| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೭-೧೦. ಅನುಧಮ್ಮಸುತ್ತಾದಿವಣ್ಣನಾ
7-10. Anudhammasuttādivaṇṇanā
೩೯-೪೨. ಅಪಾಯದುಕ್ಖೇ ಸಕಲಸಂಸಾರದುಕ್ಖೇ ಚ ಪತಿತುಂ ಅದತ್ವಾ ಧಾರಣಟ್ಠೇನ ಧಮ್ಮೋ, ಮಗ್ಗಫಲನಿಬ್ಬಾನಾನಿ। ತದನುಲೋಮಿಕಾ ಚಸ್ಸ ಪುಬ್ಬಭಾಗಪಟಿಪದಾತಿ ಆಹ ‘‘ಧಮ್ಮಾನುಧಮ್ಮಪಟಿಪನ್ನಸ್ಸಾ’’ತಿಆದಿ। ‘‘ನಿಬ್ಬಿದಾಬಹುಲೋ’’ತಿ ಅಟ್ಠಕಥಾಯಂ ಪದುದ್ಧಾರೋ ಕತೋ, ಪಾಳಿಯಂ ಪನ ‘‘ನಿಬ್ಬಿದಾಬಹುಲಂ ವಿಹರೇಯ್ಯಾ’’ತಿ ಆಗತಂ। ಉಕ್ಕಣ್ಠನಬಹುಲೋತಿ ಸಬ್ಬಭವೇಸು ಉಕ್ಕಣ್ಠನಬಹುಲೋ। ತೀಹಿ ಪರಿಞ್ಞಾಹೀತಿ ಞಾತತೀರಣಪ್ಪಹಾನಪರಿಞ್ಞಾಹಿ। ಪರಿಜಾನಾತೀತಿ ತೇಭೂಮಕಧಮ್ಮೇ ಪರಿಚ್ಛಿಜ್ಜ ಜಾನಾತಿ, ವಿಪಸ್ಸನಂ ಉಸ್ಸುಕ್ಕಾಪೇತಿ। ಪರಿಮುಚ್ಚತಿ ಸಬ್ಬಸಂಕಿಲೇಸತೋ ‘‘ಮಗ್ಗೋ ಪವತ್ತಿತೋ ಪರಿಮುಚ್ಚತೀ’’ತಿ ವುತ್ತತ್ತಾ। ತಥಾತಿ ಇಮಿನಾ ಇತೋ ಪರೇಸು ತೀಸು ಮಗ್ಗೋ ಹೋತೀತಿ ದಸ್ಸೇತಿ। ಇಧಾತಿ ಇಮಸ್ಮಿಂ ಸುತ್ತೇ। ಅನಿಯಮಿತಾತಿ ಅಗ್ಗಹಿತಾ। ತೇಸು ನಿಯಮಿತಾ ‘‘ಅನಿಚ್ಚಾನುಪಸ್ಸೀ’’ತಿಆದಿವಚನತೋ। ಸಾತಿ ಅನುಪಸ್ಸನಾ। ತತ್ಥ ನಿಯಮಿತವಸೇನೇವಾತಿ ಇದಂ ಲಕ್ಖಣವಚನಂ ಯಥಾ ‘‘ಯದಿ ಮೇ ಬ್ಯಾಧಯೋ ಭವೇಯ್ಯುಂ , ದಾತಬ್ಬಮಿದಮೋಸಧ’’ನ್ತಿ। ನ ಹಿ ಸಕ್ಕಾ ಏತಿಸ್ಸಾ ಏವ ಅನುಪಸ್ಸನಾಯ ವಸೇನ ಸಮ್ಮಸನಾಚಾರಂ ಮತ್ಥಕಂ ಪಾಪೇತುನ್ತಿ।
39-42. Apāyadukkhe sakalasaṃsāradukkhe ca patituṃ adatvā dhāraṇaṭṭhena dhammo, maggaphalanibbānāni. Tadanulomikā cassa pubbabhāgapaṭipadāti āha ‘‘dhammānudhammapaṭipannassā’’tiādi. ‘‘Nibbidābahulo’’ti aṭṭhakathāyaṃ paduddhāro kato, pāḷiyaṃ pana ‘‘nibbidābahulaṃ vihareyyā’’ti āgataṃ. Ukkaṇṭhanabahuloti sabbabhavesu ukkaṇṭhanabahulo. Tīhi pariññāhīti ñātatīraṇappahānapariññāhi. Parijānātīti tebhūmakadhamme paricchijja jānāti, vipassanaṃ ussukkāpeti. Parimuccati sabbasaṃkilesato ‘‘maggo pavattito parimuccatī’’ti vuttattā. Tathāti iminā ito paresu tīsu maggo hotīti dasseti. Idhāti imasmiṃ sutte. Aniyamitāti aggahitā. Tesu niyamitā ‘‘aniccānupassī’’tiādivacanato. Sāti anupassanā. Tattha niyamitavasenevāti idaṃ lakkhaṇavacanaṃ yathā ‘‘yadi me byādhayo bhaveyyuṃ , dātabbamidamosadha’’nti. Na hi sakkā etissā eva anupassanāya vasena sammasanācāraṃ matthakaṃ pāpetunti.
ಅನುಧಮ್ಮಸುತ್ತಾದಿವಣ್ಣನಾ ನಿಟ್ಠಿತಾ।
Anudhammasuttādivaṇṇanā niṭṭhitā.
ನತುಮ್ಹಾಕಂವಗ್ಗವಣ್ಣನಾ ನಿಟ್ಠಿತಾ।
Natumhākaṃvaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೭. ಅನುಧಮ್ಮಸುತ್ತಂ • 7. Anudhammasuttaṃ
೮. ದುತಿಯಅನುಧಮ್ಮಸುತ್ತಂ • 8. Dutiyaanudhammasuttaṃ
೯. ತತಿಯಅನುಧಮ್ಮಸುತ್ತಂ • 9. Tatiyaanudhammasuttaṃ
೧೦. ಚತುತ್ಥಅನುಧಮ್ಮಸುತ್ತಂ • 10. Catutthaanudhammasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೭-೧೦. ಅನುಧಮ್ಮಸುತ್ತಾದಿವಣ್ಣನಾ • 7-10. Anudhammasuttādivaṇṇanā
