| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. ануг̇г̇ахид̇асуд̇д̇аван̣н̣анаа
5. Anuggahitasuttavaṇṇanā
25. бан̃жамз саммаад̣̇идтийд̇и вибассанаасаммаад̣̇идтийд̇иаад̣̇инаа ан̇г̇уд̇д̇арабхаан̣агаанам̣ мад̇зна аяам̣ ад̇т̇аван̣н̣анаа аарад̣̇д̇хаа, маж̇жхимабхаан̣агаа банзд̇т̇а ан̃н̃ат̇аа ад̇т̇ам̣ вад̣̇анд̇и. вуд̇д̇ан̃хзд̇ам̣ маж̇жхимадтагат̇ааяам̣ (ма. ни. адта. 1.452) –
25. Pañcame sammādiṭṭhīti vipassanāsammādiṭṭhītiādinā aṅguttarabhāṇakānaṃ matena ayaṃ atthavaṇṇanā āraddhā, majjhimabhāṇakā panettha aññathā atthaṃ vadanti. Vuttañhetaṃ majjhimaṭṭhakathāyaṃ (ma. ni. aṭṭha. 1.452) –
‘‘ануг̇г̇ахид̇аа’’д̇и лад̣̇д̇хуубагаараа. саммаад̣̇идтийд̇и арахад̇д̇амаг̇г̇асаммаад̣̇идти. палагкан̣з ниб̣б̣ад̇д̇аа жзд̇овимуд̇д̇и палам̣ ассаад̇и жзд̇овимуд̇д̇ипалаа. д̇ад̣̇зва жзд̇овимуд̇д̇исан̇каад̇ам̣ палам̣ аанисам̣со ассаад̇и жзд̇овимуд̇д̇ипалаанисам̣саа. д̣̇уд̇ияабад̣̇зби зсзва наяо. зд̇т̇а жад̇уд̇т̇апалабан̃н̃аа бан̃н̃аавимуд̇д̇и наама, авасзсаа д̇хаммаа жзд̇овимуд̇д̇ийд̇и взд̣̇ид̇аб̣б̣аа. ‘‘сийлаануг̇г̇ахид̇аа’’д̇иаад̣̇ийсу сийланд̇и жад̇убаарисуд̣̇д̇хисийлам̣. суд̇анд̇и саббааяад̇хаммассаванам̣. саагажчаад̇и гаммадтаанз каланабагкаланажчзд̣̇анагат̇аа. самат̇од̇и вибассанаабаад̣̇игаа адта самаабад̇д̇ияо. вибассанаад̇и сад̇д̇авид̇хаа анубассанаа. жад̇убаарисуд̣̇д̇хисийлан̃хи буурзнд̇асса, саббааяад̇хаммассаванам̣ сун̣анд̇асса, гаммадтаанз каланабагкаланам̣ чинд̣̇анд̇асса вибассанаабаад̣̇игаасу адтасу самаабад̇д̇ийсу гаммам̣ гаронд̇асса, сад̇д̇авид̇хам̣ анубассанам̣ бхаавзнд̇асса арахад̇д̇амаг̇г̇о уббаж̇ж̇ид̇ваа палам̣ д̣̇зд̇и.
‘‘Anuggahitā’’ti laddhūpakārā. Sammādiṭṭhīti arahattamaggasammādiṭṭhi. Phalakkhaṇe nibbattā cetovimutti phalaṃ assāti cetovimuttiphalā. Tadeva cetovimuttisaṅkhātaṃ phalaṃ ānisaṃso assāti cetovimuttiphalānisaṃsā. Dutiyapadepi eseva nayo. Ettha catutthaphalapaññā paññāvimutti nāma, avasesā dhammā cetovimuttīti veditabbā. ‘‘Sīlānuggahitā’’tiādīsu sīlanti catupārisuddhisīlaṃ. Sutanti sappāyadhammassavanaṃ. Sākacchāti kammaṭṭhāne khalanapakkhalanacchedanakathā. Samathoti vipassanāpādikā aṭṭha samāpattiyo. Vipassanāti sattavidhā anupassanā. Catupārisuddhisīlañhi pūrentassa, sappāyadhammassavanaṃ suṇantassa, kammaṭṭhāne khalanapakkhalanaṃ chindantassa vipassanāpādikāsu aṭṭhasu samāpattīsu kammaṃ karontassa, sattavidhaṃ anupassanaṃ bhāventassa arahattamaggo uppajjitvā phalaṃ deti.
‘‘яат̇аа хи мад̇хурам̣ амб̣абаггам̣ барибхун̃ж̇ид̇угаамо амб̣абод̇агасса саманд̇аа уд̣̇агагодтагам̣ т̇ирам̣ гад̇ваа б̣анд̇хад̇и, гхадам̣ г̇ахзд̇ваа гаалзна гаалам̣ уд̣̇агам̣ аасин̃жад̇и, уд̣̇агасса анигкаманад̇т̇ам̣ марияаад̣̇ам̣ т̇ирам̣ гарод̇и. яаа ход̇и самийбз валли ваа сугкад̣̇ан̣д̣аго ваа гибиллигабудо ваа маггадагаж̇аалам̣ ваа, д̇ам̣ абанзд̇и, кан̣ид̇д̇им̣ г̇ахзд̇ваа гаалзна гаалам̣ муулаани барикан̣ад̇и, звамасса аббамад̇д̇асса имаани бан̃жа гааран̣аани гарод̇о со амб̣о вад̣дхид̇ваа палам̣ д̣̇зд̇и, звам̣ самбад̣̇амид̣̇ам̣ взд̣̇ид̇аб̣б̣ам̣. ругкасса саманд̇ад̇о годтагаб̣анд̇ханам̣ вияа хи сийлам̣ д̣̇адтаб̣б̣ам̣, гаалзна гаалам̣ уд̣̇агасин̃жанам̣ вияа д̇хаммассаванам̣, марияаад̣̇ааяа т̇ирабхаавагаран̣ам̣ вияа самат̇о, самийбз валлиаад̣̇ийнам̣ харан̣ам̣ вияа гаммадтаанз каланабагкаланажчзд̣̇анам̣, гаалзна гаалам̣ кан̣ид̇д̇им̣ г̇ахзд̇ваа муулакан̣анам̣ вияа сад̇д̇аннам̣ анубассанаанам̣ бхааванаа, д̇зхи бан̃жахи гааран̣зхи ануг̇г̇ахид̇асса амб̣аругкасса мад̇хурапалад̣̇аанагаало вияа имасса бхигкуно имзхи бан̃жахи д̇хаммзхи ануг̇г̇ахид̇ааяа саммаад̣̇идтияаа арахад̇д̇апалад̣̇аанам̣ взд̣̇ид̇аб̣б̣а’’нд̇и.
‘‘Yathā hi madhuraṃ ambapakkaṃ paribhuñjitukāmo ambapotakassa samantā udakakoṭṭhakaṃ thiraṃ katvā bandhati, ghaṭaṃ gahetvā kālena kālaṃ udakaṃ āsiñcati, udakassa anikkhamanatthaṃ mariyādaṃ thiraṃ karoti. Yā hoti samīpe valli vā sukkhadaṇḍako vā kipillikapuṭo vā makkaṭakajālaṃ vā, taṃ apaneti, khaṇittiṃ gahetvā kālena kālaṃ mūlāni parikhaṇati, evamassa appamattassa imāni pañca kāraṇāni karoto so ambo vaḍḍhitvā phalaṃ deti, evaṃ sampadamidaṃ veditabbaṃ. Rukkhassa samantato koṭṭhakabandhanaṃ viya hi sīlaṃ daṭṭhabbaṃ, kālena kālaṃ udakasiñcanaṃ viya dhammassavanaṃ, mariyādāya thirabhāvakaraṇaṃ viya samatho, samīpe valliādīnaṃ haraṇaṃ viya kammaṭṭhāne khalanapakkhalanacchedanaṃ, kālena kālaṃ khaṇittiṃ gahetvā mūlakhaṇanaṃ viya sattannaṃ anupassanānaṃ bhāvanā, tehi pañcahi kāraṇehi anuggahitassa ambarukkhassa madhuraphaladānakālo viya imassa bhikkhuno imehi pañcahi dhammehi anuggahitāya sammādiṭṭhiyā arahattaphaladānaṃ veditabba’’nti.
зд̇т̇а жа лад̣̇д̇хуубагаараад̇и яат̇аарахам̣ ниссаяаад̣̇ивасзна лад̣̇д̇хабажжаяаа. вибассанаасаммаад̣̇идтияаа ануг̇г̇ахид̇абхаавзна г̇ахид̇ад̇д̇аа маг̇г̇асаммаад̣̇идтийсу жа арахад̇д̇амаг̇г̇асаммаад̣̇идти . ананд̇арасса хи вид̇хи бадисзд̇хо ваа, аг̇г̇апаласамаад̇химхи д̇аббаригкаарад̇хаммзсуязва жа гзвало жзд̇обарияааяо нирул̣ход̇и саммаад̣̇идтийд̇и арахад̇д̇амаг̇г̇асаммаад̣̇идти. палагкан̣зд̇и ананд̇арам̣ гааланд̇арз жаад̇и д̣̇увид̇хзби палагкан̣з. бадиббассад̣̇д̇хивасзна саб̣б̣асам̣гилзсзхи жзд̇овимужжад̇и зд̇ааяаад̇и жзд̇овимуд̇д̇и, аг̇г̇апалабан̃н̃ам̣ табзд̇ваа авасзсаа палад̇хаммаа. д̇знааха ‘‘жзд̇овимуд̇д̇и палам̣ ассаад̇и, жзд̇овимуд̇д̇исан̇каад̇ам̣ палам̣ аанисам̣со’’д̇и. саб̣б̣агилзсзхи жзд̇асо вимужжанасан̇каад̇ам̣ бадиббассамбханасан̃н̃ид̇ам̣ бахаанам̣ палам̣ аанисам̣со жаад̇и яож̇анаа. ид̇ха жзд̇овимуд̇д̇исад̣̇д̣̇зна бахаанамад̇д̇ам̣ г̇ахид̇ам̣, буб̣б̣з бахааяагад̇хаммаа. ан̃н̃ат̇аа палад̇хаммаа зва аанисам̣сод̇и г̇аяхамаанз бунаважанам̣ нирад̇т̇агам̣ сияаа. бан̃н̃аавимуд̇д̇ипалаанисам̣саад̇и зд̇т̇ааби звамзва ад̇т̇о взд̣̇ид̇аб̣б̣о. саммааваажаагамманд̇ааж̇ийваа сийласабхаавад̇д̇аа висзсад̇о самаад̇хисса убагаараа, д̇ат̇аа саммаасан̇габбо жхаанасабхаавад̇д̇аа. д̇ат̇аа хи со ‘‘аббанаа’’д̇и нид̣̇д̣̇идто. саммаасад̇исаммаавааяаамаа бана самаад̇хибагкияаа зваад̇и ааха ‘‘авасзсаа д̇хаммаа жзд̇овимуд̇д̇ийд̇и взд̣̇ид̇аб̣б̣аа’’д̇и.
Ettha ca laddhūpakārāti yathārahaṃ nissayādivasena laddhapaccayā. Vipassanāsammādiṭṭhiyā anuggahitabhāvena gahitattā maggasammādiṭṭhīsu ca arahattamaggasammādiṭṭhi . Anantarassa hi vidhi paṭisedho vā, aggaphalasamādhimhi tapparikkhāradhammesuyeva ca kevalo cetopariyāyo niruḷhoti sammādiṭṭhīti arahattamaggasammādiṭṭhi. Phalakkhaṇeti anantaraṃ kālantare cāti duvidhepi phalakkhaṇe. Paṭippassaddhivasena sabbasaṃkilesehi cetovimuccati etāyāti cetovimutti, aggaphalapaññaṃ ṭhapetvā avasesā phaladhammā. Tenāha ‘‘cetovimutti phalaṃ assāti, cetovimuttisaṅkhātaṃ phalaṃ ānisaṃso’’ti. Sabbakilesehi cetaso vimuccanasaṅkhātaṃ paṭippassambhanasaññitaṃ pahānaṃ phalaṃ ānisaṃso cāti yojanā. Idha cetovimuttisaddena pahānamattaṃ gahitaṃ, pubbe pahāyakadhammā. Aññathā phaladhammā eva ānisaṃsoti gayhamāne punavacanaṃ niratthakaṃ siyā. Paññāvimuttiphalānisaṃsāti etthāpi evameva attho veditabbo. Sammāvācākammantājīvā sīlasabhāvattā visesato samādhissa upakārā, tathā sammāsaṅkappo jhānasabhāvattā. Tathā hi so ‘‘appanā’’ti niddiṭṭho. Sammāsatisammāvāyāmā pana samādhipakkhiyā evāti āha ‘‘avasesā dhammā cetovimuttīti veditabbā’’ti.
жад̇убаарисуд̣̇д̇хисийланд̇и арияамаг̇г̇аад̇хиг̇амасса бад̣̇адтаанабхууд̇ам̣ жад̇убаарисуд̣̇д̇хисийлам̣. суд̇аад̣̇ийсуби зсзва наяо. ад̇д̇ано жид̇д̇аббавад̇д̇иаарожанавасзна саха гат̇анам̣ сам̣гат̇аа, сам̣гат̇аава саагажчаа. ид̇ха бана гаммадтаанаббадиб̣ад̣̇д̇хаад̇и ааха ‘‘гаммадтаанз…бз… гат̇аа’’д̇и. д̇асса гаммадтаанасса згаваарам̣ вид̇хияаа аббадибаж̇ж̇анам̣ каланам̣, анзгаваарам̣ багкаланам̣, д̇ад̣̇убхаяасса вижчзд̣̇аний абанаяаний гат̇аа каланабагкаланажчзд̣̇анагат̇аа. буурзнд̇ассаад̇и виваддасанниссид̇ам̣ гад̇ваа баалзнд̇асса б̣руухзнд̇асса жа. сун̣анд̇ассаад̇и ‘‘яат̇аауг̇г̇ахид̇агаммадтаанам̣ паад̇им̣ г̇амиссад̇ий’’д̇и звам̣ сун̣анд̇асса. д̇знзва хи ‘‘саббааяад̇хаммассавана’’нд̇и вуд̇д̇ам̣. гаммам̣ гаронд̇ассаад̇и бхааванаануяог̇агаммам̣ гаронд̇асса. бан̃жасуби таанзсу анд̇а-сад̣̇д̣̇о хзд̇уад̇т̇аж̇од̇ано д̣̇адтаб̣б̣о. зван̃хи ‘‘яат̇аа хий’’д̇иаад̣̇инаа вужжамаанаа амб̣уубамаа яуж̇ж̇зяяа.
Catupārisuddhisīlanti ariyamaggādhigamassa padaṭṭhānabhūtaṃ catupārisuddhisīlaṃ. Sutādīsupi eseva nayo. Attano cittappavattiārocanavasena saha kathanaṃ saṃkathā, saṃkathāva sākacchā. Idha pana kammaṭṭhānappaṭibaddhāti āha ‘‘kammaṭṭhāne…pe… kathā’’ti. Tassa kammaṭṭhānassa ekavāraṃ vidhiyā appaṭipajjanaṃ khalanaṃ, anekavāraṃ pakkhalanaṃ, tadubhayassa vicchedanī apanayanī kathā khalanapakkhalanacchedanakathā. Pūrentassāti vivaṭṭasannissitaṃ katvā pālentassa brūhentassa ca. Suṇantassāti ‘‘yathāuggahitakammaṭṭhānaṃ phātiṃ gamissatī’’ti evaṃ suṇantassa. Teneva hi ‘‘sappāyadhammassavana’’nti vuttaṃ. Kammaṃ karontassāti bhāvanānuyogakammaṃ karontassa. Pañcasupi ṭhānesu anta-saddo hetuatthajotano daṭṭhabbo. Evañhi ‘‘yathā hī’’tiādinā vuccamānā ambūpamā yujjeyya.
уд̣̇агагодтаганд̇и ж̇алааваадам̣. т̇ирам̣ гад̇ваа б̣анд̇хад̇ийд̇и асит̇илам̣ д̣̇ал̣хам̣ наад̇имаханд̇ам̣ наад̇икуд̣̇д̣̇агам̣ гад̇ваа яож̇зд̇и. т̇ирам̣ гарод̇ийд̇и уд̣̇агасин̃жанагаалз д̇ад̇о д̇ад̇о бавад̇д̇ид̇ваа уд̣̇агасса анигкаманад̇т̇ам̣ ж̇алааваадабаал̣им̣ т̇ирад̇арам̣ гарод̇и. сугкад̣̇ан̣д̣агод̇и д̇ассзва амб̣аг̇ажчасса сугкаго саакаасийсаго . гибиллигабудод̇и д̇амб̣агибиллигабудо. кан̣ид̇д̇инд̇и гуд̣̇аалам̣. годтагаб̣анд̇ханам̣ вияа сийлам̣ саммаад̣̇идтияаа вад̣дхануубааяасса муулабхаавад̇о. уд̣̇агасин̃жанам̣ вияа д̇хаммассаванам̣ бхааванааяа бариб̣рууханад̇о. марияаад̣̇ааяа т̇ирабхаавагаран̣ам̣ вияа самат̇о яат̇аавуд̇д̇ааяа бхааванаад̇хидтаанааяа сийламарияаад̣̇ааяа д̣̇ал̣хийбхааваабаад̣̇анад̇о. самаахид̇асса хи сийлам̣ т̇ирад̇арам̣ ход̇и. самийбз валлиаад̣̇ийнам̣ харан̣ам̣ вияа гаммадтаанз каланабагкаланажчзд̣̇анам̣ ижчид̇аб̣б̣абхааванааяа виб̣анд̇ханаабанаяанад̇о. муулакан̣анам̣ вияа сад̇д̇аннам̣ анубассанаанам̣ бхааванаа д̇ассаа виб̣анд̇хасса муулабхууд̇аанам̣ д̇ан̣хаамаанад̣̇идтийнам̣ баликан̣анад̇о. зд̇т̇а жа яасмаа субарисуд̣̇д̇хасийласса гаммадтаанам̣ ануяун̃ж̇анд̇асса саббааяад̇хаммассаванам̣ ижчид̇аб̣б̣ам̣, д̇ад̇о яат̇аасуд̇з ад̇т̇з саагажчаасамаабаж̇ж̇анам̣, д̇ад̇о гаммадтаанависод̇ханзна самат̇аниб̣б̣ад̇д̇и, д̇ад̇о самаахид̇асса аарад̣̇д̇хавибассагасса вибассанаабаарибуури, барибун̣н̣аа вибассанаа маг̇г̇асаммаад̣̇идтим̣ б̣руухзд̇ийд̇и звамзд̇зсам̣ ан̇г̇аанам̣ барамбарааяа саммукаа ануг̇г̇ан̣ханад̇о аяамаанубуб̣б̣ий гат̇ид̇аад̇и взд̣̇ид̇аб̣б̣ам̣.
Udakakoṭṭhakanti jalāvāṭaṃ. Thiraṃ katvā bandhatīti asithilaṃ daḷhaṃ nātimahantaṃ nātikhuddakaṃ katvā yojeti. Thiraṃ karotīti udakasiñcanakāle tato tato pavattitvā udakassa anikkhamanatthaṃ jalāvāṭapāḷiṃ thirataraṃ karoti. Sukkhadaṇḍakoti tasseva ambagacchassa sukkhako sākhāsīsako . Kipillikapuṭoti tambakipillikapuṭo. Khaṇittinti kudālaṃ. Koṭṭhakabandhanaṃ viya sīlaṃ sammādiṭṭhiyā vaḍḍhanūpāyassa mūlabhāvato. Udakasiñcanaṃ viya dhammassavanaṃ bhāvanāya paribrūhanato. Mariyādāya thirabhāvakaraṇaṃ viya samatho yathāvuttāya bhāvanādhiṭṭhānāya sīlamariyādāya daḷhībhāvāpādanato. Samāhitassa hi sīlaṃ thirataraṃ hoti. Samīpe valliādīnaṃ haraṇaṃ viya kammaṭṭhāne khalanapakkhalanacchedanaṃ icchitabbabhāvanāya vibandhanāpanayanato. Mūlakhaṇanaṃ viya sattannaṃ anupassanānaṃ bhāvanā tassā vibandhassa mūlabhūtānaṃ taṇhāmānadiṭṭhīnaṃ palikhaṇanato. Ettha ca yasmā suparisuddhasīlassa kammaṭṭhānaṃ anuyuñjantassa sappāyadhammassavanaṃ icchitabbaṃ, tato yathāsute atthe sākacchāsamāpajjanaṃ, tato kammaṭṭhānavisodhanena samathanibbatti, tato samāhitassa āraddhavipassakassa vipassanāpāripūri, paripuṇṇā vipassanā maggasammādiṭṭhiṃ brūhetīti evametesaṃ aṅgānaṃ paramparāya sammukhā anuggaṇhanato ayamānupubbī kathitāti veditabbaṃ.
ануг̇г̇ахид̇асуд̇д̇аван̣н̣анаа нидтид̇аа.
Anuggahitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. ануг̇г̇ахид̇асуд̇д̇ам̣ • 5. Anuggahitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. ануг̇г̇ахид̇асуд̇д̇аван̣н̣анаа • 5. Anuggahitasuttavaṇṇanā
