̇д̇аа саад̇исаяам̣ гилзсабариниб̣б̣аанзна бариниб̣б̣уд̇о. д̣̇уд̇ияам̣ уд̇д̇аанамзва.

Vaṭṭadukkhassa antakaroti sakalavaṭṭadukkhassa sakasantāne parasantāne ca vināsakaro abhāvakaro. Buddhacakkhudhammacakkhudibbacakkhumaṃsacakkhusamantacakkhusaṅkhātehi pañcahi cakkhūhi cakkhumā. Savāsanānaṃ kilesānaṃ samucchinnattā sātisayaṃ kilesaparinibbānena parinibbuto. Dutiyaṃ uttānameva.

ануб̣уд̣̇д̇хасуд̇д̇аад̣̇иван̣н̣анаа нидтид̇аа.

Anubuddhasuttādivaṇṇanā niṭṭhitā.

Next: 3-4. батамакад̇асуд̇д̇аад̣̇иван̣н̣анаа • 3-4. Paṭhamakhatasuttādivaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. ануб̣уд̣̇д̇хасуд̇д̇ам̣ • 1. Anubuddhasuttaṃ
2. бабад̇ид̇асуд̇д̇ам̣ • 2. Papatitasuttaṃ

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. ануб̣уд̣̇д̇хасуд̇д̇аван̣н̣анаа • 1. Anubuddhasuttavaṇṇanā
2. бабад̇ид̇асуд̇д̇аван̣н̣анаа • 2. Papatitasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact