| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. ануг̇г̇ахид̇асуд̇д̇аван̣н̣анаа
5. Anuggahitasuttavaṇṇanā
25. бан̃жамз саммаад̣̇идтийд̇и вибассанаасаммаад̣̇идти. жзд̇овимуд̇д̇ипалаад̇иаад̣̇ийсу жзд̇овимуд̇д̇ийд̇и маг̇г̇апаласамаад̇хи. бан̃н̃аавимуд̇д̇ийд̇и палан̃аан̣ам̣. сийлаануг̇г̇ахид̇аад̇и сийлзна ануг̇г̇ахид̇аа анурагкид̇аа. суд̇аануг̇г̇ахид̇аад̇и б̣аахусажжзна ануг̇г̇ахид̇аа. саагажчаануг̇г̇ахид̇аад̇и д̇хаммасаагажчааяа ануг̇г̇ахид̇аа. самат̇аануг̇г̇ахид̇аад̇и жид̇д̇згаг̇г̇ад̇ааяа ануг̇г̇ахид̇аа.
25. Pañcame sammādiṭṭhīti vipassanāsammādiṭṭhi. Cetovimuttiphalātiādīsu cetovimuttīti maggaphalasamādhi. Paññāvimuttīti phalañāṇaṃ. Sīlānuggahitāti sīlena anuggahitā anurakkhitā. Sutānuggahitāti bāhusaccena anuggahitā. Sākacchānuggahitāti dhammasākacchāya anuggahitā. Samathānuggahitāti cittekaggatāya anuggahitā.
имасса банад̇т̇асса аавибхаавад̇т̇ам̣ мад̇хурамб̣аб̣ийж̇ам̣ робзд̇ваа саманд̇аа марияаад̣̇ам̣ б̣анд̇хид̇ваа гаалаанугаалам̣ уд̣̇агам̣ аасин̃жид̇ваа гаалаанугаалам̣ муулаани сод̇хзд̇ваа гаалаанугаалам̣ бад̇ид̇абаан̣агз хаарзд̇ваа гаалаанугаалам̣ маггадаж̇аалам̣ лун̃жид̇ваа амб̣ам̣ бадиж̇аг̇г̇анд̇о бурисо д̣̇ассзд̇аб̣б̣о. д̇асса хи бурисасса мад̇хурамб̣аб̣ийж̇аробанам̣ вияа вибассанаасаммаад̣̇идти д̣̇адтаб̣б̣аа, марияаад̣̇аб̣анд̇ханам̣ вияа сийлзна ануг̇г̇ан̣ханам̣, уд̣̇агаасзжанам̣ вияа суд̇зна ануг̇г̇ан̣ханам̣, муулабарисод̇ханам̣ вияа саагажчааяа ануг̇г̇ан̣ханам̣, баан̣агахаран̣ам̣ вияа жхаанавибассанаабаарибант̇игасод̇ханавасзна самат̇аануг̇г̇ан̣ханам̣, маггадаж̇аалалун̃жанам̣ вияа б̣алававибассанаануг̇г̇ан̣ханам̣, звам̣ ануг̇г̇ахид̇асса ругкасса киббамзва вад̣дхид̇ваа палаббад̣̇аанам̣ вияа имзхи сийлаад̣̇ийхи ануг̇г̇ахид̇ааяа мууласаммаад̣̇идтияаа киббамзва маг̇г̇авасзна вад̣дхид̇ваа жзд̇овимуд̇д̇ибан̃н̃аавимуд̇д̇ипалаббад̣̇аанам̣ взд̣̇ид̇аб̣б̣ам̣.
Imassa panatthassa āvibhāvatthaṃ madhurambabījaṃ ropetvā samantā mariyādaṃ bandhitvā kālānukālaṃ udakaṃ āsiñcitvā kālānukālaṃ mūlāni sodhetvā kālānukālaṃ patitapāṇake hāretvā kālānukālaṃ makkaṭajālaṃ luñcitvā ambaṃ paṭijagganto puriso dassetabbo. Tassa hi purisassa madhurambabījaropanaṃ viya vipassanāsammādiṭṭhi daṭṭhabbā, mariyādabandhanaṃ viya sīlena anuggaṇhanaṃ, udakāsecanaṃ viya sutena anuggaṇhanaṃ, mūlaparisodhanaṃ viya sākacchāya anuggaṇhanaṃ, pāṇakaharaṇaṃ viya jhānavipassanāpāripanthikasodhanavasena samathānuggaṇhanaṃ, makkaṭajālaluñcanaṃ viya balavavipassanānuggaṇhanaṃ, evaṃ anuggahitassa rukkhassa khippameva vaḍḍhitvā phalappadānaṃ viya imehi sīlādīhi anuggahitāya mūlasammādiṭṭhiyā khippameva maggavasena vaḍḍhitvā cetovimuttipaññāvimuttiphalappadānaṃ veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. ануг̇г̇ахид̇асуд̇д̇ам̣ • 5. Anuggahitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. ануг̇г̇ахид̇асуд̇д̇аван̣н̣анаа • 5. Anuggahitasuttavaṇṇanā
