| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. අනුග්‌ගහිතසුත්‌තං
5. Anuggahitasuttaṃ
25. ‘‘පඤ්‌චහි, භික්‌ඛවෙ, අඞ්‌ගෙහි අනුග්‌ගහිතා සම්‌මාදිට්‌ඨි චෙතොවිමුත්‌තිඵලා ච හොති චෙතොවිමුත්‌තිඵලානිසංසා ච, පඤ්‌ඤාවිමුත්‌තිඵලා ච හොති පඤ්‌ඤාවිමුත්‌තිඵලානිසංසා ච.
25. ‘‘Pañcahi, bhikkhave, aṅgehi anuggahitā sammādiṭṭhi cetovimuttiphalā ca hoti cetovimuttiphalānisaṃsā ca, paññāvimuttiphalā ca hoti paññāvimuttiphalānisaṃsā ca.
‘‘කතමෙහි පඤ්‌චහි? ඉධ , භික්‌ඛවෙ, සම්‌මාදිට්‌ඨි සීලානුග්‌ගහිතා ච හොති, සුතානුග්‌ගහිතා ච හොති, සාකච්‌ඡානුග්‌ගහිතා ච හොති, සමථානුග්‌ගහිතා ච හොති, විපස්‌සනානුග්‌ගහිතා ච හොති. ඉමෙහි ඛො, භික්‌ඛවෙ, පඤ්‌චහි අඞ්‌ගෙහි අනුග්‌ගහිතා සම්‌මාදිට්‌ඨි චෙතොවිමුත්‌තිඵලා ච හොති චෙතොවිමුත්‌තිඵලානිසංසා ච, පඤ්‌ඤාවිමුත්‌තිඵලා ච හොති පඤ්‌ඤාවිමුත්‌තිඵලානිසංසා චා’’ති. පඤ්‌චමං.
‘‘Katamehi pañcahi? Idha , bhikkhave, sammādiṭṭhi sīlānuggahitā ca hoti, sutānuggahitā ca hoti, sākacchānuggahitā ca hoti, samathānuggahitā ca hoti, vipassanānuggahitā ca hoti. Imehi kho, bhikkhave, pañcahi aṅgehi anuggahitā sammādiṭṭhi cetovimuttiphalā ca hoti cetovimuttiphalānisaṃsā ca, paññāvimuttiphalā ca hoti paññāvimuttiphalānisaṃsā cā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. අනුග්‌ගහිතසුත්‌තවණ්‌ණනා • 5. Anuggahitasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5. අනුග්‌ගහිතසුත්‌තවණ්‌ණනා • 5. Anuggahitasuttavaṇṇanā
