| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. অনুকম্পসুত্তং
5. Anukampasuttaṃ
২৩৫. ‘‘পঞ্চহি , ভিক্খৰে, ধম্মেহি সমন্নাগতো আৰাসিকো ভিক্খু গিহীনং 1 অনুকম্পতি। কতমেহি পঞ্চহি? অধিসীলে 2 সমাদপেতি; ধম্মদস্সনে নিৰেসেতি; গিলানকে উপসঙ্কমিত্ৰা সতিং উপ্পাদেতি – ‘অরহগ্গতং আযস্মন্তো সতিং উপট্ঠাপেথা’তি; মহা খো পন ভিক্খুসঙ্ঘো অভিক্কন্তো নানাৰেরজ্জকা ভিক্খূ গিহীনং উপসঙ্কমিত্ৰা আরোচেতি – ‘মহা খো, আৰুসো, ভিক্খুসঙ্ঘো অভিক্কন্তো নানাৰেরজ্জকা ভিক্খূ, করোথ পুঞ্ঞানি, সমযো পুঞ্ঞানি কাতু’ন্তি; যং খো পনস্স ভোজনং দেন্তি লূখং ৰা পণীতং ৰা তং অত্তনা পরিভুঞ্জতি, সদ্ধাদেয্যং ন ৰিনিপাতেতি। ইমেহি খো, ভিক্খৰে, পঞ্চহি ধম্মেহি সমন্নাগতো আৰাসিকো ভিক্খু গিহীনং অনুকম্পতী’’তি। পঞ্চমং।
235. ‘‘Pañcahi , bhikkhave, dhammehi samannāgato āvāsiko bhikkhu gihīnaṃ 3 anukampati. Katamehi pañcahi? Adhisīle 4 samādapeti; dhammadassane niveseti; gilānake upasaṅkamitvā satiṃ uppādeti – ‘arahaggataṃ āyasmanto satiṃ upaṭṭhāpethā’ti; mahā kho pana bhikkhusaṅgho abhikkanto nānāverajjakā bhikkhū gihīnaṃ upasaṅkamitvā āroceti – ‘mahā kho, āvuso, bhikkhusaṅgho abhikkanto nānāverajjakā bhikkhū, karotha puññāni, samayo puññāni kātu’nti; yaṃ kho panassa bhojanaṃ denti lūkhaṃ vā paṇītaṃ vā taṃ attanā paribhuñjati, saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu gihīnaṃ anukampatī’’ti. Pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫. অনুকম্পসুত্তৰণ্ণনা • 5. Anukampasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
