жад̇угганибаад̇а-адтагат̇аа

Catukkanipāta-aṭṭhakathā

1. батамабан̣н̣аасагам̣

1. Paṭhamapaṇṇāsakaṃ

1. бхан̣д̣аг̇аамаваг̇г̇о

1. Bhaṇḍagāmavaggo

1. ануб̣уд̣̇д̇хасуд̇д̇аван̣н̣анаа

1. Anubuddhasuttavaṇṇanā

1. жад̇угганибаад̇асса батамз анануб̣од̇хаад̇и аб̣уж̇жханзна аж̇аананзна. аббадивзд̇хаад̇и аббадивиж̇жханзна абажжагкагирияааяа. д̣̇ийгхамад̣̇д̇хаананд̇и жирагаалам̣. санд̇хаавид̇анд̇и бхавад̇о бхавам̣ г̇аманавасзна санд̇хаавид̇ам̣. сам̣сарид̇анд̇и бунаббунам̣ г̇аманааг̇аманавасзна сам̣сарид̇ам̣. маман̃жзва д̇умхааган̃жаад̇и маяаа жа д̇умхзхи жа. ат̇а ваа санд̇хаавид̇ам̣ сам̣сарид̇анд̇и санд̇хааванам̣ сам̣саран̣ам̣ маман̃жзва д̇умхааган̃жа ахосийд̇и звамзд̇т̇а ад̇т̇о взд̣̇ид̇аб̣б̣о. арияассаад̇и нид̣̇д̣̇осасса. сийлам̣ самаад̇хи бан̃н̃аад̇и имз бана д̇аяо д̇хаммаа маг̇г̇апаласамбаяуд̇д̇аава взд̣̇ид̇аб̣б̣аа, вимуд̇д̇инаамзна паламзва нид̣̇д̣̇идтам̣. бхавад̇ан̣хаад̇и бхавзсу д̇ан̣хаа. бхаванзд̇д̇ийд̇и бхавараж̇ж̇у. д̇ан̣хааяа зва зд̇ам̣ наамам̣. д̇ааяа хи сад̇д̇аа г̇он̣аа вияа г̇ийвааяа б̣анд̇хид̇ваа д̇ам̣ д̇ам̣ бхавам̣ нийяанд̇и, д̇асмаа бхаванзд̇д̇ийд̇и вужжад̇и.

1. Catukkanipātassa paṭhame ananubodhāti abujjhanena ajānanena. Appaṭivedhāti appaṭivijjhanena apaccakkhakiriyāya. Dīghamaddhānanti cirakālaṃ. Sandhāvitanti bhavato bhavaṃ gamanavasena sandhāvitaṃ. Saṃsaritanti punappunaṃ gamanāgamanavasena saṃsaritaṃ. Mamañceva tumhākañcāti mayā ca tumhehi ca. Atha vā sandhāvitaṃ saṃsaritanti sandhāvanaṃ saṃsaraṇaṃ mamañceva tumhākañca ahosīti evamettha attho veditabbo. Ariyassāti niddosassa. Sīlaṃ samādhi paññāti ime pana tayo dhammā maggaphalasampayuttāva veditabbā, vimuttināmena phalameva niddiṭṭhaṃ. Bhavataṇhāti bhavesu taṇhā. Bhavanettīti bhavarajju. Taṇhāya eva etaṃ nāmaṃ. Tāya hi sattā goṇā viya gīvāya bandhitvā taṃ taṃ bhavaṃ nīyanti, tasmā bhavanettīti vuccati.

ануд̇д̇араад̇и логуд̇д̇араа. д̣̇угкассанд̇агарод̇и ваддад̣̇угкасса анд̇агаро. жагкумаад̇и бан̃жахи жагкуухи жагкумаа. бариниб̣б̣уд̇од̇и гилзсабариниб̣б̣аанзна бариниб̣б̣уд̇о. ид̣̇амасса б̣од̇химан̣д̣з батамабариниб̣б̣аанам̣, бажчаа бана яамагасаалаанаманд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣уд̇од̇и яат̇аанусанд̇хинаа д̣̇зсанам̣ нидтаабзси.

Anuttarāti lokuttarā. Dukkhassantakaroti vaṭṭadukkhassa antakaro. Cakkhumāti pañcahi cakkhūhi cakkhumā. Parinibbutoti kilesaparinibbānena parinibbuto. Idamassa bodhimaṇḍe paṭhamaparinibbānaṃ, pacchā pana yamakasālānamantare anupādisesāya nibbānadhātuyā parinibbutoti yathānusandhinā desanaṃ niṭṭhāpesi.

Next: 2. бабад̇ид̇асуд̇д̇аван̣н̣анаа • 2. Papatitasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. ануб̣уд̣̇д̇хасуд̇д̇ам̣ • 1. Anubuddhasuttaṃ

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. ануб̣уд̣̇д̇хасуд̇д̇аад̣̇иван̣н̣анаа • 1-2. Anubuddhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact