| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਅਨੁਗ੍ਗਹਿਤਸੁਤ੍ਤવਣ੍ਣਨਾ
5. Anuggahitasuttavaṇṇanā
੨੫. ਪਞ੍ਚਮੇ ਸਮ੍ਮਾਦਿਟ੍ਠੀਤਿ વਿਪਸ੍ਸਨਾਸਮ੍ਮਾਦਿਟ੍ਠਿ। ਚੇਤੋવਿਮੁਤ੍ਤਿਫਲਾਤਿਆਦੀਸੁ ਚੇਤੋવਿਮੁਤ੍ਤੀਤਿ ਮਗ੍ਗਫਲਸਮਾਧਿ। ਪਞ੍ਞਾવਿਮੁਤ੍ਤੀਤਿ ਫਲਞਾਣਂ। ਸੀਲਾਨੁਗ੍ਗਹਿਤਾਤਿ ਸੀਲੇਨ ਅਨੁਗ੍ਗਹਿਤਾ ਅਨੁਰਕ੍ਖਿਤਾ। ਸੁਤਾਨੁਗ੍ਗਹਿਤਾਤਿ ਬਾਹੁਸਚ੍ਚੇਨ ਅਨੁਗ੍ਗਹਿਤਾ। ਸਾਕਚ੍ਛਾਨੁਗ੍ਗਹਿਤਾਤਿ ਧਮ੍ਮਸਾਕਚ੍ਛਾਯ ਅਨੁਗ੍ਗਹਿਤਾ। ਸਮਥਾਨੁਗ੍ਗਹਿਤਾਤਿ ਚਿਤ੍ਤੇਕਗ੍ਗਤਾਯ ਅਨੁਗ੍ਗਹਿਤਾ।
25. Pañcame sammādiṭṭhīti vipassanāsammādiṭṭhi. Cetovimuttiphalātiādīsu cetovimuttīti maggaphalasamādhi. Paññāvimuttīti phalañāṇaṃ. Sīlānuggahitāti sīlena anuggahitā anurakkhitā. Sutānuggahitāti bāhusaccena anuggahitā. Sākacchānuggahitāti dhammasākacchāya anuggahitā. Samathānuggahitāti cittekaggatāya anuggahitā.
ਇਮਸ੍ਸ ਪਨਤ੍ਥਸ੍ਸ ਆવਿਭਾવਤ੍ਥਂ ਮਧੁਰਮ੍ਬਬੀਜਂ ਰੋਪੇਤ੍વਾ ਸਮਨ੍ਤਾ ਮਰਿਯਾਦਂ ਬਨ੍ਧਿਤ੍વਾ ਕਾਲਾਨੁਕਾਲਂ ਉਦਕਂ ਆਸਿਞ੍ਚਿਤ੍વਾ ਕਾਲਾਨੁਕਾਲਂ ਮੂਲਾਨਿ ਸੋਧੇਤ੍વਾ ਕਾਲਾਨੁਕਾਲਂ ਪਤਿਤਪਾਣਕੇ ਹਾਰੇਤ੍વਾ ਕਾਲਾਨੁਕਾਲਂ ਮਕ੍ਕਟਜਾਲਂ ਲੁਞ੍ਚਿਤ੍વਾ ਅਮ੍ਬਂ ਪਟਿਜਗ੍ਗਨ੍ਤੋ ਪੁਰਿਸੋ ਦਸ੍ਸੇਤਬ੍ਬੋ। ਤਸ੍ਸ ਹਿ ਪੁਰਿਸਸ੍ਸ ਮਧੁਰਮ੍ਬਬੀਜਰੋਪਨਂ વਿਯ વਿਪਸ੍ਸਨਾਸਮ੍ਮਾਦਿਟ੍ਠਿ ਦਟ੍ਠਬ੍ਬਾ, ਮਰਿਯਾਦਬਨ੍ਧਨਂ વਿਯ ਸੀਲੇਨ ਅਨੁਗ੍ਗਣ੍ਹਨਂ, ਉਦਕਾਸੇਚਨਂ વਿਯ ਸੁਤੇਨ ਅਨੁਗ੍ਗਣ੍ਹਨਂ, ਮੂਲਪਰਿਸੋਧਨਂ વਿਯ ਸਾਕਚ੍ਛਾਯ ਅਨੁਗ੍ਗਣ੍ਹਨਂ, ਪਾਣਕਹਰਣਂ વਿਯ ਝਾਨવਿਪਸ੍ਸਨਾਪਾਰਿਪਨ੍ਥਿਕਸੋਧਨવਸੇਨ ਸਮਥਾਨੁਗ੍ਗਣ੍ਹਨਂ, ਮਕ੍ਕਟਜਾਲਲੁਞ੍ਚਨਂ વਿਯ ਬਲવવਿਪਸ੍ਸਨਾਨੁਗ੍ਗਣ੍ਹਨਂ, ਏવਂ ਅਨੁਗ੍ਗਹਿਤਸ੍ਸ ਰੁਕ੍ਖਸ੍ਸ ਖਿਪ੍ਪਮੇવ વਡ੍ਢਿਤ੍વਾ ਫਲਪ੍ਪਦਾਨਂ વਿਯ ਇਮੇਹਿ ਸੀਲਾਦੀਹਿ ਅਨੁਗ੍ਗਹਿਤਾਯ ਮੂਲਸਮ੍ਮਾਦਿਟ੍ਠਿਯਾ ਖਿਪ੍ਪਮੇવ ਮਗ੍ਗવਸੇਨ વਡ੍ਢਿਤ੍વਾ ਚੇਤੋવਿਮੁਤ੍ਤਿਪਞ੍ਞਾવਿਮੁਤ੍ਤਿਫਲਪ੍ਪਦਾਨਂ વੇਦਿਤਬ੍ਬਂ।
Imassa panatthassa āvibhāvatthaṃ madhurambabījaṃ ropetvā samantā mariyādaṃ bandhitvā kālānukālaṃ udakaṃ āsiñcitvā kālānukālaṃ mūlāni sodhetvā kālānukālaṃ patitapāṇake hāretvā kālānukālaṃ makkaṭajālaṃ luñcitvā ambaṃ paṭijagganto puriso dassetabbo. Tassa hi purisassa madhurambabījaropanaṃ viya vipassanāsammādiṭṭhi daṭṭhabbā, mariyādabandhanaṃ viya sīlena anuggaṇhanaṃ, udakāsecanaṃ viya sutena anuggaṇhanaṃ, mūlaparisodhanaṃ viya sākacchāya anuggaṇhanaṃ, pāṇakaharaṇaṃ viya jhānavipassanāpāripanthikasodhanavasena samathānuggaṇhanaṃ, makkaṭajālaluñcanaṃ viya balavavipassanānuggaṇhanaṃ, evaṃ anuggahitassa rukkhassa khippameva vaḍḍhitvā phalappadānaṃ viya imehi sīlādīhi anuggahitāya mūlasammādiṭṭhiyā khippameva maggavasena vaḍḍhitvā cetovimuttipaññāvimuttiphalappadānaṃ veditabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਅਨੁਗ੍ਗਹਿਤਸੁਤ੍ਤਂ • 5. Anuggahitasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਅਨੁਗ੍ਗਹਿਤਸੁਤ੍ਤવਣ੍ਣਨਾ • 5. Anuggahitasuttavaṇṇanā
