| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. ཨནུགྒཧིཏསུཏྟཝཎྞནཱ
5. Anuggahitasuttavaṇṇanā
༢༥. པཉྩམེ སམྨཱདིཊྛཱིཏི ཝིཔསྶནཱསམྨཱདིཊྛི། ཙེཏོཝིམུཏྟིཕལཱཏིཨཱདཱིསུ ཙེཏོཝིམུཏྟཱིཏི མགྒཕལསམཱདྷི། པཉྙཱཝིམུཏྟཱིཏི ཕལཉཱཎཾ། སཱིལཱནུགྒཧིཏཱཏི སཱིལེན ཨནུགྒཧིཏཱ ཨནུརཀྑིཏཱ། སུཏཱནུགྒཧིཏཱཏི བཱཧུསཙྩེན ཨནུགྒཧིཏཱ། སཱཀཙྪཱནུགྒཧིཏཱཏི དྷམྨསཱཀཙྪཱཡ ཨནུགྒཧིཏཱ། སམཐཱནུགྒཧིཏཱཏི ཙིཏྟེཀགྒཏཱཡ ཨནུགྒཧིཏཱ།
25. Pañcame sammādiṭṭhīti vipassanāsammādiṭṭhi. Cetovimuttiphalātiādīsu cetovimuttīti maggaphalasamādhi. Paññāvimuttīti phalañāṇaṃ. Sīlānuggahitāti sīlena anuggahitā anurakkhitā. Sutānuggahitāti bāhusaccena anuggahitā. Sākacchānuggahitāti dhammasākacchāya anuggahitā. Samathānuggahitāti cittekaggatāya anuggahitā.
ཨིམསྶ པནཏྠསྶ ཨཱཝིབྷཱཝཏྠཾ མདྷུརམྦབཱིཛཾ རོཔེཏྭཱ སམནྟཱ མརིཡཱདཾ བནྡྷིཏྭཱ ཀཱལཱནུཀཱལཾ ཨུདཀཾ ཨཱསིཉྩིཏྭཱ ཀཱལཱནུཀཱལཾ མཱུལཱནི སོདྷེཏྭཱ ཀཱལཱནུཀཱལཾ པཏིཏཔཱཎཀེ ཧཱརེཏྭཱ ཀཱལཱནུཀཱལཾ མཀྐཊཛཱལཾ ལུཉྩིཏྭཱ ཨམྦཾ པཊིཛགྒནྟོ པུརིསོ དསྶེཏབྦོ། ཏསྶ ཧི པུརིསསྶ མདྷུརམྦབཱིཛརོཔནཾ ཝིཡ ཝིཔསྶནཱསམྨཱདིཊྛི དཊྛབྦཱ, མརིཡཱདབནྡྷནཾ ཝིཡ སཱིལེན ཨནུགྒཎྷནཾ, ཨུདཀཱསེཙནཾ ཝིཡ སུཏེན ཨནུགྒཎྷནཾ, མཱུལཔརིསོདྷནཾ ཝིཡ སཱཀཙྪཱཡ ཨནུགྒཎྷནཾ, པཱཎཀཧརཎཾ ཝིཡ ཛྷཱནཝིཔསྶནཱཔཱརིཔནྠིཀསོདྷནཝསེན སམཐཱནུགྒཎྷནཾ, མཀྐཊཛཱལལུཉྩནཾ ཝིཡ བལཝཝིཔསྶནཱནུགྒཎྷནཾ, ཨེཝཾ ཨནུགྒཧིཏསྶ རུཀྑསྶ ཁིཔྤམེཝ ཝཌྜྷིཏྭཱ ཕལཔྤདཱནཾ ཝིཡ ཨིམེཧི སཱིལཱདཱིཧི ཨནུགྒཧིཏཱཡ མཱུལསམྨཱདིཊྛིཡཱ ཁིཔྤམེཝ མགྒཝསེན ཝཌྜྷིཏྭཱ ཙེཏོཝིམུཏྟིཔཉྙཱཝིམུཏྟིཕལཔྤདཱནཾ ཝེདིཏབྦཾ།
Imassa panatthassa āvibhāvatthaṃ madhurambabījaṃ ropetvā samantā mariyādaṃ bandhitvā kālānukālaṃ udakaṃ āsiñcitvā kālānukālaṃ mūlāni sodhetvā kālānukālaṃ patitapāṇake hāretvā kālānukālaṃ makkaṭajālaṃ luñcitvā ambaṃ paṭijagganto puriso dassetabbo. Tassa hi purisassa madhurambabījaropanaṃ viya vipassanāsammādiṭṭhi daṭṭhabbā, mariyādabandhanaṃ viya sīlena anuggaṇhanaṃ, udakāsecanaṃ viya sutena anuggaṇhanaṃ, mūlaparisodhanaṃ viya sākacchāya anuggaṇhanaṃ, pāṇakaharaṇaṃ viya jhānavipassanāpāripanthikasodhanavasena samathānuggaṇhanaṃ, makkaṭajālaluñcanaṃ viya balavavipassanānuggaṇhanaṃ, evaṃ anuggahitassa rukkhassa khippameva vaḍḍhitvā phalappadānaṃ viya imehi sīlādīhi anuggahitāya mūlasammādiṭṭhiyā khippameva maggavasena vaḍḍhitvā cetovimuttipaññāvimuttiphalappadānaṃ veditabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. ཨནུགྒཧིཏསུཏྟཾ • 5. Anuggahitasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥. ཨནུགྒཧིཏསུཏྟཝཎྞནཱ • 5. Anuggahitasuttavaṇṇanā
