| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਙ੍ਗੁਤ੍ਤਰਨਿਕਾਯੇ
Aṅguttaranikāye
ਚਤੁਕ੍ਕਨਿਪਾਤ-ਟੀਕਾ
Catukkanipāta-ṭīkā
੧. ਪਠਮਪਣ੍ਣਾਸਕਂ
1. Paṭhamapaṇṇāsakaṃ
੧. ਭਣ੍ਡਗਾਮવਗ੍ਗੋ
1. Bhaṇḍagāmavaggo
੧-੨. ਅਨੁਬੁਦ੍ਧਸੁਤ੍ਤਾਦਿવਣ੍ਣਨਾ
1-2. Anubuddhasuttādivaṇṇanā
੧-੨. ਚਤੁਕ੍ਕਨਿਪਾਤਸ੍ਸ ਪਠਮੇ ਅਨੁਬੋਧੋ ਪੁਬ੍ਬਭਾਗਿਯਂ ਞਾਣਂ, ਪਟਿવੇਧੋ ਅਨੁਬੋਧੇਨ ਅਭਿਸਮਯੋ। ਤਤ੍ਥ ਯਸ੍ਮਾ ਅਨੁਬੋਧਪੁਬ੍ਬਕੋ ਪਟਿવੇਧੋ ਅਨੁਬੋਧੇਨ વਿਨਾ ਨ ਹੋਤਿ। ਅਨੁਬੋਧੋ ਹਿ ਏਕਚ੍ਚੋ ਪਟਿવੇਧਸਮ੍ਬਦ੍ਧੋ, ਤਦੁਭਯਾਭਾવਹੇਤੁਕਞ੍ਚ વਟ੍ਟੇ ਸਂਸਰਣਂ, ਤਸ੍ਮਾ વੁਤ੍ਤਂ ਪਾਲ਼ਿਯਂ ‘‘ਅਨਨੁਬੋਧਾ…ਪੇ॰… ਤੁਮ੍ਹਾਕਞ੍ਚਾ’’ਤਿ। ਪਟਿਸਨ੍ਧਿਗ੍ਗਹਣવਸੇਨ ਭવਤੋ ਭવਨ੍ਤਰੂਪਗਮਨਂ ਸਨ੍ਧਾવਨਂ, ਅਪਰਾਪਰਂ ਚવਨੂਪਪਜ੍ਜਨવਸੇਨ ਸਞ੍ਚਰਣਂ ਸਂਸਰਣਨ੍ਤਿ ਆਹ ‘‘ਭવਤੋ’’ਤਿਆਦਿ। ਸਨ੍ਧਾવਿਤਸਂਸਰਿਤਪਦਾਨਂ ਕਮ੍ਮਸਾਧਨਤਂ ਸਨ੍ਧਾਯਾਹ ‘‘ਮਯਾ ਚ ਤੁਮ੍ਹੇਹਿ ਚਾ’’ਤਿ ਪਠਮવਿਕਪ੍ਪੇ। ਦੁਤਿਯવਿਕਪ੍ਪੇ ਪਨ ਭਾવਸਾਧਨਤਂ ਹਦਯੇ ਕਤ੍વਾ ‘‘ਮਮਞ੍ਚੇવ ਤੁਮ੍ਹਾਕਞ੍ਚਾ’’ਤਿ ਯਥਾਰੁਤવਸੇਨੇવ વੁਤ੍ਤਂ । ਦੀਘਰਜ੍ਜੁਨਾ ਬਦ੍ਧਸਕੁਣਂ વਿਯ ਰਜ੍ਜੁਹਤ੍ਥੋ ਪੁਰਿਸੋ ਦੇਸਨ੍ਤਰਂ ਤਣ੍ਹਾਰਜ੍ਜੁਨਾ ਬਦ੍ਧਂ ਸਤ੍ਤਸਨ੍ਤਾਨਂ ਅਭਿਸਙ੍ਖਾਰੋ ਭવਨ੍ਤਰਂ ਨੇਤਿ ਏਤਾਯਾਤਿ ਭવਨੇਤ੍ਤਿ। ਤੇਨਾਹ ‘‘ਭવਰਜ੍ਜੂ’’ਤਿਆਦੀ।
1-2. Catukkanipātassa paṭhame anubodho pubbabhāgiyaṃ ñāṇaṃ, paṭivedho anubodhena abhisamayo. Tattha yasmā anubodhapubbako paṭivedho anubodhena vinā na hoti. Anubodho hi ekacco paṭivedhasambaddho, tadubhayābhāvahetukañca vaṭṭe saṃsaraṇaṃ, tasmā vuttaṃ pāḷiyaṃ ‘‘ananubodhā…pe… tumhākañcā’’ti. Paṭisandhiggahaṇavasena bhavato bhavantarūpagamanaṃ sandhāvanaṃ, aparāparaṃ cavanūpapajjanavasena sañcaraṇaṃ saṃsaraṇanti āha ‘‘bhavato’’tiādi. Sandhāvitasaṃsaritapadānaṃ kammasādhanataṃ sandhāyāha ‘‘mayā ca tumhehi cā’’ti paṭhamavikappe. Dutiyavikappe pana bhāvasādhanataṃ hadaye katvā ‘‘mamañceva tumhākañcā’’ti yathārutavaseneva vuttaṃ . Dīgharajjunā baddhasakuṇaṃ viya rajjuhattho puriso desantaraṃ taṇhārajjunā baddhaṃ sattasantānaṃ abhisaṅkhāro bhavantaraṃ neti etāyāti bhavanetti. Tenāha ‘‘bhavarajjū’’tiādī.
વਟ੍ਟਦੁਕ੍ਖਸ੍ਸ ਅਨ੍ਤਕਰੋਤਿ ਸਕਲવਟ੍ਟਦੁਕ੍ਖਸ੍ਸ ਸਕਸਨ੍ਤਾਨੇ ਪਰਸਨ੍ਤਾਨੇ ਚ વਿਨਾਸਕਰੋ ਅਭਾવਕਰੋ। ਬੁਦ੍ਧਚਕ੍ਖੁਧਮ੍ਮਚਕ੍ਖੁਦਿਬ੍ਬਚਕ੍ਖੁਮਂਸਚਕ੍ਖੁਸਮਨ੍ਤਚਕ੍ਖੁਸਙ੍ਖਾਤੇਹਿ ਪਞ੍ਚਹਿ ਚਕ੍ਖੂਹਿ ਚਕ੍ਖੁਮਾ। ਸવਾਸਨਾਨਂ ਕਿਲੇਸਾਨਂ ਸਮੁਚ੍ਛਿਨ੍ਨਤ੍ਤਾ ਸਾਤਿਸਯਂ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤੋ। ਦੁਤਿਯਂ ਉਤ੍ਤਾਨਮੇવ।
Vaṭṭadukkhassa antakaroti sakalavaṭṭadukkhassa sakasantāne parasantāne ca vināsakaro abhāvakaro. Buddhacakkhudhammacakkhudibbacakkhumaṃsacakkhusamantacakkhusaṅkhātehi pañcahi cakkhūhi cakkhumā. Savāsanānaṃ kilesānaṃ samucchinnattā sātisayaṃ kilesaparinibbānena parinibbuto. Dutiyaṃ uttānameva.
ਅਨੁਬੁਦ੍ਧਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Anubuddhasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਅਨੁਬੁਦ੍ਧਸੁਤ੍ਤਂ • 1. Anubuddhasuttaṃ
੨. ਪਪਤਿਤਸੁਤ੍ਤਂ • 2. Papatitasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧. ਅਨੁਬੁਦ੍ਧਸੁਤ੍ਤવਣ੍ਣਨਾ • 1. Anubuddhasuttavaṇṇanā
੨. ਪਪਤਿਤਸੁਤ੍ਤવਣ੍ਣਨਾ • 2. Papatitasuttavaṇṇanā
