| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭-১০. অনুধম্মসুত্তাদিৰণ্ণনা
7-10. Anudhammasuttādivaṇṇanā
৩৯-৪২. সত্তমে ধম্মানুধম্মপ্পটিপন্নস্সাতি নৰন্নং লোকুত্তরধম্মানং অনুলোমধম্মং পুব্বভাগপটিপদং পটিপন্নস্স। অযমনুধম্মোতি অযং অনুলোমধম্মো হোতি। নিব্বিদাবহুলোতি উক্কণ্ঠনবহুলো হুত্ৰা। পরিজানাতীতি তীহি পরিঞ্ঞাহি পরিজানাতি। পরিমুচ্চতীতি মগ্গক্খণে উপ্পন্নায পহানপরিঞ্ঞায পরিমুচ্চতি। এৰং ইমস্মিং সুত্তে মগ্গোৰ কথিতো হোতি, তথা ইতো পরেসু তীসু। ইধ পন অনুপস্সনা অনিযমিতা, তেসু নিযমিতা। তস্মা ইধাপি সা তত্থ নিযমিতৰসেনেৰ নিযমেতব্বা। ন হি সক্কা তীসু অঞ্ঞতরং অনুপস্সনং ৰিনা নিব্বিন্দিতুং পরিজানিতুং ৰাতি। সত্তমাদীনি।
39-42. Sattame dhammānudhammappaṭipannassāti navannaṃ lokuttaradhammānaṃ anulomadhammaṃ pubbabhāgapaṭipadaṃ paṭipannassa. Ayamanudhammoti ayaṃ anulomadhammo hoti. Nibbidābahuloti ukkaṇṭhanabahulo hutvā. Parijānātīti tīhi pariññāhi parijānāti. Parimuccatīti maggakkhaṇe uppannāya pahānapariññāya parimuccati. Evaṃ imasmiṃ sutte maggova kathito hoti, tathā ito paresu tīsu. Idha pana anupassanā aniyamitā, tesu niyamitā. Tasmā idhāpi sā tattha niyamitavaseneva niyametabbā. Na hi sakkā tīsu aññataraṃ anupassanaṃ vinā nibbindituṃ parijānituṃ vāti. Sattamādīni.
নতুম্হাকৰগ্গো চতুত্থো।
Natumhākavaggo catuttho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৭. অনুধম্মসুত্তং • 7. Anudhammasuttaṃ
৮. দুতিযঅনুধম্মসুত্তং • 8. Dutiyaanudhammasuttaṃ
৯. ততিযঅনুধম্মসুত্তং • 9. Tatiyaanudhammasuttaṃ
১০. চতুত্থঅনুধম্মসুত্তং • 10. Catutthaanudhammasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭-১০. অনুধম্মসুত্তাদিৰণ্ণনা • 7-10. Anudhammasuttādivaṇṇanā
