| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. анугамбасуд̇д̇ам̣
5. Anukampasuttaṃ
235. ‘‘бан̃жахи , бхигкавз, д̇хаммзхи саманнааг̇ад̇о ааваасиго бхигку г̇ихийнам̣ 1 анугамбад̇и. гад̇амзхи бан̃жахи? ад̇хисийлз 2 самаад̣̇абзд̇и; д̇хаммад̣̇ассанз нивзсзд̇и; г̇илаанагз убасан̇гамид̇ваа сад̇им̣ уббаад̣̇зд̇и – ‘арахаг̇г̇ад̇ам̣ ааяасманд̇о сад̇им̣ убадтаабзт̇аа’д̇и; махаа ко бана бхигкусан̇гхо абхигганд̇о наанаавзраж̇ж̇агаа бхигкуу г̇ихийнам̣ убасан̇гамид̇ваа аарожзд̇и – ‘махаа ко, аавусо, бхигкусан̇гхо абхигганд̇о наанаавзраж̇ж̇агаа бхигкуу, гарот̇а бун̃н̃аани, самаяо бун̃н̃аани гаад̇у’нд̇и; яам̣ ко банасса бхож̇анам̣ д̣̇знд̇и луукам̣ ваа бан̣ийд̇ам̣ ваа д̇ам̣ ад̇д̇анаа барибхун̃ж̇ад̇и, сад̣̇д̇хаад̣̇зяяам̣ на винибаад̇зд̇и. имзхи ко, бхигкавз, бан̃жахи д̇хаммзхи саманнааг̇ад̇о ааваасиго бхигку г̇ихийнам̣ анугамбад̇ий’’д̇и. бан̃жамам̣.
235. ‘‘Pañcahi , bhikkhave, dhammehi samannāgato āvāsiko bhikkhu gihīnaṃ 3 anukampati. Katamehi pañcahi? Adhisīle 4 samādapeti; dhammadassane niveseti; gilānake upasaṅkamitvā satiṃ uppādeti – ‘arahaggataṃ āyasmanto satiṃ upaṭṭhāpethā’ti; mahā kho pana bhikkhusaṅgho abhikkanto nānāverajjakā bhikkhū gihīnaṃ upasaṅkamitvā āroceti – ‘mahā kho, āvuso, bhikkhusaṅgho abhikkanto nānāverajjakā bhikkhū, karotha puññāni, samayo puññāni kātu’nti; yaṃ kho panassa bhojanaṃ denti lūkhaṃ vā paṇītaṃ vā taṃ attanā paribhuñjati, saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu gihīnaṃ anukampatī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. анугамбасуд̇д̇аван̣н̣анаа • 5. Anukampasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамад̣̇ийгхажааригасуд̇д̇аад̣̇иван̣н̣анаа • 1-10. Paṭhamadīghacārikasuttādivaṇṇanā
