| Tipiṭaka / Tipiṭaka (English) / Aṅguttara Nikāya, English translation |
Show IAST transliterationඅඞ්ගුත්තර නිකාය 5.25
Numbered Discourses 5.25
3. පඤ්චඞ්ගිකවග්ග
3. With Five Factors
අනුග්ගහිතසුත්ත
Supported
“පඤ්චහි, භික්ඛවේ, අඞ්ගේහි අනුග්ගහිතා සම්මාදිට්ඨි චේතෝවිමුත්තිඵලා ච හෝති චේතෝවිමුත්තිඵලානිසංසා ච, පඤ්ඤාවිමුත්තිඵලා ච හෝති පඤ්ඤාවිමුත්තිඵලානිසංසා ච.
“Bhikkhus, when right view is supported by five factors it has freedom of heart and freedom by wisdom as its fruit and benefit.
කතමේහි පඤ්චහි? ඉධ, භික්ඛවේ, සම්මාදිට්ඨි සීලානුග්ගහිතා ච හෝති, සුතානුග්ගහිතා ච හෝති, සාකච්ඡානුග්ගහිතා ච හෝති, සමථානුග්ගහිතා ච හෝති, විපස්සනානුග්ගහිතා ච හෝති. ඉමේහි ඛෝ, භික්ඛවේ, පඤ්චහි අඞ්ගේහි අනුග්ගහිතා සම්මාදිට්ඨි චේතෝවිමුත්තිඵලා ච හෝති චේතෝවිමුත්තිඵලානිසංසා ච, පඤ්ඤාවිමුත්තිඵලා ච හෝති පඤ්ඤාවිමුත්තිඵලානිසංසා චා”ති.
What five? It’s when right view is supported by ethics, learning, discussion, serenity, and discernment. When right view is supported by these five factors it has freedom of heart and freedom by wisdom as its fruit and benefit.”
පඤ්චමං.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
