| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. அனுத⁴ம்மஸுத்தங்
7. Anudhammasuttaṃ
39. ஸாவத்தி²னிதா³னங் . ‘‘த⁴ம்மானுத⁴ம்மப்படிபன்னஸ்ஸ, பி⁴க்க²வே, பி⁴க்கு²னோ அயமனுத⁴ம்மோ ஹோதி யங் ரூபே நிப்³பி³தா³ப³ஹுலோ 1 விஹரெய்ய, வேத³னாய நிப்³பி³தா³ப³ஹுலோ விஹரெய்ய, ஸஞ்ஞா நிப்³பி³தா³ப³ஹுலோ விஹரெய்ய, ஸங்கா²ரேஸு நிப்³பி³தா³ப³ஹுலோ விஹரெய்ய, விஞ்ஞாணே நிப்³பி³தா³ப³ஹுலோ விஹரெய்ய. யோ ரூபே நிப்³பி³தா³ப³ஹுலோ விஹரந்தோ, வேத³னாய… ஸஞ்ஞாய… ஸங்கா²ரேஸு நிப்³பி³தா³ப³ஹுலோ விஹரந்தோ, விஞ்ஞாணே நிப்³பி³தா³ப³ஹுலோ விஹரந்தோ ரூபங் பரிஜானாதி, வேத³னங்… ஸஞ்ஞங்… ஸங்கா²ரே… விஞ்ஞாணங் பரிஜானாதி, ஸோ ரூபங் பரிஜானங், வேத³னங்… ஸஞ்ஞங்… ஸங்கா²ரே… விஞ்ஞாணங் பரிஜானங் பரிமுச்சதி ரூபம்ஹா, பரிமுச்சதி வேத³னா , பரிமுச்சதி ஸஞ்ஞாய , பரிமுச்சதி ஸங்கா²ரேஹி, பரிமுச்சதி விஞ்ஞாணம்ஹா, பரிமுச்சதி ஜாதியா ஜராமரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி, பரிமுச்சதி து³க்க²ஸ்மாதி வதா³மீ’’தி. ஸத்தமங்.
39. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe nibbidābahulo 2 vihareyya, vedanāya nibbidābahulo vihareyya, saññā nibbidābahulo vihareyya, saṅkhāresu nibbidābahulo vihareyya, viññāṇe nibbidābahulo vihareyya. Yo rūpe nibbidābahulo viharanto, vedanāya… saññāya… saṅkhāresu nibbidābahulo viharanto, viññāṇe nibbidābahulo viharanto rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanā , parimuccati saññāya , parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-10. அனுத⁴ம்மஸுத்தாதி³வண்ணனா • 7-10. Anudhammasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7-10. அனுத⁴ம்மஸுத்தாதி³வண்ணனா • 7-10. Anudhammasuttādivaṇṇanā
