| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. அனுக்³க³ஹிதஸுத்தவண்ணனா
5. Anuggahitasuttavaṇṇanā
25. பஞ்சமே ஸம்மாதி³ட்டீ²தி விபஸ்ஸனாஸம்மாதி³ட்டி². சேதோவிமுத்திப²லாதிஆதீ³ஸு சேதோவிமுத்தீதி மக்³க³ப²லஸமாதி⁴. பஞ்ஞாவிமுத்தீதி ப²லஞாணங். ஸீலானுக்³க³ஹிதாதி ஸீலேன அனுக்³க³ஹிதா அனுரக்கி²தா. ஸுதானுக்³க³ஹிதாதி பா³ஹுஸச்சேன அனுக்³க³ஹிதா. ஸாகச்சா²னுக்³க³ஹிதாதி த⁴ம்மஸாகச்சா²ய அனுக்³க³ஹிதா. ஸமதா²னுக்³க³ஹிதாதி சித்தேகக்³க³தாய அனுக்³க³ஹிதா.
25. Pañcame sammādiṭṭhīti vipassanāsammādiṭṭhi. Cetovimuttiphalātiādīsu cetovimuttīti maggaphalasamādhi. Paññāvimuttīti phalañāṇaṃ. Sīlānuggahitāti sīlena anuggahitā anurakkhitā. Sutānuggahitāti bāhusaccena anuggahitā. Sākacchānuggahitāti dhammasākacchāya anuggahitā. Samathānuggahitāti cittekaggatāya anuggahitā.
இமஸ்ஸ பனத்த²ஸ்ஸ ஆவிபா⁴வத்த²ங் மது⁴ரம்ப³பீ³ஜங் ரோபெத்வா ஸமந்தா மரியாத³ங் ப³ந்தி⁴த்வா காலானுகாலங் உத³கங் ஆஸிஞ்சித்வா காலானுகாலங் மூலானி ஸோதெ⁴த்வா காலானுகாலங் பதிதபாணகே ஹாரெத்வா காலானுகாலங் மக்கடஜாலங் லுஞ்சித்வா அம்ப³ங் படிஜக்³க³ந்தோ புரிஸோ த³ஸ்ஸேதப்³போ³. தஸ்ஸ ஹி புரிஸஸ்ஸ மது⁴ரம்ப³பீ³ஜரோபனங் விய விபஸ்ஸனாஸம்மாதி³ட்டி² த³ட்ட²ப்³பா³, மரியாத³ப³ந்த⁴னங் விய ஸீலேன அனுக்³க³ண்ஹனங், உத³காஸேசனங் விய ஸுதேன அனுக்³க³ண்ஹனங், மூலபரிஸோத⁴னங் விய ஸாகச்சா²ய அனுக்³க³ண்ஹனங், பாணகஹரணங் விய ஜா²னவிபஸ்ஸனாபாரிபந்தி²கஸோத⁴னவஸேன ஸமதா²னுக்³க³ண்ஹனங், மக்கடஜாலலுஞ்சனங் விய ப³லவவிபஸ்ஸனானுக்³க³ண்ஹனங், ஏவங் அனுக்³க³ஹிதஸ்ஸ ருக்க²ஸ்ஸ கி²ப்பமேவ வட்³டி⁴த்வா ப²லப்பதா³னங் விய இமேஹி ஸீலாதீ³ஹி அனுக்³க³ஹிதாய மூலஸம்மாதி³ட்டி²யா கி²ப்பமேவ மக்³க³வஸேன வட்³டி⁴த்வா சேதோவிமுத்திபஞ்ஞாவிமுத்திப²லப்பதா³னங் வேதி³தப்³ப³ங்.
Imassa panatthassa āvibhāvatthaṃ madhurambabījaṃ ropetvā samantā mariyādaṃ bandhitvā kālānukālaṃ udakaṃ āsiñcitvā kālānukālaṃ mūlāni sodhetvā kālānukālaṃ patitapāṇake hāretvā kālānukālaṃ makkaṭajālaṃ luñcitvā ambaṃ paṭijagganto puriso dassetabbo. Tassa hi purisassa madhurambabījaropanaṃ viya vipassanāsammādiṭṭhi daṭṭhabbā, mariyādabandhanaṃ viya sīlena anuggaṇhanaṃ, udakāsecanaṃ viya sutena anuggaṇhanaṃ, mūlaparisodhanaṃ viya sākacchāya anuggaṇhanaṃ, pāṇakaharaṇaṃ viya jhānavipassanāpāripanthikasodhanavasena samathānuggaṇhanaṃ, makkaṭajālaluñcanaṃ viya balavavipassanānuggaṇhanaṃ, evaṃ anuggahitassa rukkhassa khippameva vaḍḍhitvā phalappadānaṃ viya imehi sīlādīhi anuggahitāya mūlasammādiṭṭhiyā khippameva maggavasena vaḍḍhitvā cetovimuttipaññāvimuttiphalappadānaṃ veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. அனுக்³க³ஹிதஸுத்தங் • 5. Anuggahitasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. அனுக்³க³ஹிதஸுத்தவண்ணனா • 5. Anuggahitasuttavaṇṇanā
