| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਙ੍ਗੁਤ੍ਤਰਨਿਕਾਯੇ
Aṅguttaranikāye
ਚਤੁਕ੍ਕਨਿਪਾਤ-ਅਟ੍ਠਕਥਾ
Catukkanipāta-aṭṭhakathā
੧. ਪਠਮਪਣ੍ਣਾਸਕਂ
1. Paṭhamapaṇṇāsakaṃ
੧. ਭਣ੍ਡਗਾਮવਗ੍ਗੋ
1. Bhaṇḍagāmavaggo
੧. ਅਨੁਬੁਦ੍ਧਸੁਤ੍ਤવਣ੍ਣਨਾ
1. Anubuddhasuttavaṇṇanā
੧. ਚਤੁਕ੍ਕਨਿਪਾਤਸ੍ਸ ਪਠਮੇ ਅਨਨੁਬੋਧਾਤਿ ਅਬੁਜ੍ਝਨੇਨ ਅਜਾਨਨੇਨ। ਅਪ੍ਪਟਿવੇਧਾਤਿ ਅਪ੍ਪਟਿવਿਜ੍ਝਨੇਨ ਅਪਚ੍ਚਕ੍ਖਕਿਰਿਯਾਯ। ਦੀਘਮਦ੍ਧਾਨਨ੍ਤਿ ਚਿਰਕਾਲਂ। ਸਨ੍ਧਾવਿਤਨ੍ਤਿ ਭવਤੋ ਭવਂ ਗਮਨવਸੇਨ ਸਨ੍ਧਾવਿਤਂ। ਸਂਸਰਿਤਨ੍ਤਿ ਪੁਨਪ੍ਪੁਨਂ ਗਮਨਾਗਮਨવਸੇਨ ਸਂਸਰਿਤਂ। ਮਮਞ੍ਚੇવ ਤੁਮ੍ਹਾਕਞ੍ਚਾਤਿ ਮਯਾ ਚ ਤੁਮ੍ਹੇਹਿ ਚ। ਅਥ વਾ ਸਨ੍ਧਾવਿਤਂ ਸਂਸਰਿਤਨ੍ਤਿ ਸਨ੍ਧਾવਨਂ ਸਂਸਰਣਂ ਮਮਞ੍ਚੇવ ਤੁਮ੍ਹਾਕਞ੍ਚ ਅਹੋਸੀਤਿ ਏવਮੇਤ੍ਥ ਅਤ੍ਥੋ વੇਦਿਤਬ੍ਬੋ। ਅਰਿਯਸ੍ਸਾਤਿ ਨਿਦ੍ਦੋਸਸ੍ਸ। ਸੀਲਂ ਸਮਾਧਿ ਪਞ੍ਞਾਤਿ ਇਮੇ ਪਨ ਤਯੋ ਧਮ੍ਮਾ ਮਗ੍ਗਫਲਸਮ੍ਪਯੁਤ੍ਤਾવ વੇਦਿਤਬ੍ਬਾ, વਿਮੁਤ੍ਤਿਨਾਮੇਨ ਫਲਮੇવ ਨਿਦ੍ਦਿਟ੍ਠਂ। ਭવਤਣ੍ਹਾਤਿ ਭવੇਸੁ ਤਣ੍ਹਾ। ਭવਨੇਤ੍ਤੀਤਿ ਭવਰਜ੍ਜੁ। ਤਣ੍ਹਾਯ ਏવ ਏਤਂ ਨਾਮਂ। ਤਾਯ ਹਿ ਸਤ੍ਤਾ ਗੋਣਾ વਿਯ ਗੀવਾਯ ਬਨ੍ਧਿਤ੍વਾ ਤਂ ਤਂ ਭવਂ ਨੀਯਨ੍ਤਿ, ਤਸ੍ਮਾ ਭવਨੇਤ੍ਤੀਤਿ વੁਚ੍ਚਤਿ।
1. Catukkanipātassa paṭhame ananubodhāti abujjhanena ajānanena. Appaṭivedhāti appaṭivijjhanena apaccakkhakiriyāya. Dīghamaddhānanti cirakālaṃ. Sandhāvitanti bhavato bhavaṃ gamanavasena sandhāvitaṃ. Saṃsaritanti punappunaṃ gamanāgamanavasena saṃsaritaṃ. Mamañceva tumhākañcāti mayā ca tumhehi ca. Atha vā sandhāvitaṃ saṃsaritanti sandhāvanaṃ saṃsaraṇaṃ mamañceva tumhākañca ahosīti evamettha attho veditabbo. Ariyassāti niddosassa. Sīlaṃ samādhi paññāti ime pana tayo dhammā maggaphalasampayuttāva veditabbā, vimuttināmena phalameva niddiṭṭhaṃ. Bhavataṇhāti bhavesu taṇhā. Bhavanettīti bhavarajju. Taṇhāya eva etaṃ nāmaṃ. Tāya hi sattā goṇā viya gīvāya bandhitvā taṃ taṃ bhavaṃ nīyanti, tasmā bhavanettīti vuccati.
ਅਨੁਤ੍ਤਰਾਤਿ ਲੋਕੁਤ੍ਤਰਾ। ਦੁਕ੍ਖਸ੍ਸਨ੍ਤਕਰੋਤਿ વਟ੍ਟਦੁਕ੍ਖਸ੍ਸ ਅਨ੍ਤਕਰੋ। ਚਕ੍ਖੁਮਾਤਿ ਪਞ੍ਚਹਿ ਚਕ੍ਖੂਹਿ ਚਕ੍ਖੁਮਾ। ਪਰਿਨਿਬ੍ਬੁਤੋਤਿ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤੋ। ਇਦਮਸ੍ਸ ਬੋਧਿਮਣ੍ਡੇ ਪਠਮਪਰਿਨਿਬ੍ਬਾਨਂ, ਪਚ੍ਛਾ ਪਨ ਯਮਕਸਾਲਾਨਮਨ੍ਤਰੇ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬੁਤੋਤਿ ਯਥਾਨੁਸਨ੍ਧਿਨਾ ਦੇਸਨਂ ਨਿਟ੍ਠਾਪੇਸਿ।
Anuttarāti lokuttarā. Dukkhassantakaroti vaṭṭadukkhassa antakaro. Cakkhumāti pañcahi cakkhūhi cakkhumā. Parinibbutoti kilesaparinibbānena parinibbuto. Idamassa bodhimaṇḍe paṭhamaparinibbānaṃ, pacchā pana yamakasālānamantare anupādisesāya nibbānadhātuyā parinibbutoti yathānusandhinā desanaṃ niṭṭhāpesi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਅਨੁਬੁਦ੍ਧਸੁਤ੍ਤਂ • 1. Anubuddhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੨. ਅਨੁਬੁਦ੍ਧਸੁਤ੍ਤਾਦਿવਣ੍ਣਨਾ • 1-2. Anubuddhasuttādivaṇṇanā
